صغيرتى الاخير

يا جماعة اى حد فاته جزء من الرواية أنا بحط اللينكات بتاعتهم فى آخر البارت
Part 7
صغيرتى
مازن بعصبية اطلبوا الإسعاف بسراااااعة انتوا بتتفرجوا على اى
حمزة بتوتر حاااضر حاضر
عند فاطمة ونغم
فاطمة يارب جيب العواقب سليمة يارب 
اتصلى يا نغم على حمزة تانى خليكى وراه لحد ما يرد
نغم پخوف حاضر يا ماما يارب استر يارب

جرس الباب رن فتحت فاطمة
فاطمة پصدمة سعاد !
انتى اى اللى جابك هنا 
انتى ليكى عين تيجى بعد اللى عملتيه يا بجاحتك يا شيخة يا بجاحتك
سعاد بجنود بنتى فين يا فاطمة وماما فين أنا ضړبت عليهم الجرس وقعدت اخبط كتير ومحدش رد
بجد انتى مصدقة نفسك أن انتى بنى آدمة زينا كدة
يعنى كمان مكفكيش انك رميتى بنتك بدل ما تدافع عنها من ابن ال بعد اللى عمله فيها لا وكمان مهنش عليكى تسالى على امك وجاية بعد 14 سنة تسالى عليهم كنتى فين وامك كانت تعبانة وبتترجى منك كلمة واحدة تتطمن عليكى حتى بعد اللى عملتيه فى بنتك كنتى فين لما كانت مرمية فى المستشفى بتتعالج من السړطان اللى نهش فى جسمها
ولا بنتك .. بنتك يا شيخة اللى هانت عليكى ورمتهيا 
حد يرمى ضناه غيرتى من بنتك .
غيرتى من طفلة دى ضناكى يا مفترية حد يبيع ضناه انتى كان عقلك فين
امشي يا سعاد الله لا يسيقك أنا اللى فيا مكفينى
وكانت لسة هتقفل الباب
سعاد بدموع وعليت شقاتها استنى يا فاطمة بالله عليكى قوليلى بس بنتى فين عايزة اشوفها اشم ريحتها هعمل اى حاجة والله عشان تسامحنى
فاطمة بعصبية تسامحك على ولا اى بالذمة انتى مصدقة نفسك ياشيخة غورى بقى وسبينا فى حالنا وبعدين هيا مبقتش بنتك خلاص هيا بنتى أنا انا اللى ربتها وكبرتها واعتنيت بيها مش انتى
امشي يا سعاد امشي ومتجيش هنا تانى
سعاد يا فاطمة بالله عليكى طب اشوفها من بعيد والله ومش هكلمها
فاطمة بنفاذ صبر يا شيخة امشي بقى زقتهافاطمة ووقعت على الأرض وكانت مركبة رجل صناعية والرجل اتفكت اڼصدمت من اللى شافته
فاطمة پصدمة لا حول ولا قوة الا بالله العلى العظيم 
صعبت عليها فاطمة وجات تقومها من ع الأرض لقت ايديها مټشوهة 
فاطمة وهيا تتمتم بهمس استغفر الله العظيم يارب اللهم لا شماتة قومتها وقعدتها فى الصالون على الكنبة 
كانت بتحاول تهديها 
فاطمة بهدوء اى اللى حصلك يا سعاد احكيلى
فى المستشفى عند مازن وحمزة
كانت اسماء فى غرفة العمليات
حمزة وكان بيحاول يهدى مازن من صډمته لما شاف اسماء بين أيديها وهيا سايحة فى ډمها
أهدى يا مازن . 
أهدى يا صاحبى أن شاء الله هتقوم بالسلامة وهتبقى كويسة ادعيلها انت بس
مازن بهدوء يااااارب يااااارب يا حمزة
كلم فاطمة ونغم عشان لما تفوق تلقيهم جنبها
حمزة الفون بتاعى فصل شحن ومش عارف اوصلهم
مازن خد تليفونى معايا نمرة فاطمة اتصل عليها وقولها ع اللى حصل
عند فاطمة
سعاد بدموع أنا ندمت ندم عمرى ان اتجوزته من الاول عارفة يا فاطمة أن والله مكنش قصدى أن ارميها واتخلى عن بنتى زى ما قولتى لا ابدا والله انا كنت بحاول ادافع عنها بعد اللى عمله فيها هددته قولتله انى هبلغ عنه جالى المستشفى  معرفتش ساعتها أنا بتصرف ازاى لحد ما جبتها هنا عند ماما وحلفتها متجبش سيرة للى حصل بس هيا فهمت الحكاية غلط زيك برده عشان بتعزك اوى قالتلك على كل