لها وحده

هيتقبلني زي ما أنا بالضبط وآني مش لازم أخس عشان اعجب الناس 
مرت الايام وانا منعزلة في اوضتي بأكل لوحدي وانا زعلانة من كلام امي ماما كانت دايما الداعم ليا بس تغيرها فجأة جرحني أنا كل الناس تقريبا بتتكلم عن وزني وانا عمري ما زعلت ولا اهتميت لكن لما امي كلمتني انجرحت اووي هما شايفين اني حابة ابقي كده محدش فيهم حاسس بالصراع اللي أنا بعيشه بين حبي الشديد للأكل ورغبتي أن جسمي يبقي متناسق زي باقي البنات!!
مرت الاسابيع هي هي يدوب بروح شغلي وارجع اكل وانام علاقتي مع ماما رجعت عادي ولسه بتعرض للتنمر بس مع مرور الايام بدأت احس بتعب غريب اعراض غريبة كانت بتظهر عليا وده خلاني اروح أعمل تحاليل عشان اطمن 
كنت قاعدة أنا وماما في معمل التحليل في مركز الدكتور اللي بتعالج عنده ودكتور التحاليل ودي التحاليل بتاعتي للدكتور 
بعد لحظات كنت قاعدة قدام الدكتور اللي كان بيبص علي تحاليلي ووشه مكشر بصلي بأسف وقال
التحاليل بتبين ان عندك سكر في الډم !!
شوفتي !!!قولتلك يا شيماء قولتلك أن نهاية اللي بتعمليه ده هتتعبي اووي اهو جالك السكر
بسبب انك مش راضية تخسي بسبب عنادك وافكارك الغبية ان اللي بيحبك هياخدك زي ما انتي !!افهمي يا غبية أنا مكنتش بقول كده عشان تتجوزي أنا كنت خاېفة عليكي عشان عارفة أن السمنة هتخليكي تتعبي لكن عشان تفكيرك محدود افتكرتي أننا بنكلمك عشان تتجوزي فأنت بعبقريتك عشان تقنعينا بوجهة نظرك العظيمة اهو جالك مرض السكر قوليلي مبسوطة دلوقتي مبسوطة يا شيماء !!
كانت امي بتصرخ فيا بعد ما جينا من عند الدكتور وانا كنت بعيط اووي قلبي كان واجعني مش مصدقة اني جالي السكر لسه كلام الدكتور بيتردد في عقلي قال اني بسبب السمنة الزايدة عن الحد جالي السكري من النوع التاني وده نوع ملوش علاج غير الريجيم وتضبيط الاكل 
كملت ماما كلامها وقالت
اهو يا حبيبتي مكنتيش حابة تعملي ريجيم بمزاجك هتعمليه ڠصب عنك والا فعلا حياتك هتبقي في خطړ 
بكيت بصوت عالي وقولت بإنهيار 
خلاص كفاية كفاية ابوس ايديكي يا ماما خلاص انا فيا اللي مكفيني 
بصتلي ماما بشفقة وقربت مني وحضنتني وهي بتقول
يا حبيبتي انا مقهورة عشانك مقهورة بسبب أن تفكيرك خلاكي ټأذي نفسك انتي كنتي فاكرة انك لما تأكلي كتير كده بتعاقبي الناس أو بتبينلهم انك مش مهتمة طبعا غلط يا حبيبتي انتي بټأذي نفسك بس محدش هيعاني زيك من الأمراض محدش هيتعب وهتبقي حياته في
خطړ غيرك انتي 
بعدت ماما عني شوية ورفعت وشي وقالت 
يا روحي أنا عمري ما عايرتك بالعكس أنا بقف جمبك دايما بس مش في
الغلط يا شوشو يا حبيبتي انا بنفعل عليكي عشان مصلحتك عشان خاېفة عليكي مش عشان اعايرك مفيش ام بتعاير