رغيف حواوشي بقلم رحاب القاضي
المحتويات
ماما انا هروح اغير هدومي واجي اعملكم الاكل
ودخلت غيرت هدومي وطلعت عملت الاكل وكنت عامله تلات حتت فراخ ورز وملوخيه وسلطه وقعدنا ناكل وحصل ..
الحما
انتي هتعملي ايه سيبي الفراخ دي مناب صلاح جوز ناهد
انهار
هاكلها يا حماتي وابقي لما يجي سي صلاح هبقي اطلعله من التلاجه واعمله من جديد
ناهد
وليه المصاريف دي يا حبيبتي ما انتي كل يوم بتاكلي سيبي الفراخ دي لصلاح وكلي رز وملوخيه
الحما
جدعه يا بت يا ناهد خاېفه علي فلوس اخوكي مش زي اللي واخده شقااه وتعبه وبتبعزق فيه
انهار
كتر الف خيرك يا ماما انا شبعت خلاص وقايمه ارتاح شويه في اوضتي
الاول قبل ما تنامي نضفي المطبخ بدل ما انتي سايبه الدنيا كده ټضرب تقلب
انهار
حاضر يا ماما هنضف كل حاجه ......
وتاني يوم في بيت اهلي كانت امي قااعده بتفطر اخواتي والباب خبط وراحت فتحت لقيت عمي قدامها وقالها
محروس
اهلا اهلا انتي بنفسك اللي فاتحه الباب يا فاطمه
فاطمه
ازيك يا محروس عاااش من شافك ده انا فكرت من بعد اخوك ما حدش هيدخل عليا انا وولاد اخوك قدك
دخل محروس وقالها
مشاغل والله يا اختي المعم تعالي نقعد عشان انا جايلك في مصلحه كويسه اووي هتعديكي انتي وعيالك الفقر
فاطمه
خير ان شاء الله يا اخويا مصلحة ايه دي
انا عندي حتت عريس متريش لانهار انها ايه هيعديكم الفقر يا فاطمه
فاطمه
انت ايه اللي جرالك يكون جالك الزهايمر البت انهار متجوزه
محروس
هي دي تتسمي جوازه يا فاطمه الواد خد معاها شهر وسابها وخلع علي الخليج والبت قاعده تخدم في حماتها
فاطمه
استغفر الله العظيم يارب يا راجل انت اللي بتتكلم فيه حرام والله العظيم
محروس
بلا حرام بلا حلال ويكون في علمك حل المعاش بتاع جوزك في ايدي وممكن كمان تاخدي مكان المعاش خمس مرات وحياتك انتي وولادك هتتغير خالص
فاطمه
انا راضيه بالمعاش وهو كده وراضيه بحياتي وهي كده مع ولادي وكفايه اربيهم كويس وبكرا يكبرو ويبقو اربع رجاله يسدو عين الشمس
يعني ده اخر كلام عندك وانا اللي جاي وفاتح ليكي باب خير طيب اسمعي بقي المفيد وبعدها طلع عقد الشقه وقال انا اشتريت الشقه
دي ملك من صاحب البيت واعملي حسابك انك لو مش وافقتي علي اللي قولته ليكي
يبقي تشوفي مكان تاني تروحي تعيشي فيه
فاطمه
حرام عليك اي بس اللي انت عايز تعمله ده
البت متجوزه
محروس
يا اختي تطلق تعتبره راااح وتطلق منه وكده كده هو اهو رميها وتتجوز البيه اللي انا شغال عنده وو
قاطعته فاطمه وقالت
ما تأخذنيش والنبي يا محروس بس قولي هو البيه بتاعك ده من قلة البنات عايز يتجوز واحده متجوزه
لا ما هو عايز حاجه جديده وجوازه هتبقي كام شهر في السر بس هتاخد فيها كتير
فاطمه پحده
اخص عليك راجل رخيص بقي عايز تتاجر ببنت اخوك امشي اطلع بره يا محروس اياااك اشوف وشك تاني هنا امشي بره
محروس
انتي بتطرديني يا فاطمه من بيت اخويا هي حصلت يا وليه
فاطمه
حصلت اكتر من كده كمان واخوك لو كان عايش ما تعرفش كان عمل فيك ايه امشي اطلع بره
محروس بغيظ
طيب وحياااة امك يا فاطمه ما انتي طايله قرش واحد من المعاش خليكي بقي قاعده كده وانا هروح علي القسم واقول انك مش عايزه تسيبي شقتي وط واشحتو عشان تاكلو وبرضو مش هخلي حد يديكي حتي لقمه يا وليه يا وش فقر انتي
قال كلامه ومشي وامي فضلت ټعيط وهي مش عارفه تعمل ايه وفجأه حطت ايدها علي قلبها وقالت وهي تعبااانه
فاطمه
ااااه مش
قادره يااارب خليك مع ولادي يااارب
ووقعت
متابعة القراءة
