اسكريبت الجزء الثاني

اني خارج من عمليه 6 ساعات ف تعبان لوحدي
_ ولما انت تعبان اوي كده ما تروح بيتك وبطل تصيع شمال ويمين ولم نفسك شويه
ما انا جعان علي فكره.. وقولت بدل ما اجيب اكل وانا مروح.. اروح اكل في مطعم احسن وريتاچ كانت معايا في العمليه ف من باب الذوق والصحوبيه ب...
_ متقولش صحوبيه متعصبنيش
خلاص من باب الذوق بس.. قولت اعزمها معايا وكده كده طريق بيتها علي طريقي.. لكن انتي اللي طريقك مختلف وهضطر ارجع كل دا تاني
_ والله!! وانت عرفت مكان بيتها منين بقا!!
عادي يعني.. لما بنسهر في المستشفي لوقت متأخر عشان العمليات.. بوصلها علي طريقي
_ امم.. وانا بقا كنت مغفله ومكنتش اعرف كل دا
انتي مسألتيش
_ انت المروض تقولي من غير ما اسأل.. ولا انا هنجم واعرف انك كنت بتوصلها
المهم
_ المهم ان انا هاجي معاك.. لو ع الطريق مش مهم ابقي اروح بتاكسي او اوبر عادي
انتي بتعصبيني.. بكلمه تاكسي و اوبر دي
_ دا اللي عندي يا سيدي
وانا اللي عندي بقا.. انك تطلعي دلوقتي وبكره هوديكي لوحدنا
_ لا انا عايزه اروح معاكو
ميراااا
_ اووووف... بص بقا ما انا مش هروح واسيبك مع السلعوه دي
دي سلعوه!! مصدقه نفسك والنبي
_ اه ستين سلعوه كمان.. وبص بقا انا هاجي يعني هاجي
كنا بنتكلم بعيد شويه عن العربيه.. فجأه لقيت الزفته اللي في العربيه بتنادي عليه وبتستعجله وبتقوله يلا يا مازن.. راح مازن شورلها براسه بمعني حاضر
_ علي فكره انا هقعد علي الكرسي اللي جمبك
دا علي اساس اني وافقت اصلا انتي تيجي معايا
_ مازن انت لو مش عايزني اجي معاك مش هاجي
قولتها بنبره حزينه وهو قعد باصصلي كتييير اوي لدرجه اني فكرت امشي.. بس اخيرا نطق وقالي
روحي اركبي
_ابتسمت اووي بس انا عايزه اركب مكاني
ميرا عدي اليووم بقا
_ لا مش هسبها تقعد جمبك وانا اقعد وراا انت فاهم
طب اهدي بقا واستني
مازن راح للزفته بتاعته دي.. وقالها شويه كلام كده راحت ابتسمت جامد وقامت وقعدت في الكنبه اللي ورا ومازن رجعلي تاني وقالي
اتفضلي حضرتك
_ انت كنت بتوشوشها تقولها ايه خليتها تضحك كده
خليكي في حالك بقا انتي مالك
_ وبصوت واطي خلي بالك انا مش هعديلك اللي حصل دا علي خير وضړبته في صدره
ابتسم وهتعمليلي ايه بقا
_وهي ترحل بأتجاه السياره هتعرف لما نبقي لوحدنا يا استاذ
المهم اننا ركبنا وروحنا المطعم.. وانا اصلا مكنتش جعانه وعماله اقلب في الاكل بالمعلقه يمين وشمال ومازن لاحظ دا
مبتكليش ليه يا ميرا
_ عادي شبعت
شبعتي! امم ماشي
_ احنا مش هنروح ولا ايه
هو احنا لحقنا احنا لسه جايين من شويه
_ معلش اصل مازن تعبان وعايز ينام مش كده يا مازن!
ها
_ وهي تجز علي اسنانها مش كده يا مازن
اه اه انا فعلا عايز انام بس مفيش مانع نقعد شويه كمان عادي
فضلت قاعده مش طيقااهم وهما عمالين يتكلموا في الشغل.. واللي مضايقني بزياده انه متجاهلني وبيكلمها هي
واخيراااا اخدها وغورها بيتها اللهي ما ترجع تاني وكنا في العربيه في طريقنا للبيت
_ ودا ايه حكايه ريتاچ دي كمان!!
عادي صحبتي قولتلك
_ متنرفزنيييش ايه صحبتك دي... اسمها زميييلتك..وطالاما بتشتغل معاك في المحروقه المستشفي دي يبقي اسمها زمييلتك.. ايه مش عارف تفرق بينهم
بابتسامه طب وانتي مټعصبه ليه
_ انا! وانا هتعصب ليه.. انا مش مټعصبه اصلا.. تبقي ايه انت عشان اتعصب عشانك.. الفكره