كنت لي بمثابة الحياة.. 

وتحصل إبنها 
الف بعد الشړ عليها متقوليش كده. 
لما تبقى من يوم حصل اللي حصل وهي ما دقتش الاكل يبقى هتروح مني انت لازم تتصرف انت اخوها الكبير وفي حكم ابوها. 
يعني عايزاني اكتفها يا ماما عشان تاكل عمر الأكل ما كان بالعافية ده نفس وانت عارفه بنتگ لما بتزعل مش بتاكل. 
يعني اية الحل دلوقتي اسبها كده يعني 
والله ما عارف اقولگ اية بس. 
جبتگ يا عبد المعين تعيني لاقتگ عايز تتعان إحنا لازم تكلم دكتورة آلاء هي اكيد عندها الحل حتى لو كان الحل ده تدخل المستشفى انا مش هقف وبنتي تروح مني دي طول الوقت بتكلم روحها وعايشه في وهم ان شادي لسة عايش. 

انا هقوم اتصل عليها هي اتصلت بيا إمبارح تطمن عليها وهبلغها بحالتها انا خاېف عليها اوي.
هاتف الدكتورة وقص عليها حالتها وعدم تناولها الطعام وحديثها الدائم مع ملابس ولعب صغيرها الراحل انزعجت بشدة وقالت له بحزن وآسى عليها
كده مقدمناش غير حل واحد أنها تروح المستشفى غزال دخلت في دور اكتئاب شديد عقلها مش قادر يستوعب كل اللي حصل رافض فقدانه لابنها وكمان عشان تعلق محاليل ياريت تجهز ليها حاجاتها وتحاول تقنعها انها تيجي المستشفى ومش كده وبس لما تتحسن بإذن الله وتخرج غزال لازم الفترة الجاية تبعد عن شقتها لان كل حاجة حواليها بتفكرها بالماضي وزاد دلوقتي عليها فقدانها لابنها حاول تاخدها عندگ او تروح تعيش عند مامتگ الفترة دي. 
كلامگ مظبوط يا دكتورة فعلا البيت بقى صعب اوي بعد اللي حصل انا هدخل اتكلم معاها ويارب ترضى تروح عند حضرتگ في المستشفى. 
تمام وانا بكره ان شاء الله هيجي اشوفها. 
تنوري يا دكتورة في رعاية الله وحفظه.
انهى معها وعينان والدته تبصره للتحدث عما قالته له ف قص عليها ما سردته له تأثرت لحالة ابنتها ودعت لها أن يطيب الله اوجاعها
دلف لها اخاها وجدها مستغرقه في نومها ومحتضنه ملابس صغيرها بحنان. 
بينما آلاء حينما انهت معه قامت بالإتصال بأخاها الذي لبى ردها بعد عدة محاولات قال في اقتضاب
نعم.

الفصل الرابع عشر

لبى ردها بعد عدة محاولات قال في اقتضاب
نعم.
اية نعم دي في حد يرد على اخته بنعم نعمه لله عليگ يا سيدي مالگ انت كمان مرات عمي بتشتكي منگ أنا بصراحه مش عارفه هلاقيها منگ ولا من غزال.
ما أن سمع حروف إسمها الرجفه تسربت لفؤاده والخۏف جعل دقاته في ازدياد فأسرع قائلا
مالها غزال فيها اية يا آلاء
ردت عليه بحزن شديد على حالتها
تعبانه اوي يا أمان ومنعت الأكل وطول الوقت حابسه نفسها ومش كده وبس دي وصلت أنها بتكلم اللعب وهدوم ابنها.
أغمض عيناه بۏجع لما اصابها يريد أن يقف بجانبها ويساندها لكنه لا يستطيع فقد اشتاق لها ويريد رؤيتها بأي طريقة فسألها هاتفا
أنا عايز اشوفها بأي طريقة يا آلاء ارجوك ساعديني. 
هتشوفها ازاي وبأي صفة بس 
مش عارف بس اطمن عليها. 
طب انا قولت لأخوها بكره هروح اشوفها تعالى معايا بحجه انگ هتوصلني عشان مش عارفه البيت ومنها تطمن عليها. 
ربنا يخليك ليا مش عارف من غيرگ هعمل اية شوفي هتروحي على الساعة كام وبلغيني اعدي عليك بس ياريت قبل ما اروح العيادة. 
خلاص تمام اتفقنا وانت ياريت تفوق لنفسگ ولشغلگ طنط اشتكت منگ مر الشكوى فادي ملوش ذنب في حالتگ دي يا أمان. 
حاضر هحاول صدقيني وبكرة كل مشاكلي هتتحل بإذن الله بس انت ادعيلي بقلب جامد. 
مع اني مش فاهمه حاجة بس ربنا يوفقگ يا حبيبي. 

هاتف والد فؤاد سند حتى يطمئن على حالتها فزداد ألما لها حين علم بما تعانية وابلغه محمود بأنه حتى هذا الحين لم يستطع تبليغ ابنه بما حدث لفقدان حفيده فالأمر في غاية الصعوبه عليه لمح من بعيد بأنه يقوم بهذه المهمه بدلا منه فأجابه على استحياء
آسف جدا يا عمي العلاقة بيني وبين فؤاد بعد اللي حصل منه انقطعت وشبه معدومه وبصراحه مش هقدر أني اتكلم معاه في العادي ما بالگ أني ابلغه بمصېبه زي دي !! حضرتگ هتكون افضل مني بكتير. 
حاولت اتشجع واقوله لكن في كل مره بيرن عليا واشوف اسمه على شاشة التليفون قلبي بيرتعش وبدل من أني ارد عليه بلاقي نفسي بكنسل ومن يومها مكلمتهوش ولا اعرف عنه حاجة. 
كده كده يا عم محمود هيعرف لما يعرف دلوقتي احسن من بعد كده واعتقد يعني أن الخبر مش هيبقى صعب عليه بالصوره اللي متخيلها. 
ازاي تقول كده يا سند يابني ده ابنه الوحيد مهما يكن واللي طلع بيه من الدنيا. 
والله انت طيب اوي هو لو زي ما بتقول كده كان سافر من غير حتى ما يبص في وشه ولا يضمه لقلبه ده ولا كان فارق معاه بالذمه في أب يهون عليه ميشفش