طريح الحب بقلم مياده

شغلي هو انا مش بني آدم برضو و وارد اني اغلط.
لاء مش وارد طبعا انت عارف كويس اوي ان الغلطة في شغلنا بروح بني آدم أئتمنك على حياته قبل
ما يدخل العملية.
ثم من امتى و احنا بنفكر في مشاكلنا أثناء الشغل يا مالك انت من يوم ما اتجوزت و انت مابقتش طبيعي فوق يا دكتور.
انت الدكتور مالك الرفاعي اللي عمره ما غلط في عملية لو مش قادر تنسى حبك القديم و حاسس انك ظالم بنت خالتك معاك يبقى تطلقها و تريح نفسك من تعب الأعصاب اللي انت فيه ده.
مالك مأنبا لصديقه
ايه اللي جاب السيرة دي دلوقتي و مين قالك اني ظالم مراتي بالعكس انا...
انصت اليه صديقة ليشجعه على الإفصاح عما بداخله
انت ايه يا مالك كمل سكت ليه.
لكن الاخر قد خزله و لملم اشيائه سريعا متأهبا للرحيل.
انا ماشي يا حسام
أوقف سيارته بالساحة الكبيرة لمكانه المفضل مسجد الحسين رضي الله عنه.
تركها و ذهب ليجلس بجانب ضريحه يناجي حبيبه ويشكو له ما بداخله الي ان يحين موعد الصلاة.
مالك مخاطبا ربه
يا الله و لما كل هذا التخبط برأسي ألم اكن انا من قال اني لا أريدها.
ألم اقل اني سأكون أبا لها فقط لماذا يتسلل بداخلي هذا الشعور الغريب.
مالي بها اذا كانت ذو خطية ام لا.
اريد ان ابوح بشئ داخل صدري وان لم يخرج على لساني سأفقد صوابي حقا بل اني أشعر انه ېخنقني و يزهق روحي.
واذا به ينظر للضريح و يوجه حديثه له وكأنه يرى سيدنا الحسين امامه.
و من لي غيرك يا حبيبي ابوح له والقى بجعبتي بجانبه ليس لي كاتم أسرار غيرك انت الجئ اليه وقت حوجتي.
انا اعترف لنفسي ولك اني احبها أريدها لي زوجتي حبيبتي وأيضا طفلتي.
لكن هناك شيئا يمنعني يجبرني ان لا ارضخ لها يقول لي انني سأدنس نفسي بهذا الرباط هي تتمسك بعنادها و تخبئ عني سرها.
إهدها لي يا حسين و جنبني الخطأ و ارشدني الي الصواب.
كن معي يا الله اللهم لا تصدمني بها صونها واعفها لي يا رب.
كنت عارف انك مش هتسيب حبيبك كتير و هيوحشك...
ومن يكون هذا سوي والده الذي جلس من خلفه وربما يكون انصت الي حديثه مع ربه.
ما كان ينقصه الان إلا ان يراه ابيه و هو على هذه الحاله لكن ما باليد حيلة سيلتفت اليه و يتواجه معه دون أن يخبره بما في داخله.
مالك محاولا رسم الابتسامه على وجهه
ابويا ازيك يا حاج وحشتني و الله.
الحاج حسان معاتبا له
يا اخويا انا لو كنت وحشتك كنت اتصلت و سألت عني لكن انت زي ما تكون نستنى بمجرد ما مشيت من هنا.
و انا اقدر بردو استغني عنك يا حاج بس انت عارف يعني عريس بقى و كده.
الحاج حسان محاولا إخراج ما في صدره.
ضحكت على امك و قولتلها انك مبسوط
معاها و ان كل حاجه ماشية تمام ما بينكم.
وراى مالك عينه من نظرة ابية مصطنعا الخجل منه.
اه يا ابويا الحمدلله.
يعني بقت مراتك شرعا يا مالك
رفع رأسه له متفاجئا بسؤاله كان يظن ان ابيه لن يطرح عليه مثل هذا السؤال لكنه مضطر الان للأجابه عليه.
اومئ له رأسه بنعم بينما يريد والده ان يطرحها على لسانه.
عايز اسمعها منك يا مالك
ايوة يا ابويا بقت مراتي شرعا...
انا بصراحة مستغرب سؤالك ده!
عشان مش مصدقك او بمعنى أصح عارف انك بتكدب عليا و قبل ما تسألني ليه بقولك كده
هاقولك لأنك اول مره تعملها وتكدب
عليا ملامحك ڤضحاك يا دكتور وحزنك باين علي وشك.
وكيف له الآن إن يثبت له عكس ما يرى هو بالنسبة لأبيه كتاب مفتوح وابيه بالنسبة له مرأته التي يرى بها نفسه.
مالك نافيا 
لاء يا ابويا شذى فعلا بقت مراتي وحزني مش بسببها انا غلطت في شغلي النهاردة كنت بعمل عملية لمريض و مركزتش وانا بعملها فغلطت للأسف.
الحاج حسان پخوف من عقاپ ربه 
بتقول ايه اوعي تكون ازهقت روح دون وجه حق يا مالك عارف عقابك عند ربك هيكون ايه
مالك مطمئنا له 
لاء الحمد لله اطمن يا ابويا حسام لحقني و كمل هو العملية بدالي 
و المړيض بخير.
طب وليه دا كله ايه اللي وصلك لكده و خلاك تسرح و انت في شغلك دا انت اول مره تعملها.
عادي يا ابويا انا مش ملاك انا بني آدم يعني مش معصوم من الخطأ.
ليستطرد له ما ورد في الحديث النبوي الشريف.
قال رسول الله صلى الله عليه و سلم يا حاج. كل ابن آدم خطاء وخير الخطائين التوابون
الحاج حسان
عليه افضل الصلاة و السلام 
و عشان كده انت جيت الضريح النهاردة.
مالك مبتسما وملتفتا للضريح
حسيت اني مأثر معاه شويه فاقولت اعدي عليه واصلي العصر هنا بعدها ابقي اروح.
يعني ماكنتش ناوي تعدي علينا و لا كنا في حسابك من أساسه و انا لو ماكنتش شوفتك بالصدفه ماكنتش هاعرف انك جيت الحي مش كده!
مالك مؤكدا كلام ابيه
بصراحه اه انا ماكنتش هاعدي على البيت و لا هاعدي دلوقتي حتى بعد ما شوفتك و لا انت كمان هتقولهم انك شوفتني النهارده.
ضم الحاج حسان حاجبيه بعدم فهم
طب و ليه مش عايز تشوف امك وتطمن عليها.
ماشي يا مالك زي ما انت عايز بس اتمنى انك تكون بتقول الحقيقة او حتى تكون ريحت بالك و طلعت اللي جواك لحبيبك.
اطمن عليا يا حاج انا كويس الحمد لله يلا بقي نقوم نصلي سوي عشان الحق ارجع
البيت للغلبانه اللي سايبها لوحدها دي.
عاد إلي بيته بوجه مكفهر ليس من الڠضب الذي يمتلكه فقط لكن كان يبدو عليه أيضا الارهاق..
كان البيت ساكنا هادئا و كأنه لا يوجد به أحدا.
أين ذهبت تلك الشقية التي دائما ما تثير اعصابه.
ظل يبحث عنها بنظره في الخارج لم يجدها و هو متمسك في يده ببعض الأوراق..
لكن بالله أين ذهبت هي لا تعرف حتى أن تفتح هذا الباب اذا كيف تخرج منه
جري الي غرفة النوم لم يجدها فتح باب المرحاض الخاص بها لكنه كان فارغ ولا يوجد به احد حتى غرفة الملابس لا يبدو أن أحدا قد لمس أرضها اساسا.
و ما آثار الرهبه في قلبه انه وجد حقيبة ملابسه هو فقط.
ترجل من الغرفه وهو منفزعا ېصرخ بأسمها كالمچنون يبحث عنها بكل مكان لا يمكن أن تفعلها به هي الأخرى لا يمكن أن تتركه و تذهب.
تفقد غرفة الطهي المرحاض الكبير و بدي عليه اليأس وهو يبحث عنها في الغرف الشاغره و ېصرخ بشده.
شذى انتي فين ردي عليا
فتح باب اخر غرفة بالبيت اخيرا ما تنفس الصعداء حين رأها تجلس في زاوية الغرفة متكومة على نفسها و بجانبها حقيبة ملابسها
كمن لقى طوق نجاته اسرع الخطى نحوها واذا به يلقى الورق من يده و يتمسك بها هي و في غضون ثواني معدودة.
سيبني يا مالك مش انت قولتلي مش عايز اشوفك اديني سيبتلك الشقه بحالها و قعدت في حالي اهو
مافيش حاجه اسمها تقعدي لوحدك و تسبيني حتى لو في بينا ايه هتنامي و تقعدي و تاكلي و تشربي معايا انا و