أحببت بقلم ميرفت السيد

ليلة ممكن تقربي لو سمحتي 
لأ انا زهقانة النهاردة ومزاجي وحش
ليه اكيد وحشتك
ياعم اتنيل انا كان في حد بيسليني ماجاش والنصيبة اني مش فاكره هو مين 
اه الي بيجيبلك عصير وبيتزا صح يعني حاسة انك مفتقداه
والله وحشتني فلوسه اه هو دة شوال الفلوس
شوالطب ماهو قدامك اهو تعبان 
ايوة دة انت فعلا معلش مكنتش واخدة بالي ايه ده مالك سلامتك
ليلة انا 
نظر اليها وقال انا هسألك سؤال وركزي معايا كدة 
هحاول لاني حصلي زهايمر متفهمش في حاجة باظت في السيستم 
لا متقلقيش انتي كدة من زمان 
لا منك لله
بتدعي عليا وانا عامل عملية ياستي حقك عليا ممكن بقى نتكلم جد
هو انا منعتك
تمام شوفي بقى انا قولتلك في الملاهي اني معجب بيكي
وحياة ابوك انا بانسى بص اعتبرني سمكة قدامك مليش ذاكرة
انتي بتتكلمي جد
هو انا اعرفك عشان اهزر معاك
يلهوي ليكون حصلك ارتجاج بجد 
خليك في حالك 
امسك بهاتفه بقلق واتصل بالطبيب المعالج له وهو صديق للعائلة وطلب منه ان يأتي لاصطحاب ليلة لاجراء فحص على دماغها
بعد قليل دخلت نجوى لكي تصطحب ليلة للمنزل
فقالها نجوى مالاحظتيش على ليلة حاجة غريبة الفترة اللي فاتت 
نجوى قصدك ايه
ليلة كانت تتابع مايحدث بلامبالاة
سامح بتنسى ومش بتركز من وقت الحاډثه هي لسة قايلالي وانا طلبتلها دكتور يفحصها
نجوى اااااه فعلا تصرفاتها غريبة بس انا متعودة فماركزتش بس هي فعلا بقت تنسى بسرعة ومش بتركز وهي مكنتش كدة هي كانت لاسعة وطقة بس كانت ذاكرتها حديد
ليلة خلصو لوكلوك انا جعانة 
اتى الطبيب اخبره سامح بالاهتمام بها فاصطحب الطبيب ليلة برفقته للفحص
نجوى جلست تنتظر وهي تشعر بالقلق
بعد الاشعة المقطعية وبعض الاختبارات
ذهب الطبيب بليلة ونجوى الى غرفة سامح
الذي بادره بالسؤال ها طمني يادكتور سعيد
بقلم مرفت السيد 
سعيد ايوة عندها ارتجاج بالمخ 
نجوى طيب دة خطېر يادكتور 
الدكتور لا مفيش خطۏرة هو عاملها مشاكل بالذاكرة والتركيز واضطراب النوم وصداع وتشوش رؤية بس العلاج راحة تامة لمدة اسبوع وتاخد العلاج دة ومتتعرضش لاي مجهود يعني يفضل راحة بالمنزل وبعدها تجياي افحصها وبالغالب باذن الله هاتتعافى 
سامح يعني مفيش عمليات ولاغيره
سعيد لا مش للدرجادي الارتجاج بيبقى نتيجة حاډث او خبطة قوية والعلاج منه باغلب الحالات راحة وبس 
ليلة ياحرام
ضحك الطبيب واستأذن بالانصراف
نجوى شكرا يادكتور
سامح سمعتي يانجوى من بكرة انتي وهي اجازة اسبوع وممنوع تعمل اي مجهود انا راجع المصنع بكرة هافضل على تواصل معاكم خلي بالك منها يانجوى
ووجه كلامه لليلة انا اسف ياليلة 
على ايه يابرنس ربنا يشفيك وينتعك بالسلامه 
ضحكت نجوى وقالت متزعلش اظن انت
عارف ان دة طبيعي حاليا 
سامح وحياتك حتى لو سليمة 
ليلة ياللا بينا يابت
وانصرفا الى منزلها وسامح عاد لعمله باليوم التالي
مر اسبوع الاجازة سريعا وكان سامح يطمأن عليها كل ساعة من نجوى واحيانا يتصل بها فتحيبه مرة ومرة تغلق الهاتف بوجهه ومرة تشتمه
وبعد مرور اسبوع بدأت ذاكرتها بالعودة تدريجيا 
اتصل سامح بنجوى وطلب منها ان تستعد هي وليلة للذهاب الي دكتور سعيد للاطمئنان مرة اخرى فقالتله ان ليلة صامتة منذ الامس 
قالها غريبة عالعموم انا هستناكم الساعة 5 وكان بانتظارهما عند الطبيب كان مشتاق لرؤيتها
وبعد الفحص أخبرهم بالطبيب بانها اصبحت افضل حالا ولكن تستمر بالراحة وعدم بذل مجهود بدني ولامانع من العمل ولكن بحذر 
احتضنها نجوى بحب وليلة صامتة على غير العادة
سعد سامح كثيرا بتماثلها للشفاء وقرر ان يقوم بتوصيلهما 
ليلة كانت صامتة وتبدو حزينه 
وبالسيارة قال سامح ممكن اعزمكم عالغدا ياليلة اما عاوز اتكلم معاكي 
ليلة
اومات براسها دلالة على الموافقة
فقالت نجوى ليلة حبيبتي انتي كويسه انتي ساكته خالص النهارده 
نظرت لها بحدة واشارت لها بالصمت
قال سامح مش عوايدك خااالص لا بجد انتي كويسة 
نظرت له بهدوء ولم ترد 
وبعد وصولهما طلب لهم سامح الطعام على ذوقه لأن ليلة لاتتكلم
وليلة صامتة وتنظر الى ساعتها كان سامح ونحوى يتظرون لبعضهما باستغراب 
اتى الطعام وبدأ ثلاثتهم بتناول الطعام حتى انتهيا
طلب سامح من ليلة ان تتكلم قالها تصدقي بالله رغم لسانك الطويل بس وحشني صوتك وكلامك
رن هاتف نجوى وبعد الرد عليه سحبت شنطتها وقالت معلش ياليلة خلي استاذ سامح يوصلك خالتي عندنا هي وعيالها على غفلة وماما عاوزاني ضروري عشان اساعدها
سامح طب استني اوصلك
نجوى بابتسامة لا خليكم يمكن تحبو تتكلمو
ومشت بسرعة وليلة تنظر اليها بصمت نظر سامح لليلة وقالها هتفصلي سايلنت كدة 
وفجأة رن هاتفها برسالة ففتحتها بلهفة 
ثم قالت بصوت عالي كسبت كسبت تحدي 24 ساعة صمت ياسيدي عليا ايوة بقى 
نظر اليها بدهشة وقال ېخرب عقلك كل الصمت دة تحدي مع مين
مع صحابي عالجروب 
ضحك وقالها يارايقة ممكن بقى نتكلم بقالي كتير نفسي اكلمك بموضوع وكل مرة افاتحك فيه يحصل حاجه 
اخلص وانجز في ايه عاوز فلوس مش معايا
لا خيرك سابق انا عاوز اعرف رأيك في الجواز يعني لو اتقدملك عريس 
عندك عريس ولاايه 
اما اعرف رأيك بالموضوع الأول 
شوف يااسمك إيه انت الجواز صعب بالنسبالي انا كدة احسن ولكن لوجه واد مقرش كدة وموز ليه لأ 
طيب وايه رأيك فيا
مزعج ومغرور 
اناااا
اه انت ومچنون ومتتعاشرش كمان
اناااا
اه اكدب عليك يعني
ولو قولتلك اني عاوز اتجوزك
اناااااا
ههههه تخيلي 
ليه
معرفش
حاولت النهوض وهي تقول لما تعرف ابقى قولي 
فاجلسها وقال خلاص هاقول
ياللا قدامك 30 ثانية 
من ساعة ماشوفتك خطفتيني
28
عجبتيني بچنونك بجدعنتك باسلوبك العجيب بجمالك بكل مافيكي
25
انا كنت رافض فكرة الجواز بعد طلاقي خصوصا من واحدة زيك لاسعة ردود فعلها نش متوقعة لاغية عقلها باختصار مچنونة
بس كل يوم بيمر بتأكد اني مش عارف اعيش من غيرك
انا محتاجلك محتاج لچنونك دة
انتي عامله زي البهارات بحياتي يعني بدونك ملهاش طعم 
5 اناكل دة
محتاجلك
4 قول يامتدلع
مش عارف اعيش من غيرك 
3وايه كمان ياعم الحبيب 
تتجوزيني
2 
انا بحبك
1
يامجنونة
صمتت ووجهها احمر قالها ردي عليا
انا 
ليلة انا 
سامح إيه 
هافكر
ليه بس مانا قولتلك اني باتنيل بحبك 
عاجبك كدة اتعديت منك بكلامي
ابتسمت برقة 
زي القمر لما تبتسمي وتبقي هادية
اطلبلي كريم كراميل يانحنوح
حاضر بس انا محتاج ردك
قولتلك متصدعناش
توقعت انك تكوني سريعة برد فعلك
ليه يعني
عشان عفوية
بس انا مش هبلة
ماقولتش كدة ومش عشان كان املي توافقي عليا فورا اني شايف ان دة يبقى هبل منك لا انا توقعت الرد بسرعة لان الي بقلبك على لسانك
انا اتسرع بكل حاجة عادي بس محبش اكرر غلطة تخص مستقبلي دة قرار اختيار ابو جنى وجومانة
مين دول
عيالي بالمستقبل باذن الله
ساعات بحسك اعمق مما يبدو
وانا ساعات بحسك على الله حكايتك ودور العنجهة والغرور دة مش انت
لا دة انا طبيعتي كدة من صغري بس معاكي مبقدرش اكون غير الانسان الي بيحاول يسعدك
اها ماشي فين الحلو الي هنحلي بيه ياعم المغرور ياللا عشان اروح ولا عاوزني اكتفي بحلاوتك
ضحك وطلبلها كريم كراميل وفضل يبصلها وهي بتاكله
قالتله انت هاتبصلي باللقمة
ضحك وقال والله ابدا 
مرت بنت من جنبهم وموبايلها وقع قام ناوله ليها حتى لا تجلبه هي وتوطي ودة غلط طبعا البنت شكرته وراحت لاصحابها وفضلو يبصو عليه باعجاب ويتهامسو ويبصو على ليلة ويضحكو
ليلة اخدت بالها قامت وقالتله ثواني و راجعه 
وراحت قعدت معاهم عالترابيزة وبعد مااتكلمت معاهم شوية قامت ومسكت كوباية عصير كان الي عالترابيزة وشربت شفطة وقالت بصوت عالي لا حلو دة ودلقته على دماغ واحدة منهم وقالتلها
عرفتي اقدر اعمل ايه ياحيلتها مش انا الي شلة هاتيني لاقيتي خديني جبيني