رحمه وسيف
المحتويات
فين يا بنتي
_ انتي اللي فين احنا داخلين عليكي اهو
مين معاكي
_ هيكون مين يعني اكيد احمد
اه وترموني لوحدي في الكنبه اللي ورا صح
_ لا تعالي انتي اقعدي جنبه وانا هقعد في الكنبه اللي ورا !!
لا مقصدش انا اقصد انتي ترجعي ورا معايا
_ وهو السواق بتاعنا صح
انزلي يا رحمه احنا داخلين عليكي اهو انزلي يا ماما
نزلت رحمه لقيت هند واحمد في وشها ركبت معاهم
عامل ايه يا احمد
_ الحمد لله يا رحمه انتي عامله ايه
الحمد لله وانتي يا زفته
_ زفته !! عامله زي وشك
بغرور زي القمر ولا زي الفل
_ يلهوي ع التناكه اللي بتجري في دمك
ايه رأيك فيا وانا تنكه !!
_ قمر يا حبيبتي
احمد وهند ورحمه قعدوا علي ترابيزه لوحدهم
ورحمه مازالت بتدور بعنيها علي سيف
بس سيف جا من ضهرها
_ عاملين ايه يا جماعه
بخضه مش تكح يبني فزعتني
_ اكح !! هو انا داخل بيت
عامل ايه يا سيف
_ حبيبي يابو حميد انت اخبارك ايه هند عامله ايه
_ تمام الحمد لله
_ اخبارك يا رحمه
كويسه
_ يا ساتر ليه من غير نفس كده
ازغرتلك يعني !!
ايه يا جماعه هتتخانقوا ولا ايه هاتلك كرسي وتعالي اقعد يا سيف
يقعد فين
_ الظاهر انسه رحمه مش حابه وجودي
لا يا عم هي بتهزر بس
هند بنظرة غيظ اه هي اكيد بتهزر مش هتحب وجودك ليه بس يا سيف
سيف كان متفق مع هند انه عايز يقعد مع رحمه لوحدهم
هند احمد عايزه ايس كريم
اوك يلا نجيب ايس كريم
استنوا انا جايا معاكم
_ احنا مش هنطول خمس دقايق بالظبط وهنيجي
وغمزت هند لسيف ومشيت هي واحمد
_ في ايه بقي انتي كرهاني اوي كده ليه
انا !!
_ لا والله ابدا ازاي !!
ده انتي نفسك تقتليني بس خاېفه من السچن
هههههه لا والله ابدا بالعكس انت حد لطيف خالص
_ تعرفي ان ضحكتك حلوه اوي
بخجل متشكره جدا
_ رحمه هو انتي مرتبطه
ليه السؤال معلش !!
_ عادي ادينا بنحكي مع بعض
لا مبحبش احكي في الحاجات دي معلش
وطلع سيف موبايله وبدأ يلعب فيه
رحمه حست انها غلطت وحابه تفتح كلام
احمد هو انت مرتبط
وهو باصص في الفون _ معلش مبحبش احكي في الحاجات دي
رحمه حست بالاحراج الشديد وسكتت بس عايزه تفتح اي كلام تاني
سيف بصلها وكأنه عارف اللي داير في دماغها
حط الفون علي الترابيزه
_ ها عايزه تقولي ايه
هما احمد وهند اتأخروا كده ليه
_ اتنين مخطوبين يتأخروا براحتهم انتي لما تتخطبي ابقي اتأخري مع خطيبك كده
اه ان شاء الله
_ طيب ممكن نقوم نتمشي شويه
رحمه كانت هترفض بس عرف انها هتندم بعد كده
اوك بس هنروح فين
_ المكان اللي تحبيه
يلا عند البيسين
_ اوك يلا بينا
واتمشوا سيف ورحمه وهما في الطريق
_ تعرفي انك جميله جدا في الاسود
امال ايه يابني الاسود يليق بي
_ هههه لا علي فكره انا مش بهزر
احمد هو انت مفيش حاجه عايز تقولها
_ حاجه زي ايه
لا متاخدش في بالك يلا نكمل مشي
_ اوك يلا
وصلوا وقعدوا في الكافيه اللي جنب البيسين
_ تشربي ايه
لا مش حابه اشرب حاجه
_ لا في المكان ده لازم تشربي حاجه
اوك خلاص هاخد عصير موز
_ هات اتنين عصير موز لو سمحت
حاضر يا فندم تأمروا بأي حاجه تاني يا فندم
_ لا متشكر جدا
_ عارفه يا رحمه انا لما بشوفك بتلخبط مش عارف كده بتحصلي حاجات كتير كده بتلخبطني
وليه ده كله
_ معرفش تفتكري ليه
وانا اش عرفني انا لاخري
_ هو اصلا اللف والدوران مش بيوصل لحاجه في الاخر
علي فكره بقي يا رحمه انا ....
بدهشه واستعطاف انت ايه يا سيف
_ انا ..........
يتبع
البارت الاول
البارت الثاني
رحمهسيف
_ انا بحبك يا رحمه
نعم بتحبني انا !!!
ده من امتي ده
متابعة القراءة
