اسكريبت كامل للكاتبة شيماء كمال
المحتويات
ولسه مجاتش بنت الحلال اللى تحشيلي وتاكلني بايديها الحلوين
__اللهم طولك ياروح هو انت يبني مچنون ولا بتستعبط ولا انت اي بالظبط يعني
__الله يخليكي ويخلي كلامك اللى بيفرحني ده
انا لولا اني دكتوره ومحترمه مهنتي كنت وربنا رزعتك كف على وشك وخليتك تجرى على بيتك من قدامي زي الفار اللى في توم وجيري
تصدقي بحب الكرتون ده اووي ومستني حبيبتي تيجي على بيتنا ونتفرج عليه سوا وتبقى هي توم وانا جيرى ونجرى ورا بعض في البيت
احيييه هو ضرسي هيتحشي لا لا لا مستحيل
__طب انت عارف يعني اي احشي ضرسك
بصراحه لا
__غبي
بتقولي حاجه
__لا خالص اقول اي..بص ضرسك ده ملتهب واللسه اللى حواليه ملتهبه ف انا بقولك هحشيلك الضرس ده بدل ما اخلعه ومش هيطلع تاني انا مش قصدي احشيه رز والفه زي صوباع المحشي الكرومب وكده لا انا هحشهولك بمادة البلاتين
__يالهوي على استظرافك ي اخي قوم من هنا ده انت هتشلني
خلى بالك انتي كده بتهينيني
__على اساس عندك ډم اووي
يخربيت ضحكتك اللى خطفت قلبي دي
__افندم
لا لا انا هقوم امشي احسن
__انت لغاية دلوقتي اكتر واحد اخد معاه سااعه في الكلام كده وياريته كلام مفيد يلا اتفضل عشان عندي ناس كتير عاوزه تدخل والسكرتيره هتقولك على باقي التفاصيل هتحددلك الميعاد اللى تيجي فيه بالظبط وكده يعني وهتاخد بيناتك
__اصوت!ولا الطم!اتفضل ي عم عاوز اي
انتي عندك كام سنه ومنين
_اي ده انت هتعملى بطاقة جديده على كده طيب على العموم انا 23سنه من هنا من طنطا
اي ده لحظه بس هو اولا العمر كله ليكي وكل حاجه بس ازاي انتي دكتوره اسنان وعندك 23سنه لحقتي ازاي مش فاهم
ربنا معاكي ياارب..بس اكيد عشان تعملى عيادة خاصة محتاجة اجراءات كتيره لازم تعمليها
مهو الحمد لله ربنا كان معايا في كل خطوه وبعد ربنا بابا طبعا مدير حسابات في شركة معروفه وكده كان لي معارف ساعدوني بشغل قانوني طبعا
ميرسي.. ممكن بقا تتفضل عشان الناس اللى مستنين براا ميزهقوش ويقولوا كلام مش لطيف
بجد انا اسف مش عارف ازاي الوقت عدا بسرعه كده....
__لا ولا يهمك اتغضل الروچتهةدي هات العلاج اللى كاتباه فيها وميعاده مكتوب عندك خد العلاج ده على ما تجيلى بعد يومين
تمام مع السلامه.......وهو ماشي سرحان وقلبه كان بيدق وفجأة بصلها وقالها تتجوزيني
متابعة القراءة
