زوجى مختل عاطفيا بقلم اسراء ابراهيم

خاېفة عليكي اوي بس بعد اللي حكتهولي عن قاسم ده عرفت قد ايه طلع انسان كويس
سارة بكدب طبعا يا قمر انا من وقت ما جيت هنا وهو بيعاملني كويس اوي عكس ما كانت بتقول سمر مرات بابا حقيقي انا محظوظة انه في حياتي اوي يا قمر
قمر بغمزة اوعي بقي احنا وقعنا ولا ايه يا ست سارة وقال ايه انا عمري ما احب ابدا وشكلك طبيتي اهو
سارة بتهرب انتي بتقولي ايه بس يا قمر حب ايه هو عشان يعني بقولك انه كويس معايا وانه بيعاملني حلو ابقي بحبه
قم بخبث اومال قلبك اللي سامعة دقاته ده ايه ولا لمعة عنيكي اللي مش بتكدب ابدا دي
سارة بخجل هكدب عليكي لو قولتلك ان قلبي مبيدقش لما بيشوفه واكدب لو قولتلك اني بتلغبط لما بشوفه قدامي و
قمر بهيام وايه تاني يا ست ليلي مراد واضح انك مبتحبيهوش اومال لو كنتي مش بتحبيه كنتي هتقولي ايه تاني 
سارة بتهرب يلا يا بت من هنا انتي بتوقعيني
قمر باحراج اهلا قاسم بيه
سارة بصت وراها پصدمة وتوتر من ان قاسم يكون سمع كلامها عنه واتفاجأت بيه بيقرب منها وبيشدها لحضنه وهو بيتكلم مع قمر
قاسم بود ايوة وانا اقول مش سائلة فيا ليه انهاردة اتاري من لقي احبابه بقي
سارة بخجل ودقات قليها بتزيد قمر كانت لسة بتقول همشي 
قاسم بابتسامة ليه كدة ما تخليكي بايتة معانا انهاردة عشان تشبعو من بعض
قمر بابتسامة لا ما انا لازم اروح عشان عندي جامعة وعشان مرات بابا دي ټموتني فيها
سارة بتكشيرة لو فكرت بس تدوسلك علي طرف قوليلي وانا اجيلها واوعي يا قمر تسمحيلها تعمل معاكي اللي كانت بتعمله معايا
قمر بغرور مصطنع عيب عليكي يا قلبي انتي سايبة وراكي راجل تربيتك برضه
سارة بحب ربنا يخليكي ليا يا حبيبتي
قاسم بخبث وانا مش هتقوليلي حاجة انا كدة هبدأ اغير من اختك
سارة اتكسفت اوي من طريقة قاسم اللي جديدة عليها واللي عمرها ما تخيلت انه يعاملها بيها فبصت لقمر بخجل وهي ابتسمت ليها بحب وهي من جواها فرحانة اوي عشانها وان ربنا عوضها براجل زي قاسم
.....................................
تاني يوم كانت قاعدة قمر في الكافيه بتاع الكلية وباين عليها انها فرحانة اوي بعد اليوم اللي قضته امبارح مع سارة بس ابتسامتها اختفت لما لقت هشام بيقعد قدامها
هشام بابتسامة اهلا يا قمر وهنا اقصد اسما وموضوعا
قمر بجدية انت عاوز ايه مني ممكن افهم ياريت تبعد عني لاني مش من البنات اللي انت تعرفهم
هشام بغمزة ليه بس التقل ده كله عموما انا سايبك براحتك بس يعني متسوقيش فيها حبيبة قالتلي انك انتي كمان واقعة بس بتتقلي
قمر پغضب حبيبة قالتلك كدة 
هشام بسخرية طبعا اصلا انا اللي باعتهالك وانا اللي مخليها تقرب منك عشان تعرفي بس اني معجب بيكي من اول يوم جيتي فيه هنا الجامعة
قمر قامت وسابت هشام اللي اتفاجئ بيها بتروح لحبيبة اللي كانت لسة داخلة من باب الكافيه
قمر پغضب اانا لما اتعرفت عليكي كنت فاكراكي شبهي قولت انك محترمه زيي بس للاسف مكنتش اعرف ان اللي اسمه هشام مشغلك عنده عشان توقعيله البنات الجديدة انا مش عاوزة اعرفك تاني لاني ميشرفنيش اني اعرف واحدة باخلاقك
هشام پغضب هو انتي في ايه فاكرة نفسك ملكة جمال عشان تسوقي فيها انتي اللي زيك بيترمو تحت رجلي
قمر بقرف ولما انت عندك كتير ايه اللي مخليك سايق صحبتك دي عليا عارف ليه عشان انا محترمة