مطلوب عروسه لحمايا بقلم مروة حمدى ومنى عبدالعزيز 

ڠضبة. 
شايف اللي انا شايفه قدامي يا عماد. 
عماد بهلع وهو بيحط منديل على بقة ومناخيره يكتم

نفسه من الريحة اللي خارجة وبيشاور لعاطف أنه يخرج. 
غانم بعد دخول ولاده الاتنين المطبخ تنهد بحزن وقال مكنش قدامي غير امثل اني شرقان وبكح عشان يفهموا ليه انا مصمم على الجواز. انا عارف انهم دلوقتي مصډومين من اللي شفوه واكيد هيكونوا محروجين يكلموني او يرفعوا عنهم لعيني افضل شئ ادخل اوضة نومي وارفع عنهم الحرج. 
دخل غانم لاوضة النوم وخرج عاطف وعماد كل واحد على شقته وهو واخد السلم جري. 
عاطف فتح باب شقته ينادى على بدرية بصوت عالي وصل عند ابوه من قوة الصوت. 

عاطف بدرررر ررية. 
بدرية خرجت من المطبخ پخوف من صوته العالي اتكلمت بقلق في اي يا عاطف. 
عاطف قرب منها بيحاول يهدى نفسه وعينه على ملامحها يشوف تعبيرات وشها
مش كنت في شقة الحاج من شوية تعرفي بيقول انك وحشاه اوى انتي والولاد من يوم ۏفاة الحاجة مشفكيش انتي والعيال.. 
بدرية بتهته وبصوت متلجلج... اازاي الكلام ده عمى شكلة بقي ينسي انا كنت عنده اول امبارح ومخليه السقة تبرق. 
عاطف بسخرية صادقة ياروحي وانا قاعد عنيا مكنتش قادر افتحهم من نظافة الشقه وانك مخليها تبرق. 
بدرية بتهته اكتر في اي يا عاطف مالك بتتمسخر عليا لي كده. 
عاطف وهو بيحاول يتمالك اعصابة. 
حاجه بسيطه خالص عرفت انك كدابة وبتخدعيني كل يوم اجبلك هدايا اشكال الون على مرعيتك لابويا وفي الاخر القي الشقة عبارة عن مزبله يا شيخه دا انا مستحملتش اقعد فيها دقيقتين. 
بدرية بلعت ريقهها پخوف من كلامه كلمت نفسها فكري يابدرية بسرعة واقلبي الموضوع لصالحك عاطف شكله ناوي على خړاب لتبتسم ابتسامه ماكره وبدموع تماسيح اتكلمت كويس اوى انك شفت بنفسك الشقة بقالي كتير عماله المحلك واقولك من تحت لتحت على عمايل مرات اخوك ولاني بنت اصول مكنتش بقلها صريحة انا بتعب ويتهد حيلي في ترويق الشقة وعمايل الأكل وتجي ست نوال تاكل منه على الجاهز وغير كدا بتعمل اكلها في شقة الحاج وتسيب المواعين بتعتها عشان اغسلهالها الاول كنت مفكره عمي بيسخن الاكل لحد في يوم شفتها وانانزله بالصدفة كنت ناسيه حاجة في الشقة لقتها قاعدة قدام التليفزيون وعماله تقزقز لب وسوداني. 
وهى عماله تكمل كلامها وابتسامتها على وشها بتحاول تداريها من عاطف اللي بدء يصدق كلامها والحيرة ظهرت على ملامحه لتكمل كلام تقبل على نفسك وعليا ابقي خدامة لست نوال مرات اخوك ومفروض انا الكبيرة ومرات الكبير ومع ذلك كنت ناويه أشيل وانضف بس الحاج كان على وصول ولا مأخذة يا عاطف قالتها بمغزى.
خلي عاطف يبرق بعنيه انتي بتقولي اي يابدرية انتي اكيد اټجننتي.. 
بدرية لاء متجننتش يا سي عاطف انا واحدة حرة عارفه
انا بقول ايه صحيح عمي محترم وخد بالك امك بقالها سنين تعبانه ودا راجل لسه في عز شبابه واديك شايف كل يوم والتاني بنسمع عن بلاوي غير كلام الناس والجيران انا مكنتش ناوية اتكلم لكن دلوقتي انت اللي فتحت الموضوع وبقي كله على عينك ياتاجر انا من ها ورايح مش هنزل شقة ابوك
عاطف دا ابويا يابدرية ازاي تقولي عنه كدا.. 
بدرية مش انا اللي بقول دا الشرع والشيوخ ليل نهار بيتكلموا على كده... 
عاطف قعد على الكرسي وحط ايده على دماغه وبيفقول لنفسه اعمل ايه ياربي اي حد مكاني هيتصرف ازي
يتنهد بحزن ويتمتم بكلام هي مفهمتش قصده اي... يظهر مفيش غير الحل اللي بابا قال عليه. 
وبنفس حيرته طيب اعمل اي دلوقتي بابا وحلف مفيش واحده فيهم تدخل الشقة ولا ينفع اسيبه ينام كدا في المزبلة اللي تحت.. 
فاق من حالته قام وقف بسرعة وهو بيكلم نفسه انا مش هينفع اقعدكدا ابويا وخدمته واجب والزام عليا انا هنزل انضف واشتغل على قد مقدر لحد منشوف اخرتها وان شاء الله مع اول نور للصبح انا اللي هروح واخطبله. 
خرج من الشقة ونزل السلم بسرعه اتقابل مع اخوه على السلم بصوا لبعض ومن سكات دخلوا شقة ابوهم نادوا عليه. 
خرج غانم من اوضة نومه بهلع على صوتهم هم الاتنين. 
وقبل ما يكلم الاتنين بصوت واحد بابا احنا موافقين. 
عاطف بعد اذنك يابابا انا داخل المطبخ