بنت عمى

نلاقي حاجة
فضلنا ندور في كل ركن مفيش غير ورق وحاجات تخص الهاند ميد في كل مكان ومفيش أثر لأي حاجة المكان هادي مفيهوش غير تلات رفوف عليهم حاجات هاند ميد جاهزة وكورة كبيرة على شكل كوكب الأرض متعلقة في السقف ومكتب والمكان مفيهوش حاجة تاني .
_ مفيش حاجة يا عمر 
معاك الجواب يا صفاء! 
_ اها خد
مسكت الجواب وفضلت اقرأ الكلام تاني بتركيز أكبر دماغي كانت متشوشة أخدت نفس عميق وبدأت اقرأ بتركيز أكبر وأكتر لحد ما وقفت قدام كلمة سفوك !!
_ أي معنى الكلمة دي
كاذب 
_ طب والجملة على بعضها  
وما الواقع إلا سفوك أوهم البشر بأنهم خالدون بيتكلم عن الواقع وأنه كاذب 
_ يبقى هنا في شيء مش حقيقي في المكان 
تقصد أي!
فضلت ابص حواليا لمحت الكورة الارضية .. 
_ أقصد دي
شاورت عليها وجبت كرسي عشان أعرف اطولها قربت منها وفضلت اشدها براحة يمكن يكون الدهب فيها بس أنا وبشدها سمعت صوت مرعب صدر من تحت المكتب! 
قربت صفاء منه ولقيت أن في حاجة تحت المكتب اتفتحت حاولنا نحرك المكتب لقينا باب عريض شوية حاولت افتحه ومكنش في حل غير أني اكسره وبفتح الباب لقيت كل الدهب مرصوص ومحطوط جمب بعضه بشكل يبهر العين .
_ تحليلك خيالي
حاولت أكون واقعي أكتر 
_ ده أنت تيجي تكتب مكاني بقا
قفلنا الباب الصغير ورجعنا كل حاجة كانت مكانها وقفلنا المحل ومشينا رجعت البيت لقيت في اسعاف واقفة قدام بيت عمي معتز جرينا نشوف في أي ملمحتش غير عمي معتز وعمتي روضة وهما وبيقفلوا باب عربية الاسعاف عليهم .
حمدلله على السلامة 
_ الله يسلمك 
وحشتني والله
_ أنت أكتر 
طمني عليك واحكيلي كل حاجة حصلت 
_ ما تحكيلي أنت عرفت منين أن عمي معتز وعمتي كانوا حطينلك سم في العصير
كنت راجع من البيت ولقيت العطار اللي عندنا بيقولي روضة اشترت سم إسمه تراب الماس وده مش موجود منه كتير ف بيجي بالطلب
_ ده بيعمل أي! 
 ماخدتوش فعلا أنا السكر علي عندي ف اغمي عليا
_ ومين اللي أخد السم! 
اللي حطهولي 
_ عمتي! 
وعمك
_ إزاي 
عمتك الغبية جابت العصير ووقع نصه على عمك معتز وسابت العصير وهو دخل يغير هدومه فأنا قلبت العصير بتاعي على كوباية تانية وبقي كده كوبايتين فيهم السم أنا شربت التالت واغمي عليا 
_ وهما صدقوا  
ما هما مكانوش يعرفوا أن تراب الماس ممكن يعمل كده هما فاكرين أنه زي أي سم بېموت في الحال
_ أنا حمدت ربنا أن الدكتور وافق يقول أنك اتوفيت 
قدر اللي كنت فيه بعد ما حكيتله الحقيقة 
_ عمي وعمتي في المستشفى 
خدوا نصيبهم
_ ولقيت الدهب على فكرة 
في المحل اللي في البيت القديم 
_ أنت كنت عارف! 
أنا عارف كل حاجة بس مكنتش عايز اخليهم يشكوا ف مقولتش ليك أنت كمان 
_ طب وصفاء! 
أنت عرفت
_ وأنت مقولتليش 
محبتش اخليك تشغل نفسك بالافكار دي 
_ طب ومرات عمي خليل 
أنت كمان عرفتها  
_ هي اللي كانت السبب أني اوصل 
وعرفت أي تاني 
_ سيف ابن عمتي روضة
روضة ليها أبن إزاي! 
_ بص
عشان كده مش راضية تتجوز لحد دلوقتي! 
_ أنا بدأت أخاف تكون أنت كمان متجوز على أمي 
أمك ست طيبة مقدرش أعمل كده 
_ هي لسه عند