روايه جديده كامله الفصول قرائه ممتعه

عني .. 
أطبع علي جبين منه قبلة نيابة عني .. 
ألتمسوا لي العذر فيما فعلت .. 
أسفة جدا .. 
أما في مكتب ملك ..
خرج و لم يجدها ..
من أول يوم ! دي راحت فين دي ..
أقبلت ملك تحمل كوب شاي و قطع بسكوت .. 
كنتي فين أزاي تمشي من غير ما تستأذني 
_ كنت تحت .. 
رفعت الكوب قرب وجهه .. 
بجيب شاي و بسكوت .. 
اي جعانه أستاذن لما أجوع !!
نشفتيها أزاي 
_ هين مين 
الرسمه
_ مش هقولك
أحنا هنلعب هنا يابشمهندسة 
_ مالك في اي بتتحول!!
انجزي 
_ مفيش غستلها و كويتها 
ايه ! 
_ اي ايه بقولك غسلتها تحت الميه بشويش عشان تروح القهوة 
و بعدين ف هدومك مكوه كويتها عشان تنشف بس 
_ تحب أعملك تقرير بالخطوات 
هعمل نفسي مسمعتش ..
امسكي الملف ده في تفاصيل و البيانات ال مطلوبه عايز 
تصميم مبدئي خلال يومين ..
_ إن شاء الله 
في المساء عند الأنتهاء من العمل .. 
وجدها تجلس علي السلم أمام المبني تغمغم بالكلام ..
_ قاعدة ليه كده !! ..
لم تنبه له من الأساس و أكملت حديثها مع نفسها .. 
طب دلوقتي أعمل أي تؤ مش هينفع أنا ال غبيه
_ فعلا أول ما شوفتك قولت كده 
هه ! 
_ أنتي قاعدة كده ليه 
سيبني ف حالي بقي أفكر خمس دقايق
_ هو انا ماسكك
م الصبح ماعتقتنيش طلبات 
_ هو كده طلبات ده لسه أول يوم و هنجتي ع السلم أومال 
كمان أسبوعين هتعملي اي 
أنا مهنجتش أنا بفكر و بعدين أنت مالك أصلا 
يالله .. 
طب قومي روحي و بعدين فكري براحتك
هنا المشكلة ..
بص أنا مش فاكرة أنا جيت أزاي من هنا و لا من

هنا يمين .. 
و لا شمال !
_ أنتي ساكنه فين 
معرفش
_ متعرفيش !
أنا .. 
أنا لسه جاية أمبارح ملحقتش
_ أمم تمام .. 
معاكي العنوان 
أها كتباه ف النوت بتاعتي
_ طب اي المشكلة ما تطلبي تاكسي
ما مش معايا أرقام اي نيلة هنا
_ لازم تحشري كلمه من بتوعك ف النص
محدش طلبك منك تقف تكلمني
_ انا فعلا غلطان ..
اخرج هاتفه و طلب لها سيارة أجرة .. 
عشان مش هبقي قليل ذوق شبهك طلبتلك تاكسي و سجلي 
أرقام الخدمه عندك بقي 
_ بتبصيلي كده ليه !
هو أنا شوفتك قبل كده فين 
البارت_السابع
_ هو أنا شوفتك فين قبل كده ! 
غريية ! مش فاكراني 
_ أنا لو فكراك هسأل ليه ! 
يمكن شوفتيني ف البلد قبل كده .. 
أنتفضت واقفة حتي أنها أوقعت حقيبتها ..
_ أيه ! أنت من عندنا 
أيوة 
_ و تعرفني 
اه طبعا .. ملك أم ضفيرتين 
_ ضفيرتين !
اي العته ال نزل عليكي فجأة ده ..
أقفلي بوقك 
_ تمتمت ..
بقي يارب أجي أخر الدنيا و سبحان الله المدير يبقي من نفس 
البلد ياارب
بتبرطمي تقولي اي 
_ هه ! و لا حاجه .. 
أنا مش عرفاك بس شكلك مش غريب عليا 
التاكسي وصل .. 
حاولي تتعودي علي المكان .. 
و ما أشوفكيش قاعدة بالشكل ده تاني
_ و أنت مالك أنت ..
أتلتقطت حقيبتها و أسرعت إلي التاكسي و هي تغمغم .. 
يااابااي بااارد
عيلة .. 
مستفزة .. 
بس أما أشوفك يا حسام .. 
تبعتلي كتلة العته دي .. 
المعتوها دي خدت بالها من غلطة كانت توديك ف داهية .. 
شكلك كبرت و خرفت يا هاشم بتكلم نفسك .. 
مر يومين أخريين علي نفس الوتيرة و ملك لا تتذكره و تخشي 
أن يكون علي معرفة بعائلتها و يخبرهم بمكانها أو يعلم أنها 
هاربه منهم لأي سبب إن كان ..
فيعاملها بشكل أسوأ ..
هو في الأساس لا يطاق .. 
أفاقت من شرودها علي صوته .. 
_ بنادي عليكي من ساعه هيييي أنت
أجفلت للحظة .. 
اي ف أيه 
_ أخلصي متأخرين علي ميعادنا 
ميعادنا ..
ألتفت لها بعد ما كان مغادرا ..
_ أنتي عارفه أنتي أخرك معايا شهر .. 
أنا خلقي ضيق .. 
صحصي كده في اي أنت شاربة حاجه ! .. 
خبطت بيدها علي المكتب تألمت لذلك و لكن ڠضبها كان أشد 
من أن تلتف إلي يديها ..
أنت اټجننت ! 
_ أحتدت عيناه .. 
أنا برده ال أتجننت شوفي أنتي بتتكلمي أزاي و مع مين 
_ هكون بكلم مين يعني البخاري ..
شهر شهر هتطردني م الجنه ..
و بعدين مش لسه بتقول أتاخرنا ..
واقف بتلوك لي 
بلوك .. 
تمام يا.. 
فلم تدعه يكمل جملته و كانت تسبق الخطي إلي قاعة 
الأجتماعات غير عابئة أنه لم ينتهي بعد من كلامه ..
فجأة توقفت حتي أنها كانت ستصتدم به مرة أخري لكنه 
تراجع في أخر ثانية إلي الخلف عدة خطوات ..
و تحدثت و كأنه لم يحدث أي حده بينهم ..
_ أحم .. 
أنا هتوه بره .. 
لسه يعني محفظتش الأماكن ..
ها لم تتلقي آي رد سوي نظرة باردة فأكملت .. 
أتفضل قدامي و أنا همشي بعدك ..
ميصحش يعني هنتأخر كده ..
و تراجعت بالفعل حتي أصبحت خلف ظهره ..
و في طريقهم غمغمت كعادتها ..
بني أدم بارد لوح تلج ..
تقريبا جو البلدي أثر عليه ..
و رفعت عينيها إلي أعلي ..
ياارب مش عايزه أبقي شبهه ..
ياخوفي لا تكون عدوة و هتصيبني ..
لالا مستحيل 
هو اي ال مستحيل
_ هه .. 
مفيش .. 
و طول فترة الأجتماع كانت تتحاشي