عوده حبى الضائع

انا عارفة انه ليه حق
اتنهدت صابرين بحزن وردت بحدة وهي بتبص لحنين 
ولحد امتي هتفضلي تستحملي المعاملة دي ما قولتلك يا حنين قوليله الحقيقة يا بنتي هو ليه حق يعرف اللي حصل زمان
لا يا امي 
قالتها حنين باندفاع وهي بتمسح دموعها بسرعة وبتحاول تتمالك نفسها وكملت بجدية
ادم مش لازم يعرف حاجة لانه انا مبقتش انفعه وهو لو عرف مش هيبعد لكن كدة احسن خليه يشوف حياته ومستقبله واوعي يا امي تقوليله حاجة لو سمحتي
ردت صابرين بضيق رغم انها مش مقتنعة بكلام حنين 
ماشي يا حنين اللي يريحك يا بنتي 
......................... 
بعد كام يوم كانت فيهم حنين لقت شغل وبدأت تنزل كل يوم وده في معاد نزول ادم لشغله بس كان دايما بيتجاهلها وهو ماشي وكأنه مش شايفها وده كان بيعذب حنين اوي لحد ما في مرة كانت واقفة مستنية العربية وهو واقف قصادها عالطريق وكان باصص ليها پغضب واتفاجأت بيه بيقرب منها لحد ما وقف قدامها وبص في عنيها وقالها بهدوء بس نبرة صوته كان فيها ۏجع كبير 
عايز اعرف ليه سؤال عشت اسأله لنفسي كل يوم في الخمس سنين اللي فاته كل يوم وانا بسأل نفسي ليه عملتي كدة للدرجادي بتحبي الفلوس للدرجادي الفلوس عندك اهم من حب سنين ليييه جاوبيني قولي سبب واحد يبرد الڼار اللي في قلبي ومش عارف اطفيها
حنين كانت دموعها نازلة علي خدها وهي بتسمعه وكان نفسها لو تقوله الحقيقة وانها محبتش في حياتها قده وانها كانت بتعد الايام والليالي عشان يرجع من الجيش ويتجوزو بس ڠصب عنها كل اللي حصل و للاسف مقدرتش حنين تنطق بحرف واكتفت بانها تقوله بهدوء عكس البراكين اللي شايفاها في عيون ادم 
للاسف معنديش اجابة ليك يا باشمهندس اظن خلاص كل واحد فينا شاف طريقه وبنصحك انك تنسي وتشوف حياتك احسن ما تضيعها في معرفة اسباب حدوتة خلاص خلصت من زمان
كان ادم مش مستوعب برودها كان باصص ليها پصدمة وقلبه پينزف من كلامها اللي زي السکين وبترميه بيه وقف قدامها