ډمرت حياتي الفصل العاشر
ووشها كان منور من السعاده.. وضعت العصير قدام سيف بخجل وخرجت من الغرفه بسرعه
نظر لها سيف واتمنى لو كانت تبقى من نصيبه ..وبعد عينيه عنها بسرعه لان مش من حقه انه ينظر لها بالطريقه دي
ابتسم كريم بسعاده وهو بينظر عليها واتكلم والد كريم مع والد زينه وطلع في بينهم معارف واصدقاء مشتركين ودا سرع التعارف بينهم واتفقوا على كل شئ
سمعت صوت زغاريط ودخلت والدتها واتكلمت معاها بسعاده باباكي بعتني اخد الموافقه بتاعك قبل ما نقرأ الفاتحه
هزت زينه راسها بخجل واتكلمت بكسوف الا تشفوه يا ماما
قعدت زينه في غرفتها وهي بتبتسم بسعاده ومش مصدقه انها هتتجوز سيف
كان سيف قاعد ومتوتر جدا اكتر من توتر كريم وكل شويه كريم يكلمه بهمس ويقوله هي اتأخرت كدا ليه
كان سيف بينظر قدامه بجمود ووالدته كانت حاسه بيه وفاهمه مشاعره اتجاه زينه
دخلت والدت زينه ونظرت لجوزها بابتسامه وهزت راسها بالموافقه ..اتكلم والد زين وهو بيضع ايديه في ايد والد كريم
اټصدم سيف وشعر ان الدنيا اسودت في عينيه وقراء معاهم الفاتحه بقلب مقهور من الحزن والحسړة
نظرت له والدته وربتت على ظهره بحنان
بعد قراءة الفاتحه اتكلمت والدة كريم وطلبت من والدة زينه انها تجيب زينه عشان تقعد جانب كريم ويتكلموا شويه
دخلت والدة زينه واتكلمت مع زينه بسعاده الف مبروك يا حبيبتي
اتكلمت والدتها مامت العريس عيزاكي تقعدي جانب العريس تتكلموا مع بعض شويه
ابتسمت زينه بخجل وخرجت مع والدتها وهي حرفيا ھتموت من الخجل وحسه ان قلبها هيخرج من مكانه
وقفت زينه على باب الغرفة ووقف كريم ووقف سيف هو كمان عشان يسيب مكانه لزينه عشان تقعد جانب كريم ..نظرت له زينه وكانوا بيبصولها الاتنين لكن هي عنيها كانت على سيف ومش شايفه غيره..
اتكلم سيف بهدوء مبروك
ردت بخجل شكرا
اتحرك سيف من مكانه واتكلم بهدوء عن اذنكم
رفعت زينه عنيها بدهشه لانه اتحرك من قدامها وسابها واقفه لوحدها ..شعرت بايد بتلمس ايديها وصوت بيتكلم بمرح
كريم اظن من حقي دلوقتي امسك ايدك مش بس اسلم عليكي
نظرت له زينه بدهشه واتكلمت والدة كريم بسعاده اقعدي جانب خطيبك يا عروسه متتكسفيش
في لحظه لقت سعادتها بتروح.. شمعتها بتنطفي ..ازاي هي مش فاهمه حاجه ..اتحركت بسرعه من مكانها وقربت
من والدتها واتكلمت بقوة ماما تعالي معايا على اوضتي لحظه لو سمحتي
نظر الجميع لبعض بدهشه وخرجت زينه بسرعه وخرجت والدتها وراها بقلق
وقفت زينه واتكلمت مع والدتها ماما هو انا اتخطبت لمين بالظبط
ردت والدتها اتخطبتي لمين يعني ايه
اتكلمت زينه يا ماما انتوا قريتوا فتحتي مع مين بالظبط
ردت والدتها مع ابو عريسك يا بنتي
زينه وهي ھتتجن ابو عريسي مين
والدتها كريم خطيبك
اتكلمت زينه بصړاخ ينهار اسود كريم مين
والدتها بدهشه هو انا مش دخلت سألتك وانتي وافقتي
ردت زينه اه وافقت بس مش على كريم دا
والدتها بدهشه اومال على مين حيرتيني معاكي
اتكلمت زينه پصدمه على....
والدتها بدهشه على مين
نظرة لوالدتها پصدمه وخرجت من الغرفه بسرعه ودخلت الغرفة الا موجود فيها كريم واهله وسيف ومامته ووالدها واخوها
نظر لها الجميع بدهشه وهي عنيها كانت على سيف.. قربت منه واتكلمت بقوة انت لما قولتلي ان في شخص عايز يخطبني كان قصدك على مين
نظر له سيف بدهشه واتكلم بهدوء كان قصدي على كريم
نظرت له پغضب واتكلمت قدام الجميع بقوة
زينه انا اسفه جدا وبعتذرلكم لان حصل سوء تفاهم ..انا موافقتش على خطوبتي لكريم
زينه شكلها هتقلب عليهم الدنيا ومش هتتنازل عن حبها لسيف تفتكروا انها كانت المفروض ترضى بالامر الواقع وتكمل خطوبتها من كريم منتظرة رأيكم في الكومنتات وياريت الكل يتفاعل عشان تشجعوني
