روايه بقلم هاجر عمر
المحتويات
الشغل!
.... بصتله بغيظ
مفيش سبب بس انا تعبت من الشغل و عايزة ارتاح
.. بهدوء
مفيش مشكلة ابدا ممكن تاخدى إجازة يومين
.... بصت له بتحدى
لأ انا مش عايزة اشتغل و استقالتى عندك سلام
سابته و مشيت و هو فضل يبص لطيفها و سرحان
.. قعدت جنبها بعصبية
سبتى الشغل يا سعاد خربتيها و قعدتى!
وقفت بسرعة و رفعت صابعها و بصوت عالى
لا عاش و لا كان ال يعلى صوته عليا ابن سلطح ملطح دا
.. قامت وقفت بعصبية قصادها و هى بتجز على سنانها
و يا ترى زعق للهانم لييييه! مش عشان بوظتى التصميم
....بصتلها بجنب عنيها و حاولت تتهرب منها
.. غيرتى التصميم كله و تقولى بظبطه يا جاحدة
..... يعنى يرضيكى اسيب النسوان تلبس قالع ! يا بنتى دا ما كانش ف تصميم اصلا دا يا دوب راسم المانيكان ال هيحط عليه التصميم
.. رفعت ايدها ټخنقها و رجعت ضمت ايدها بغيظ
بالله ما حد هيجبلى جلطة غيرك .. ارحمى ال جابونى بقى يا شيخة انتى مسلطينك على خلق الله
الله ! انا عملت حاجة يا بنتى !
.. بغيظ
انتى ! انتى تكفير ذنوب ماشي على الأرض يخلص ذنوب البشر على الارض اول بأول
.... شاورت على نفسها
انا يا بنتى دا انا حتى نسمة .. بلسم چروح اتحط ع اللسعة تطيب
.. مسكتها من قفاها
بت انتى دور النرجسية دى ما تعشيهوش عليا لاقلع شعرك شعراية شعراية انا صاحبة مرض و مش ناقصة پهدلة
طب سيبى قفايا كدا .. ايييه ماسكة حرامى غسيل
.. فضلت تشدها و تزقها من قفاها
بالله لو ما لميتى نفسك شوية و بطلتى برود لا لا لا لاروح للواد جاسر اشقطه منك و الف عليه و اتجوزه انا و امۏتك بحسرتك
.... بفزع
لااااا كله الا ابن قلبى قرة عينى و روحى دا انا اډفنك انتى و هو بالحيا
اوعى كدا بوظتى بريستيجى
.. بسخرية
برستيج مين يا بنت بياعة الجرجير
.... رفعت راسها لفوق و اصطنعت الكبرياء على فكره بقى انتى صاحبة مش جدعة
.. حصل .. المهم هتعملى ايه دلوقتي!
.... بصتلها بغباء
اعمل ايه ف ايه!
.. عوجت بوقها و ايدها و مثلت انها بتتشل هتشل هتشل
.... جريت عليها و طبطبت عليها
.. يا بنى أدمة هتعملى ايه ف موضوع جاسر!
.... هزت كتفها بلا مبالاة
عادى هروح الشغل بكرة
.. وقفت بعصبية ووطت بجسمها قصادها هو انتى ما عندكيش كرامة ! فهمينى بس عشان لو ما عندكيش اشتريلك كيسين
.... بغباء
فيه ايه!
.. بتجز على سنانها بعصبية
بت انتى متخلفة انتى سيبتى استقالتك انهاردة و سيبتى الشغل هترجعى ازاى دلوقتي!
.... بابتسامة
عادى هرجع و اعمل نفسي ناسية
.. حطت ايد على ايد
و افرضى مضي استقالتك يا فالحة!
.... ساعتها هقوله كانت ساعة شيطان و انى هكمل شغلى عادى
.. صلى على النبى كدا
.... عليه افضل الصلاه والسلام
.. زيدى النبى صلاة
.... اللهم صل وسلم وبارك على سيدنا محمد وعلى آله وصحبه أجمعين
.. بصي بقى انتى هتعملى ال انا هقولك عليه بالحرف لا تزودى و لا تقللى فاهمة!
.... هحاول
.. بصتلها باستغراب
تحاولى ايه!!
.... هحاول افهم
.. عضت شفايفها بعصبية و غمضت عنيها اهدى يا ليلى اهدى ما تقتليهاش
فتحت عينها و
متابعة القراءة
