زوجى مختل عاطفيا بقلم اسراء ابراهيم

مش زيك انت وهي فاسمع لو فكرت تقرب مني تاني انا هروح اعمل فيك شكوة
هشام كان هيتكلم بصوت عالي وهو بيقرب منها بس اتفاجئ بعمرو بيقف قدام قمر وهو بيبصله پغضب
عمرو پغضب لو فكرت تتكلم معاها كدة تاني انا هقل منك قمر تبقي خطيبتي وتخصني واعتقد انك عارف انا مين فمشوفش حد فيكم انتو الاتنين بيقرب منها
هشام بتوتر ماشي يا عمرو انا مكنتش اعرف انها تخصك انا اسف يلا يا حبيبة
مشيت حبيبة مع هشام اللي كان باين عليه الڠضب وقمر كانت متابعاهم پصدمة ومش متخيلة انه خاف من عمرو اللي هي عارفاه بس شكلا وكانت بتاخد بالها منه دايما بس دي اول مرة تتكلم معاه
قمر پغضب هو انت ازاي تقوله اني خطيبتك انت اټجننت مين انت عشان تتدخل وتقول اني مرتبطة بيك
عمرو بابتسامة جذابة ده بدل ما تشكريني عشان دافعت عنك طيب علي فكرة بقي انا متابع كل اللي بيحصل من بدري اوي من وقت ما هشام بعت حبيبة ليكي وانا كنت عارف انها عاوزة تأثر عليكي عشان تكلميه وكبرتي في نظري اوي لما شوفتك بتصديها وبعدين اعجبت بيكي اكتر لما اتجرأتي وصدتيه هو كمان وعشان كدة قررت اتدخل واخليه يبعد عنك
قمر بخجل طيب متشكرة يا سييدي بس مش لدرجة انك تقول انك خطيبي
عمرو بتلقائية بس انا مكدبتش يا قمري انتي هتبقي خطيبتي وده مش بمزاجك علي فكرة
قمر پصدمة وخجل اانت بتقول ايه يعني ايه بقي كلامك ده
عمرو بثقة بقولك اني حددت معاد مع باباكي يوم الخميس وعلي فكرة هتبقي مراتي كمان مش خطيبتي بس انا بقولك يعني ويلا بقي روحي عشان باباكي اكيد هيفاتحك في الموضوع انهاردة
قمر كانت واقفة بتبص لعمرو وهي مصډومة ومش متخيلة الكلام اللي عمرو بيقوله فانسحبت بهدوء وخجل وسابته ومشيت وهو ابتسم بتلقائية وفضل متابعها بعنيه
.............................................
كانت واقفة سارة مع قمر بعد ما جهزت وكانت بتظبط طرحتها وهي فرحانة اوي ليها بعد ما حكتلها قمر كل حاجة وحست سارة ان قمر اصلا كانت معجبة بعمرو بس من بعيد لبعيد
سمر بغيظ وهي بتدخل من باب الاوضة يلا ياختي قرو الفاتحة
سارة زغرطت وحضنت قمر اللي رغم انها مكنتش تعرف عمرو اوي لكنها مرتاحة اوي ليه وفرحانة بارتباطها بيه خرجت قمر مع سارة اللي كانت عنيها متعلقة بقاسم وهو كان بيبصلها هو كمان ومركز عنيه عليها وعلي وشه ابتسامة جذابة سړقت قلب سارة وخلتها راحت وقفت جمبه
سارة بهمس انا متشكرة ليك يا قاسم اوي عشان انت وافقت اني ابات امبارح مع قمر واكون معاها وكمان جيت انهاردة وحضرت الاتفاق 
قاسم قرب منها وقالها بهمس هو كمان مفيش واحدة تشكر جوزها علي فكرة وبعدين متاخديش علي كدة عشان مش هتبعدي عن حضڼي تاني
سارة پصدمة وخجل قاسم انت بتقول ايه 
قاسم بابتسامة بقولك اني انا كمان بحبك يا سارة ومش عاوزك تبعدي عني لانك العوض بالنسبالي
سارة پصدمة و بخجل انت سمعتني وانا بتكلم مع قمر مش كدة 
قاسم بابتسامة سمعتك وكنت اسعد راجل في الدنيا وانا بسمعك وصدقيني انا لو ندمان فعشان مقابلتكيش من زمان يا سارة
سارة بفرحة يعني مش هيجي عليك يوم وتزهق مني
قاسم بهيام ده انا لازم اشكر مرات ابوكي اللي كانت السبب في انها تعرفني عليكي والسبب في اني احبك 
ضحكت سارة بتلقائية وردت بخجل انت متعرفش دي لو سمعتك دلوقتي ممكن ټموت فيها اصلها كانت مفكرة انها
بجوازتي كدة بټنتقم مني متعرفش انها خلتني اقابل الانسان اللي هسلمله قلبي
ابتسم قاسم وهو بيشبك ايديه في ايد سارة براحة نسيت اقولك اني رجعت شغلي تاني وبسببك هيبقالي حياه جديدة بيكي انتي يا سارة
سارة بفرحة بجد يا قاسم ده احلي خبر سمعته في حياتي
ابتسم قاسم بحب لسارة اللي بصت لقمر اللي باين انها هي كمان وقعت زيها وابتسمت سارة بتلقائية وهي بتحمد ربنا انه عوضها هي واختها عن كل اللي شافوه في حياتهم ...تمت
تمت 
بقلمي_اسراء_ابراهيم
رأيكم يا حلوين وتوقعاتكم عن فكرة الاسكربت الجاي ايه