في حمايه صعيدي اسراء ابراهيم
ما چيت اهنه
بدور بسرحان بس شوفت بجي اللي جولتهولك طلع صوح باسل ده عاشجها مفيش حديت تاني غيره
فارس پغضب اني مش هخليه يتهني بيها چميلة هتبجي ليا سواء عمي رضي او رفض
بدور بخبث او ممكن تخليه زي ما عشجها يكرها
فارس باستغراب كيف ده يعني
بدور بابتسامة شيطانية يعني تفتكر لما باسل يعرف ان چميلة مش بت بنوت هيفضل يحبها برضك
بدور بغرور تؤ تؤ تؤ انت لحد مېتي هيفضل عجلك اصغير خالص وتفكيرك علي جدك انا جصدي لما ده يحصل بجد وجتها هي اللي هتترمي تحت رچليك وتجولك استر عليا
فارس وهو بيملس علي دقنه يا بنت الچنية ده انتي داهية بدر خلص بسرعة مع
فريدة بضيق ممكن تبعد لو سمحت عني
فريدة بغيظ وهزعل منك ليه هو انت بتعمل اي حاجة تزعل خالص
بدر ببرود تصدجي عنديكي حج خلاص جوليلي مين اللي مزعلك واني اجطملك رجبته
فريدة بغيظ طب سبني يا بدر عشان انت قاصد تضايقني مش كدة
بدر بضحك خلاص خلاص بس جوليلي مالك بجي والا همشي ومش هاكل وهتبجي انتي السبب لو فضلت چعان طول النهار
بدر كشړ باستغراب وبعدين فجأة ضحك بصوت عالي فاتغاظت فريدة اكتر وزقته بعيد عنها وكانت هتسيبه وتخرج بس هو شدها من ايديها عليه فخبطت فيه
بدر وهو مركز في عنيها افهم من اكده انك غيرانة
فريدة بضيق انت بتهرب من سؤالي صح ماشي يا بدر
بدر بابتسامة اني اللي بهرب برضك دلوك ماشي يا ستي عموما بدور تبجي بت خالتي وبس ومفيش اي حاچة بيني وبينها
بدر بثقة اني ملياش صالح بنظراتها ولا بيها اني ليا باللي في جلبي يا فريدة واني جلبي ساكناه بنتة غيرها وعيوني مكحلة ومكتفية بيها
فريدة قلبها دق وحست ان الكلام عليها فبعدت بخجل وهي بتبتسم طيب يلا نطلع الفطار بقي عشان متتأخرش علي شغلك
ضحكت فريدة بخجل وشالت الاطباق وبدر شال معاها وخرجو سوا
.
جميلة كانت واقفة في قدام البيت مستنية تشوف باسل وهو خارج وفعلا لقته خارج فقربت منه بلهفة بس هو فجأة مسك ايديها پغضب
باسل بحدة انتي ازاي تفضلي واقفة كدة قدام الغفر
جميلة بۏجع اني كنت مستنياك وبعدين اني في الحوش مش برة الدار
باسل بحدة وكنتي مستنياني ليه
جميلة بحزن كنت رايدة اشكرك علي اللي عملتو عشاني انت انقذتني لتاني مرة
باسل بسخرية متفتكريش اني عملت كدة عشانك انا عملت كدة عشان اضيع عليه فرصة انه يتجوزك وابقي علمت عليه لما اخدت حاجة بتاعته
جميلة بكسرة بس اني مكنتش رايداه يا باسل انت خابر اكده زين اني لو رايداه مكنتش رفضت وخليت الكل يشك فيا ويتجال عليا من خالتي اني رخيصة واني شايفالي شوفة
باسل پغضب وصوت واطي وهو من جواه مش مصدق كلامها فاكرة انك لما تقولي كدة هصدقك عموما مټخافيش انا بس اكسره وبعدين هسيبك اصلا مش انتي البنت اللي تملي عيني وقلبي انا يوم ما احب واتجوز هاخد بنت كويسة انا ابقي اول راجل في حياتها مش زيك رخيصة
عدي كام يوم فكانت فريدة قاعدة في اوضتها سرحانة في حياتها مع بدر وقد ايه هي حبته وكانت بتفكر تعترفله بحبها وخصوصا انها متأكدة انه هو كمان حبها انتبهت فجأة لباب اوضتها الليى بيخبط وبتدخل منه صفاء
فريدة بتوتر اهلا يا طنط اتفضلي
صفاء بجمود منا اكده ولا اكده هتفضل مش داري ولا ايه
فريدة بتوتر طبعا اكيد بيتك حضرتك تؤمري بحاجة
صفاء بجدية اسمعي اني اليومين دول شايفاكي لافة حوالين ولدي وبتحاولي توجعيه بس اني بجي مش هديكي الفرصة وهجولهالك علي بلاطة اكده انتي تهملي ولدي لحاله اني مش هسمحلك تاخديه مني كيف ما امك عملت في سلفي وخدته علي مصر فاهمة ولا لاه
فريدة باستغراب ومين قالك اني هاخد بدر واني اقدر اصلا ابعده عنكم
صفاء بحدة انتي فاكراني هبلة مش فاهمة شغل المصراوية ده لا اني خابرة ان هو ده اللي انتي رايداه
فريدة باندفاع يا طنط انا عمري ما هعمل كدة لاني بحب بدر ايوة بحبه وعشان بحبه عمري ما هفكر
ابعده عنكم بالعكس انا كل اللي عاوزاه انكم تحسسوني اني واحدة منكم صدقيني والله انا مش عاوزة اخد بدر منك وانا عمري ما هخيره بيني وبينكم لاني متأكدة انه هيختاركم لانكم اهله
كانت صفاء بتسمع فريدة بحيرة اوعاكي تكوني بتجولي اكده لاجل ما تخليني اوافج وبعدين تلعبي في راسه
فريدة بابتسامة ابدا لان بدر اصلا ميعرفش اني بحبه بدر بالنسبالي الامان واللي حسيتو وسطيكم هنا عمري ما هلاقيه في اي مكان في مصر انا بس كل اللي طالباه منك انك تعامليني زي جميلة
صفاء اتنهدت بحيرة وفجأة ابتسمت وفتحت ايديها الاتنين فابتسمت فريدة وجريت علي صفاء حضنتها
صفاء بحب من اهنه ورايح تجوليلي يا ماما واني اوعدك انك تبجي كيف چميلة واكتر
فريدة بسعادة حاضر يا ماما
بعد يومين كانت جميلة مبتنزلش من اوضتها خالص ولا حتي بتاكل كويس فكانت دايما سرحانة لحد ما في يوم قررت تخرج تتمشي فكانت خارجة من البيت وشافها باسل اللي كان جاي من بعيد فاستغرب وملامحه اتحولت للڠضب وشك انها رايحة تقابل فارس ففضل ماشي وراها لحد ما لاقاها بتروح بعيد عن البلد بس كان باين عليها انها ماشية سرحانة وفجأة شاف فارس بيقرب منها فاتعصب واتأكد من شكوكه بس فجأة ملامحه بهتت لما .يتيع
تفاعل جامد بقي عشان البارت الاخير ولو التفاعل لقيته حلو زي امبارح هنزله في السهرة دمتم قمرات
بقلمي_اسراء_ابراهيم
في_حماية_صعيدي
البارت الحادي عشر والاخير
في حماية صعيدي
بقلمي اسراء ابراهيم
باسل پغضب انت بتعمل ايه يا حيوان سيبها والا ھقتلك
باسل پخوف مش باين انت فاكر انك تقدر تعمل حاجة انت اخرك تتكلم وبدر لو عرف باللي انت عملته ده هيقتلك
فارس پغضب مش فارقة كدة مۏتة وكدة مۏتة بس ابقي اخدت اللي انا عاوزه
باسل قلبه اتقبض بس في نفس الوقت جت عربيات كتير ومنهم عربية بدر وفارس وقتها خاف وساب جميلة وركب عربيته وجري وباسل لحق جميلة بسرعة قبل ما تقع وهي مغمي عليها
في بيت بدر كان داخل وشايل جميلة
صفاء پخوف يا مري مالها خيتك يا بدر
بدر بجدية چميلة زينة يما متجلجيش وولد خيتك اني هربيه علي اللي كان رايد يعمله في خيتي
باسل كانت عنيه علي جميلة وهي نايمة وقلبه موجوع ومړعوپ عليها عكس الهدوء اللي كان باين عليه وسابهم وخرج وهو حاسس بخنقة رهيبة وحيرة لانه كان فاكر انها رايحة تقابله بس اللي حصل غير كدة انتبه باسل لصوت تليفونه وكان ابوه نبيل
باسل بهدوء صحيح اللي حصل ده يا باسل عمك لسة مكلمني
باسل پغضب ايوة يا بابا الحيوان كان عاوز يخطفها
نبيل بضيق اكيد كان عاوز ينتقم منها عشان رفضته قدامنا كلنا امبارح فعلا شاب قذر
باسل پصدمة انت قولت ايه يا بابا لو سمحت عيد تاني اللي قولته
نبيل بتلقائية ايوة قبل انت ما تيجي جميلة رفضته قدامنا وبقت يا حبيبتي ټعيط وتتحايل عليا اكلم عمك واقنعه يرفض اللي اسمه فارس ده الا صحيح انت ليه قولت لعمك انك كلمتني عشان اخطبلك جميلة
باسل بفرحة عشان بحبها يا بابا وعاوزها ليا
نبيل بفرحة والله زين ما اخترت يابني ده يوم المني بس ياريت في اقرب وقت عشان البت تخلص من كل القرف ده
باسل بسعادة عندك حق يا بابا اانا هقفل
معاك عشان اروح احدد معاد الفرح مع بدر سلام
كانت جميلة بټعيط اول ما فاقت من البنج وبدر كان قاعد قدامها بعد ما بعت امه تعملها حاجة تشربها
بدر بابتسامة اظن اتعلمتي من غلطك يا خيتي وعرفتي ان اللي بيحب بيچي من الباب مش من الشباك
جميلة بحزن وهي بتبص لبدر انت عرفت مش اكده
بدر بجدية باسل حكالي كل حاچة اما كانت خالتك وولدها اهنه واني وجتها وعدته اني
مش هتحدت وياكي في حاچة طالما عدت علي
خير بس كنت مشيع حد يراجبك كاني كنت حاسس ان الناجص ده هيفكر يعمل حاچة
جميلة بحزن اني اسفة يا اخوي صدجني اني مكنتش اعرف انه مهيحبنيش بحج وحجيجي وان نيته وحشة
بدر بتنهيدة المهم انك اتعلمتي الدرس يا خيتي واعتقد ان خطوبتك من باسل معدتش ليها لازمة ولا ايه
جميلة قلبها ۏجعها ومقدرتش ترد بس اللي رد باسل اللي دخل من الباب
باسل وهو بيدخل من الباب ازاي بقي وانا جاي احدد معاد كتب الكتاب والفرح
جميلة اټصدمت وبصت لباسل بقلق بس هو بادلها النظرة بحب وهو بيقرب منها وبيقعد جمبها
بدر بغموض يعني انت متوكد يا واد عمي من اللي بتجوله
باسل بثقة طبعا ومتقلقش جميلة اختك في عيني
جميلة قلبها دق ومش مصدقة ان فعلا باسل بيقول كدة
بدر وهو بيقوم حيث كدة بجي اروح اتفج مع ابوي علي المعاد
مشي بدر وباسل بص لجميلة اللي كانت بتبصله بحيرة وقبل ما تسأله اتفاجأت بيه بيتكلم
باسل باندفاع بحبك يا جميلة وعايزك تبقي شريكة حياتي
جميلة پصدمة وفرحة انت ازاي انا مش مصدجة اوعي اكون صعبت عليك وبعدين انت جولتلي كلام صعب جوي يا باسل ايه اللي غير رأيك
باسل بابتسامة اني عرفت كل حاجة واتأكدت انك خلاص مبقتيش تحبيه
جميلة باندفاع صدجني اني مكنتش عاشجاه عشان ابطل اعشجه انا كنت موهومة مش اكتر انا معرفتش يعني ايه العشج غير لما شوفتك وعرفتك
باسل وهو بيزيح خصلة شعرها اللي نازلة بحبك يا جميلة وكل كلمة قولتهالك قبل كدة كانت من ورا قلبي
جميلة پخوف يعني الحديت اللي جولتهولي كان من ورا جلبك بحج ولا لساك من جواك شايف
اني مهنفعكش
باسل بابتسامة انا كنت موجوع يا جميلة وعشان كدة رديت عليكي وقولتلك كدة عشان اوجعك واخليكي تحسي نفس الاحساس اللي وصلني مكنتش متخيل انك تكوني لسة بتحبيه بس دلوقتي بقولك اللي في قلبي انك مالية عيني وروحي
ومن اول ما شوفتك وقلبي حبك يا جميلة
جميلة بفرحة وه حديتك حلو جوي يا مصراوي واني مهجدرش اجول زيه بس اللي اجدر اجوله اني عاشجاك يا باسل ومكنتش احلم اني قصة عشجي تبجي احلي من الكتب اللي كنت بجراها
باسل بابتسامة وهو بيغمز بيعنيه لاده انا اخلي كتب الكتاب انهاردة عشان اعرف ارد علي الكلام الحلو ده
جميلة بخجل اتلم يا واد عمي عيب اكده احسن اجول لابوي ويجتلك
ضحك باسل بصوت عالي هو وجميلة اللي اتنهدت براحة وهي من جواها اسعد بنت في الدنيا
كان واقف بدر قدام البيت لما جاله مغاوري جوز خالته وهو بينهج
مغاوري بلهفة احب علي يدك يا بدر تهمل ولدي واني هربيه عاللي كان هيعمله وهاخده ونسيب البلد كلياتها
بدر بجدية متجلجش ولدك ههمله بس بعد ما ادبه علي اللي كان بيفكر يعمله في خيتي وبعد اكده برضه هتاخده هو واخته ومرتك وتهملو البلد ولو لمحت طيفكم صدجوني مش هيحصلكم طيب
مشي مغاوري بعد ما شاور لبدر بطاعة وبدر وقتها اتنهد براحة وبص لفوق علي بلكونة فريدة وشافها واقفة بتبتسم ليه فابتسم بحب وقرر يطلعلها لانها وحشته اوي فدخل البيت بسرعة
كانت واقفة فريدة بتحضر نفسها للكلام اللي هتقوله لبدر بعد ما قررت تعترفله بحبها فكانت في قمة سعادتها لحد ما سمعت صوت رسالة واول ما قريتها فجأة ملامحها اتبدلت للحزن ودموعها نزلت بصمت
بدر بحب وحشتيني
فريدة وهي بتمسح دموعها احم ممكن نتكلم شوية
بدر باستغراب طبعا نتحدت وماله وادي جاعدة اتفضلي جولي
فريدة بجمود اعتقد انك خلاص حلتلي مشكلتي ومبقاش في داعي اننا نفضل سوا
بدر بتكشيرة تجصدي ايه بحديتك ده
فريدة بحزن بعني طلقني يا بدر لاني مش عاوزة افضل علي ذمتك
بدر پغضب وجمود تمام يا مصراوية اللي انتي رايداه ده كان وعدي ليكي من الاول اني هنفذلك طلبك بعد ما احللك مشكلتك
فريدة بخنقة وانا اخترت فلو سمحت تنفذ وعدك وتطلقني
بدر پغضب مكتوم تمام حالا هتحدت مع عمي واطلب المأذون والليلة هتكوني حرة
خرج بدر پغضب وفريدة وقتها اڼهارت وبقت ټعيط بحړقة وهي مش مصدقة انها طلبت من بدر انه يطلقها بعد ما كانت راسمة احلامها وحياتها معاه وبعد ما حبته واتعلقت بيه فضلت ټعيط لحد ما انتبهت لصوت صفاء اللي دخلت ليها
صفاء بلهفة وه ايه اللي حوصل يا فريدة يا بتي وايه الحديت اللي بيجوله بدر ده طلاج ايه اللي انتي رايداه
فريدة ما صدقت شافت صفاء وقامت جريت وحضنتها بلهفة وهي بټعيط
صفاء بقلق بسم الله مالك يا بتي ايه اللي حوصل بس احكيلي مش بتجولي اني كيف امك
فريدة بشحتفة اوعديني انك متقوليش لبدر ولا لحد وانا هحكيلك لو سمحتي اوعديني
صفاء بقلق اكبر ماشي بس احكيلي في ايه
فريدة مدت ايديها بالتليفون فقرت صفاء الرسالة بصوت عالي وكانت من هشام
صفاء پصدمة لو فعلا خاېفة علي البيه بتاعك يبجي تسيبيه انهاردة والا هتحزني عليه عمرك كله برصاصة واحدة بس
صفاء پخوف يا مري يا ولدي بجي ولد المحروج ده بيهددك وانتي عشان اكده طلبتي الطلاج
فريدة بحزن مش هسامح نفسي لو بدر جراله حاجة بسببي وهدوس علي قلبي لاني بحبه وعشان كدة لازم ابعد عنه يا ماما صفاء
بدر بابتسامة ومين جالك اني ههملك واخليكي تبعدي عني يا فريدة
فريدة پصدمة بدر
بدر بهيام وهو بيقرب بجي هونت عليكي تهمليني عشان سبب خايب زي ده
فريدة بحزن سبب خايب حياتك بالنسبالي مش سبب خايب يا بدر
صفاء ابتسمت بحب واتأكدت ان فريدة فعلا تستاهل ابنها وعشان كدة سابتهم وخرجت بهدوء
بدر وهو بيمسك ايد فريدة ايوة سبب خايب انا كل اللي يهمني هو انك تكوني عاشجاني كيف ما عشجتك يا فريدة واي حاچة تانية صدجيني انا جادر عليها واللي اسمه هشام ده اني هخليه يهمل البلد كلياتها ويرحل ولو معملش اكده اوعدك اني امحيه من الوچود لاجل ما اشوف نظرة الحب اللي اني شايفها دلوك في عنيكي يا جمري
فريدة پخوف ااوعدني انك تاخد بالك من نفسك عشاني يا بدر
بدر بعشق اوعدك لو انتي كمان وعدتيني انك تفضلي جاري يا فريدة مهما حوصل ومتهمليش جلبي واصل
فريدة بحب اوعدك افضل احبك لحد ما اموت
بدر بهيام وهو مركز في عيون فريدة بعد الشړ عليكي يا نبض جلبي
تمت
بقلمي_اسراء_ابراهيم
في_حماية_صعيدي
اشوفكم علي خير في رواية جديدة ومتنسوش رأيكم لانه يهمني جدا وبيدعمني جدا جدا
عرف لو سمعت أنك زعلت اختي... ھقتلك !!
