حبيبي دائما

قلبك ومش هسيبك غير وانتي متدمرة ومفيش امل فيكي..
دموعي نزلت ولسه هرد لقيت الباب بيخبط .. مسحت دموعي بسرعه وروحت افتح لقيته مسك دراعي بقوة 
_ انتي رايحه فين خشي البسي حاجة بدل اللي انتي لبساه ده وانا هفتح ...
بصيت ل لبسي باستغراب .. كنت لابسه كاش قصير فوق الركبه .. اتكسفت وجريت ع الاوضه بسرعه .. ازاي لبست كده قدامه وازاي نسيت اصلا أن فيه حد معايا ومينفعش البس كده ... اتعاملت تلقائي علي اني مع حازم .. جوزي وحبيبي ونسيت اني زوجه مع ايقاف التنفيذ ... سمعت صوت بابا وحازم بيرحب بيه بحب واحترام ... هو ازاي بيتحول كده ... ده نظرته من شوية كافيه ټقتل كل الامان اللي ليه جوايا 
قولت بعياط وحشتني اوي يا بابا ...
وحشتك ايه يا بكاشه وايه الدموع دي .. ده هي ليله واحده .. امال بعد اسبوع هتعملي ايه ...
ضحكت عارفه ده عشان بابا وحشني فعلا واول مرة ابعد عنه ولا عشان فرحتي اللي اټدمرت بسبب حازم 
ما خلاص بقي يا بت ... الله يكون في عونك يا ابني ع النكد ده ...
ضحكت ومسحت دموعي .. دي عمتو أميرة .. اخيرا بقيت كويسه وهترجع لطبيعتها 
جريت عليها كده يا عمتو ... وانا اللي قولت إنك هتيجي ف صفي .. بتحرجيني قدام الأجانب...
ضحك حازم وقال _ وهو انا أجانب..
بعدتني عنها لا طبعا متقصدش ... متزعلش منها هي طول عمرها دبش كده ...
لقيته قرب مني وشدني قعدني جنبه ومسك ايدي 
_ مقدرش ازعل منها ... دي هي كل حاجة ف حياتي ... ربنا رزقني بيها بعد سنين عڈاب ...
ربنا يحميكوا يا حبايبي ... تعالي معايا يا حياه عيزاكي ..
استاذنا منهم ودخلنا الاوضه 
ها يا حياه طمنيني..
قولت بابتسامه نصر متقلقيش يا عمتو الخطه ماشيه تمام... وقريب اوي كل حاجة هترجعلك...
كان_اسمه_حبيبي
ها يا حياه ... طمنيني يا حبيتي ..
قولت بابتسامه نصر متقلقيش يا عمتو .. الخطه ماشيه تمام ... وقريب اوي كل حاجه هترجعلك..
انا اسفه يا حبيبتي اني دخلتك ف اللعبة دي .. انتي ملكيش ذنب ف كل ده..
متقوليش كده يا عمتو .. انتي مش عارفه انتي ايه عندي و غلاوتك من غلاوة ماما الله يرحمها ...
تسلميلي يا حبيبتي... المهم هو حاول يضربك أو يعمل اي حاجة ...
لا خالص ... كلام وبس وحرفيا لسانه بيقول حاجة وعينه بتقول حاجة تانيه خالص... ابتسمت مش عارف يبقي قاسې..
قالت بدموع وراث الحنية من أبوه الله يرحمه .. قلبي وجعني عليه اوي ..
مسحت دموعها كل حاجة هتبقي تمام .. اوعدك ... حازم هيرجعلك وشركتك كمان واسمك وسمعتك ...
انا مش عايزة اي حاجة غير حازم ... عايزة ابني يا حياه ...عيزاه يعرف الحقيقة...
هيعرف كل حاجة .. اوعدك..
شوية وخرجنا .. حازم صمم أن بابا وعمتو يتغدوا معانا .. كان بيضحك وبيهزر معايا زي ايام الخطوبة بالظبط .. بالرغم اني عارفه أنه متجوزني اڼتقام .. بس كنت أتمني أن حبي ليه يكون كافي أنه يغيره ويخليه يبص لقدام ويشوف مستقبله 
طيب احنا هنمشي بقي .. خلي بالك من يا حياه يا حازم ... انت واخد حته من قلبي..
مسك ايدي وبصلي بحب 
_ ف عنيا يا عمي متقلقش عليها ...
اوعي تزعلها يا حازم .. انا اللي هقفلك عشان تبقي عارف...
ضحك وقال _ متقلقيش يا عمتي ...
.........................................
_ رايحه فين يا هانم..
وقف قدامي وهو مربع ايده وبيبصلي 
لازم انزل بسرعه ... المستشفي كلموني وقالوا إن ف حالة خطېرة جت طوارئ..
_ مفيش نزول..
حازم بجد اخر حاجة ينفع تتعمل دلوقتي أننا نتخانق ... ف حد بيخسر حياته ولازم ألحقه...
_ قولت مفيش نزول...
حاولت أتمالك اعصابي وقولت حازم ... انا سكتت علي كل اھانتك ليا وكلامك الچارح .. بس حاجة واحده بس اللي مش هينفع اسكت عليها وهي شغلي... لو سمحت لازم انزل... الست دي لو ماټت ذنبها هيبقي ف رقبتي ورقابتك.
سكت ودخل الاوضه ورزع الباب ...