اسكريب يوسف كامل

متوتره سيكا دخلنا وطلعنا حضرنا المحاضرات . 
كنت بتكلم مع فريده ونهزر وتوتري راح .
خرجنا من الجامعه وكنت حاسه اني فرحانه كأني اتولدت من جديد.
مبقاش فارق معايا كلام الناس المهم راحتي انا وبس .
روحت انا وفريده عندنا في البيت .
_ ماما عامله اكل اي .
طب خدي نفسك طيب . همك علي بطنك دايما .
_ ملكيش دعوه ب نفسي قوليلي بس عامله اكل اي .
عامله جلاش وفراخ مشويه وادخلي علشان خالتك هتيجي تاكل معانا .
طب انا همشي انا بقا يا طنط.
تمشي فين يا هبله اقعدي كلي معانا.
_ وش كسوف انتي اوي هتقومي تمشي .. اقعدي خالتي مش غريبه ياعني .
غوري 
_ طب يلا نغور علي الاوضه .
دخلنا اوضتي فضلنا نتكلم لحد ما خالتي جت وطلعنا .
الغريبه ان يوسف مجاش . 
فريده وشوشتني .
امال يوسف فين.
_ وانا ايش عرفني هو انا ولي امره .
في المستقبل هتكوني زوجته العزيزه.
_ طب نلم نفسنا علشان خالتي وامي بيبصوا .
الباب خبط .
_ روحي افتحي يا فريده.
وانا مالي هو بيتي انا ! 
_ منك لله .
سيبتها وروحت فتحت الباب .
زي ما توقعت . 
_ ازيك يا يوسف .ادخل 
الحمدلله .
دخل قعد معانا وماما حطت الاكل وبدأنا كلنا ناكل .
اسكتي يا هاله مش يوسف قرر يخطب.
بجد يا حبيبتي الف مبروك وهتبقي مين دي بقا .
عارفه سميره جارتنا في العماره عندها بنوته ماشاء الله عليها . زي القمر .
_ ماما الجلاش دا جامد بجد تسلم ايدك 
مش هتقولي ل يوسف مبروك.
_ علي اي معلش اصلي مش مركزه .
يوسف قرر يخطب .
_ والله طب الف مبروك . عن اذنكوا .
جو الافلام اللي هما عاملينه دا مش داخل دماغي علي اساس ان انا مش عارفه انهم بيقولوا كدا علشان يلفتوا انتباهي . 
دخلت المطبخ جبت ميه اشرب .
قومتي ليه من علي السفره.
اټخضيت والكوبايه وقعت مني اتكسرت.
_ يشيخ منك لله خضتني .
نزلت الم الازاز اللي اتكسر بس بغبائه داس علي ازازه .
ااه.
_ انت غبي انت مش شايف كل دي ! .
سندته وطلعنا برا وهما لما شافوه اتخضوا .
قعدنا علي الكنبه بطلعله الازازه .
_ بټوجعك.
لا 
ببص بالصدفه لقيت ماما وخالتوا وفريده بيضحكوا .
_ بتضحكوا علي اي مش فاهمه . اي يضحك !
ممكن تسيبونا لوحدنا شويه .
كلهم مشيوا ومتبقاش غيري انا وهو .
كملت اللي كنت بعمله وخلصت .
_ في اي .
انا بحبك.
_ نعم!
انا بحبك.
_ دا دا ازاي دا اصلا .
اي اللي ازاي بقولك بحبك.
بحركه تلقائيه.
_ وانا كمان بحبك .
تمت. 
شكرا علي تفاعلكوا وبتمني اخر بارت دا يعجبكوا .