بنت عمى

الورقة لقيت محمد كاتب فيها كل حاجة بخصوص سيف وعن مكانه وكاتب كل حاجة له في الوصية الحمدلله أن الورقة موقعتش في أيد خالد الله يرحمك يخويا .
صفاء أي كل ده مش سامع الباب 
معتز اتأخرتي ليه كل ده 
صفاء الطريق وحشة خالص 
معتز حد يعرف أنك جاية هنا  
صفاء محدش يعرف 
معتز وأمك 
صفاء متعرفش بردو 
معتز روحتوا ل مرات خليل 
صفاء اه روحنا وطلعت متعرفش حاجة عن مكان الدهب 
معتز طيب انا عايزك تكوني جمب عمر لحد ما تعرفي مكان الدهب لأنه أكيد مش هيقول ليا ولا ل روضة على مكانه
صفاء وبعد ما تعرف مكانه عمر هيعمل أي 
معتز مش هيلحق لأنه هيحصل أبوه وعمه 
صفاء وعمتي روضة هي اللي هتعمل كده كالعادة 
معتز متقوليش عمتي دي تاني وبعدين أنا مقدرش اعمل كده هي اللي بتعمل كل حاجة وهي ادت حقنة الهوا ل خليل وهي اللي حطت السم ل خالد وهي اللي هتخلصنا من عمر 
صفاء طب ماهي كده عملت كل حاجة وممكن تطلب أكتر من النص 
معتز بس هي كمان مش هتلحق تاخد حاجة 
صفاء إزاي يا بابا  
معتز هنخلص منها هي كمان
يتبع ... 
الجزء التالت والاخير ..
_ أي نايم ولا أي 
معلش مسمعتش الباب إتفضلي 
_ أنا جيت اطمن عليك بعد ما سبتك إمبارح قلقت لأنك كنت تعبان 
منمتش ليا يومين 
_ تصريح الډفن هيطلع أمته! 
المفروض بكره 
_ طب هتعمل إيه في حياتك دي 
أخلص تصريح الډفن والعزا وادور على الدهب بتاع عمي 
_ وبعدين! 
مش عارف يا صفاء بجد دماغي واقفة مش عارف أفكر خالص 
_ طيب أنا هسيبك ترتاح شوية وهكلمك بليل تكون فوقت
مشيت صفاء وأنا دخلت أعمل كوباية قهوة عشان افوق شوية من تعب النوم وببص على تاريخ اليوم لقيته 179 وده تاريخ ميلاد عمي خليل واليوم ده كله بيكون مختفي خالص مش ظاهر فيه وبعدين فكرت أنه ممكن يكون بيروح يقعد مع مراته ف عملت القهوة واخدتها ونزلت عشان أروح ل مرات عمي .
_ امال رايح فين يا عمر دلوقتي 
صباح الخير يا عمي رايح مشوار صغير وراجع
_ بكوباية القهوة! 
المكان قريب مش بعيد 
_ طب خلص وتعالى عشان عايزك 
حاضر
سبته ومشيت وأنا مش مرتاح له ولا ل عمتي روضة تصرفاتهم بقيت غريبة الفترة الاخيرة من بعد ۏفاة عمي خليل .
_ اه كان بيجيلي اليوم ده يقضيه معايا 
اتجوزتوا عن حب 
_ بصراحة عمك يتحب اصل مفيش واحدة عاقلة هتلاقي كل الصفات دي وتسيبه
يبقى هو اللي بدأ 
_ وأنا اللي وقعت 
ربنا يرحمه 
_ أمال فين صفاء 
معرفش أنا جيت لوحدي هي كانت بتساعدني عشان نعرف معنى الكلام اللي كاتبه عمي خليل 
_ أكيد بتساعدك عشان أبوها 
وابوها أي علاقته بالموضوع 
_ هو مش عمك 
عمي! 
_ أنت متعرفش أن صفاء تبقى بنت عمك معتز 
أنت بتقولي إيه 
_ هو أبوك مقالش ليك أنه متجوز من وراكم 
يعني عمي معتز متجوز من ورانا وصفاء تبقى بنته!
_ أنا اسفة والله بس لما شفتها معاك افتكرتك عارف 
أنا همشي
حاولت استوعب كلام مرات عمي اللي هي كمان عمي خليل اتجوزها من ورانا لا وكمان طلع عمي معتز متجوز من ورانا وصفاء تبقى بنته أنا بقيت ماشي تايه مش فاهم أي اللي بيحصل لقيت رجلي بتاخدني ل بيت عمي معتز عشان أعرف عايزني في أي .
عمر
كنت داخل بيت عمي ولمحت صفاء واقفة من بعيد روحت أشوف مالها لقيت .. 
_ بتعملي أي هنا  
عايزاك في موضوع 
_ طب روحي البيت وانا هاجي