روايه ادم وفريده كامله

وكل الديكورات فيه على طراز التلاتينات ومليان لوحات غاليه جدا و موقعه في شارع هادي جنب الاوبرا ومتحف اللوفر
و كمان قريب من شارع الشانزليزيه و عجب فريده اوي ديكورات الفندق وعجبها كمان الجناح اللي اختاره أدم كل الشبابيك ممتده من الارض لغاية السقف وبتبص على باريس كلها و الحيطان متغطيه بورق حائط مخطط بلون
سماوي بعد ما اتفرجت فريده على كل حاجه دخلت خدت شاور و طلعت لابسه البرنس وأدم دخل الحمام ووابتدت فريده تلبس اختارت فستان لونه بينك حمالات قصير و لبست عليه صاندال ابيض فلات ورفعت شعرها ديل حصان وحطت ميك اب هادي بينك في ابيض و خرج أدم ولبس شورت ابيض وعليه تيشيرت ازرق وشوز ازرق وقرروا ينزلوا يتمشوا في شارع الشانزليزيه وكانت فريده مبهوره بكمية المحلات الموجوده فيه ودخلت محل للبيرفيومز غيرلان وده اشهر محل للعطور في فرنسا واشترت بيرفيومز لسلوى و ليان وهنا وأدم اختارلها واحد على ذوقه وخرجوا من المحل وفضلوا يتمشوا ووصلوا لقوس النصر وده مكان امر نابليون انه يتبني عشان يخلد ذكرى المعارك و كانت فريده فرحانه اوي كأنها طفله وكان أدم كل شويه يصورها في مكان مختلف وطلب من شاب انه يصورهم سوا ولما تعبوا قرروا يرجعوا الفندق ويكملوا تاني يوم دخلوا الفندق وىدم طلب ان العشا يطلعلهم فوق وطلعوا وهما فرحانين ودخل أدم لبس بيجاما لونها كحلي و فريده لبست بيجاما ساتان لونها احمر حمالات وبنطالون وقعدوا ياكلوا وفضل أدم يكلمها هيعملوا ايه تاني يوم بس لقيها بتنام وهو بيكلمها فشالها وهي قالت
فريده بصوت نايمنزلني يا أدم 
أدم هششش يلا نامي
وحطها على السرير وهي نامت علطول وفضل أدم يبص من الشباك وفي الآخر تعب ودخل ينام جنبها بس ريحة البيرفيوم .
الحلقه التاسعة عشر
تاني يوم صحيوا بدري وفطروا وقرروا يروحوا برج ايفل ولبست فريده فستان ابيض طويل وواسع وصاندال فضي وسابت شعرها مفرود وأدم لبس شورت بيج وتيشيرت نبيتي و نزلوا طلبوا تاكسي ووصلوا برج ايفل الساعه 8ونص عشان يلحقوا يدخلوا قبل الزحمه واول ما جت الساعه تسعه دخلوا و أدم قالها
أدم وهو بيضحك اسمحيلي اكون المرشد السياحي بتاعك
فريده يا ريت
أدم بصي بقى يا ستي برج ايفل فضلوا يبنوه سنتين وخلصوه سنة وطوله 300 متر و فضل اطول مبنى فالعالم
لمدة سنه
وبيتكون من 3 ادوار اول دور عباره عن متحف بيحكي قصة بناءه والدور التاني محلات للتذكارات ومطاعم والدور التالت فيه متحف فيه مكتب المهندس ايفل اللي بناه ..و بتبصيلي كده ليه
فريده اصل شكلك حلو اوي وانت بتشرح وبعدين انت دقيق اوي
أدم ضحك وقالها وبالنسبه لطلوع البرج ممكن نقطع تذاكر ونركب الاسانسير و ممكن نطلع مجانا على رجلينا تحبي ايه
فريده اوكيه تعالى نطلع على رجلينا
أدم وهو بيضحك هتطلعي 1653 سلمه على رجليكي!!!!!
فريده ايه لأطبعا يلا نركب الاسانسير
و طلعو البرج واتفرجوا على كل حاجه وفي الآخر قعدوا في مطعم جوه البرج عشان يتغدوا وبعد ما خلصوا غدا أدم قالها
أدم مبسوطه يا فريده 
فريده اوي اوي ده احلى يوم قضيته
فحياتي
أدم وانا كمان انا جيت هنا كذا مره بس ده احلى مره فيهم
فريده وشها احمراشمعنى
أدم عشان انتي معايا اقولك على سر
فريده قول
أدم عارفه لما كنتي صغيره قبل ما تسافري المانيا مع باباكي ومامتك كنتي وقتها عندك 6 سنين تقريبا فاكره
فريده لأ خالص بس بابا كان بيحكيلي
أدم كنتي كل ما تيجي عندنا البيت تفضلي قاعده جنبي وتروحي ورايا في كل مكان وكانت مامتك تقعد تقولك بالالماني عيب كده
وانتي تقوليلها بالمصري انا بحبه وانا كنت بقعد اضحك على اسلوبك في الرد عليها
فريده اتكسفتانا كنت بعمل كده
أدم كمل بحزنبس انا ساعتها كنت في الكليه وانتي لسه مدخلتيش المدرسه
فريده ليه محسسني انك عندك 60 سنه
أدم بس انا فعلا اكبر منك بكتير
فريده اولا 13 سنه مش كتير ثانيا بابا كان اكبر من ماما ب سنه وهي اللي صممت تتجوزه من كتر حبها ليه
أدم شوفتي اديكي بتقولي هي اللي صممت مش وضع اتفرض عليها
فريده بس يا أدم انا
أدم انتي ايه يا فريده 
فريده انا با
جه صوت من وراهمفري مش معقول
بصت فريده وأدم لقيوا مراد ادامهم اهلا يا مراد
مرادبتعملوا ايه هنا
أدم و هو مدايقاحنا في شهر العسل
مرادبجد ال مبروك
فريده الله يبارك فيك
أدم ميرسي يا مراد
مرادلازم نسهر سوا انهارده
أدم ان شاء الله
مرادخلاص نتقابل بالليل في الشانزليزيه
واتفقوا على اسم كافيه ومشي مراد وسابهم مع بعض بس كان أدم شكله متغير ففريده سألته
فريده مالك يا أدم انتي ادايقت عشان قابلنا مراد
أدم انتي اللي قولتيله اننا
بنتغدى هنا
فريده لأ طبع انا مكلمتوش بقالي مده طويله
أدم طيب يلا عشان نروح الفندق نرتاح شويه عشان ننزل نقابل مراد بالليل
فريده أدم لو مدايق بلاش نقابله
أدم لأ طبعا عشان تطمنوا على بعض ما انتوا بقالكوا كتير متكلمتوش
وسكتت فريده ورجعوا الفندق وهما مدايقين