روايه ادم وفريده كامله

المانيا كلميني اي وقت هتلاقيني مستنيكي
وفضلوا يتكلموا كلام عادي عن الدراسه و بعد كده وصل مراد فريده عند باب الفيلا ومشي وهو زعلان وكان نفسه تكون فريده بتبادله نفس الشعور بس فضل عنده امل تغير رأيها في يوم من الايام.
دخلت فريده الفيلا وفضلت قاعده في الجنينه تفكر في كلام مراد وطلبه للجواز منها واكتر حاجه استغربتلها ان أدم مقلهاش اي حاجه عن طلب مراد انه يخطبها وكلمت نفسها بصوت عالي
فريده وبعدين معاك انت تقصد ايه بتصرفاتك ده معايا نفسي اعرف بتفكر في ايه
ودخلت فريده الفيلا عشان تطلع تنام بس لقيت نور المكتب منور فقررت تدخل تتكلم مع أدم خبطت ودخلت لقيته مرجع راسه لورا عالكرسي وكان شكله مرهق جدا فحاولت تخرج تاني عشان تسيبه يرتاح بس هو فتح عينيه
أدم انت رجعتي يا فريده 
فريده ايوه رجعت الساعه 9
أدم ها اتبسطتي
فريده عادي انت عارف مراد كان هيكلمني في ايه
أدم ايوه عارف
فريده وانت رأيك ايه فالموضوع ده
أدم مش مهم رأيي المهم رأيك انت
فريده بصتله وسكتت شويه وبعدين قالتانا مش عايزه اتجوز خالص
وسابته وطلعت تجري على اوضتها ولقيت نفسها بټعيط ومكنتش عارفه ليه
الحلقه الثامنه
بعد اليوم ده ابتدت فريده تتجنب تشوف أدم وبقت اغلب وقتها في الجامعه وفي الاجازات في النادي مع عمتها
وليان وهنا صاحباتها وفضلت تسأل عنه عمتها بطريقه غير مباشره وعرفت انه هيسافر ايطاليا في شغل و قالت لنفسها انها لازم تسلم عليه قبل ما يسافرده ابن عمتها برده
و قبل السفر بيوم نزلت فريده عشان تتعشى مع عمتها خصوصا ان أدم بقاله فتره بياكل بره البيت وبعد ما ابتدوا يتعشوا دخل أدم من باب الفيلا وكان بقاله كتير ما شافش فريده فقالها
أدم مساء الخير يا ماما مساء الخير يا فريده 
بصتله فريده نظره رقيقه و قالتمساء النور
سلوى مساء النور يا حبيبي كىيس ان جيت عشان تتعشى معانا
وقعد أدم عالسفره وقال حد فيكم محتاج حاجه من ايطاليا
سلوى ميرسي يا حبيبي
فريده شكرا
أدم انا هسافر بكره الصبح ان شاء الله
فريده من غير ما تفكرهترجع امتى
أدم اسبوع او اتنين حسب ما اخلص شغلي
سلوى كان نفسي اسافر
معاك
أدم اوعدكم ملره
تانيه نسافر سوا نغير جو وكمان عشا ارتاح من ضغط الشغل
فريده هتنزل فين في ايطاليا
أدم هنزل الاول على روما
وقامت سلوى عشان تنام وسابت فريده مع ادهم اللي كان بيشرب قهوه في الانتريه وفضلت فريده ساكته وأدم اتكلم فجأه
أدم عامله ايه في دراستك
فريده الحمد لله
أدم واخبار مراد ايه
فريده كويس
أدم كلمك تاني في موضوع الخطوبه
فريده لا ابدا
أدم انا هتصل بيكم كل يوم عشان اطمن عليكم ومش هوصيكي على ماما
فريده متقلقش
أدم مش هتنامي
كانت فريده عايزه تقوله انا عايزه اقعد معاك ده انا هفضل اسبوعين ما شوفكش
فريده خلاص انا هطلع
أدم بصلها نظره غريبه وعينيه بتلمعتصبحي على خير
فريده تصبح على خير
صحيت فريده بدري عشان تسلم على أدم قبل ما يسافر ولبست بنطالون جينز و تيشيرت احمر وعملت شعرها ضفيره عالجنب ونزلت بسرعه لقيت عمتها و أدم صاحين
فريده صباح الخير
أدم صباح الخير
سلوى ايه اللي صحاكي بدري يا حبيتي
فريده عادي صحيت وقلت انزل اقعد معامكم
سلوى طيب روحي عشان تفطري
فريده مكنتش عايزه تسيب أدم فقالت انا مش جعانه
وفضلوا قاعدين يتكلموا عن ايطاليا والاماكن السياحيه اللي فيها و قام أدم وقالهم
أدم اسيبكم انا بقى وهكلمكوا لما اوصل ان شاء الله
سلوى مع السلامه يا حبيبي
فريده وعينيها فيها دموعمع السلامه
أدم خلي بالكم من بعض
وخرج من الباب وسمعت فريده صوت العربيه وهي بتبعد وحست ان قلبها راح مع أدم ..
فاتوا الاسبوعين على فريده كأنهم سنه وكانت بتروح الكليه ومش بتركز في اي حاجه ومبقتش تروح النادي ودايما قاعده في الجنينه او بتعوم في البيسين وكل يوم تستنى أدم لما يكلم مامته عشان تطمن عليه وساعات كانت سلوى تقوله خد فريده هتسلم عليك وكان صوتها بيبقى فرحان لما تسمع صوته وحدد أدم يوم الوصول وكان هيوصل بالليل خالص وفضلت فريده مستنياه هي وسلوى بس سلوى نامت وهي قاعده ففريده قالتلها
فريده اطلعي انت يا طنط ارتاحي وانا هستناه
سلوى طيب يا حبيبتي انا هقوم عشان تعبت خالص
فريده تصبحي على خير
سلوى وانت من اهله
وفضلت فريده قاعده فالجنينه مستنيه أدم و جابت شال اتغطت بيه عشان الجو كان برد شويه ونامت وهي قاعده عالكنبه وكان شكلها برئ اوي 
الحلقه التاسعه
دخل أدم من باب الفيلا لقى فريده نايمه ومتغطيه فصعبت عليه عشان الجو برد فصحاها براحه 
أدم فريده . فريده 
فريده كانت بتحلم حلم جميل وان أدم ماسك ايديها وبيبص في عينيها .
فريده اممممممممممم
أدم فريده 
فريده أدم .. وحشتني اوي
أدم بصوت عالي شويهفريده اصحي عشان تنامي جوه
فريده فتحت عينيها لقيت أدم قريب منها اويأدم انتي جيت 
أدم ايه اللي نيمك كده
فريده كنت مستنياك
أدم بصلها بحنانطيب يلا ادخلي نامي كده هتاخدي برد
فريده قامت وشعرها كان مفرود وشكلها جميل اوي ودخلت جوه