اسكريبت الجزء الثاني

يضحك في كلامي يعني انا مټعصبه وهو بيضحك.. اتنرفزت ودخلت وقفلت البلكونه
_ البارد المتخللف بيضحك علي ايه المستفززززز دا
في ايه بس اهدي كده ياقلب اختك العصبيه مش كويسه علشانك
_ بصي متقوليش اختي.. معدش يجيب سيره الاخوات علي لسانه..انا کرهت كلمه اختي دي بقا عندي عقده منها
يا ساااتر يابنتي دا انتي بقت حالتك مستعصيه اووي احكي احكي
حكيت لمنه كل حاجه طبعا وانا متعبه ووشي بيطلع ناار كل ما افتكر الموقف
مش قولتلك هتيجي واحده مزه وتاخده منك
_ اخرسي يا منه.. مش عايزه اسمع اي حاجه في الموضوع دا
طب خدي
_ ايه دا
دا طبق رز بلبن.. روقي علي دمك كده
_ دا وقته يا منه بقولك مټعصبه تقوليلي رز بلبن.. دا انتي بارده صحيح
خلاص انتي حره
بصيت علي طبق الرز بلبن كده بأنكسار.. ماهو نقطه ضعفي الرز بلبن.. الله!! هو ايه علاقه الاكل بالزعل بطني زنبها ايه بس
_ بالمكسرات!
اه
_ امري لله بقا هاكل عشان ميجليش هبوط من الزعل واموت.. بس اعمل ايه مع اني مش عايزه اكل والله
ياشيخه!
_ اه الله.. هاتي بقا كده وريني الطبق دا بيقول ايه
بضحك خدي ياختي
_ شوفي ياريت مازن يبقي شبه طبق الرز بلبن دا
نعم! ازاي يعني
_ بصي يابنتي بيجاهد لاسعاد الاخرين ازاي.. يعني مع انه عارف انه هيتاكل ومع ذلك مبسوط ومضحي اد انت طبق عظييم
يعيني.. انت سخنتي تاني ولا ايه
_ لا وكمان شكله حلو كده وابيض شايفه وشه حلو ازاي وكمان عليه قشطه ومسكرات
مين دا مازن
_ مازن هيبقي عليه قشطه ومسكرات!! ليه فكراه ام علي!
اومال انتي بتتكلمي علي ايه
_ علي الرز بلبن بقا يبت ركزي 
اممممم... ربنا يكملك بعقلك يحبيبتي
_ طب انتي عارفه.. دا حتي الرز بلبن عمره ما هيدخلي ساحب وراه طبق مهلبيه في العربيه ويقولي دي صحبتي
لكن مازن عملها
_ اه.. شوفتي يعني متطلعش من طبق رز بلبن وتطلع منه هو الحيوان
امم كملي يبنت المجنونه كملي
_ دا حتي طبق الرز بلبن عمره ما هيقولي احنا اخوات
رفعت الطبق كده لمستوي عيني وسألته
_صح يا رز!! مش انت عمرك ماهتقولي ان احنا اخوات
وانتي مستنيه الطبق يرد عليكي جتك خييبه
_ اعمل ايه ما انا يأست منه
الرز بلبن ولا مازن
_ مازن يا منه مازن... انا ايه اللي هيخليني ايأس من طبق رز بلبن.. ليه فكراني مجنونه
لا لا فشررر دا انتي ست العاقلين
المهم اننا قعدنا ناكل رز بلبن واندب حظي شبه عواجيز الفرح وانا حبيتك وجرحتيني انا صونتك لكن خونتيني وحب هو فين الجب والبنت اللي انا حبيتها يخربيتها محبتنيش.. وكوكتيل اغاني غدر كده مطولش عليك عزيزي القارئ اكيد وراك حاجات اهم من التخلف اللي بيحصل دا بس معلش استحملني للاخر... المهم مازن رن وكالعاده مكنتش عايزه ارد
يبنتي ردي
_ لا
يامتخلفه ردي بدل ما يزهق ويروح يرن عليها هيا.
_ تصدقي عندك حق
يخرااابي يروح يكلمها وهي ما هتصدق وتقوله ايوا يا بيبي واحكيلي حدوته وكلام الكلبوبات دا... بقا في الاخر اسيبه لكلبوبه! المهم رديت
_ الوو
غريبه رديتي بسرعه
_ عادي
معالينا.. ايه لسه منمتيش ليه
_ سهرانه مع منه
اممم
_ وانت منمتش ليه
عشان لسه مكلمتكيش
_ يعني انت مش هتعرف تنام غير ما تكلمني!
امم للاسف
_ وليه للاسف بقا
عشان الهانم مش مقدره ومنكده عليا كل يوم
_ قصدك ان انا نكديه
لا طبعا انا اقدر... دا انا حبيبتي