هى مالها ي دكتور

بس المهم أنك تبقى مؤمن بيه .
مبقتش عارف هتصرف إزاي مع نوران دماغي حرفيا فصلت من كل حاجة وشكلي كده هرجع اتعالج من أول وجديد لأن دماغي مبقتش هادية بقيت بحس بدوشة كبيرة جدا جواها وأفكار غريبة بتخليني أخد قرارات عبيطة اللي بيوقفني في آخر ثانية هو القدر حاجة بتحصل بتخليني مكملش اللي بفكر فيه كلمتها وقولتلها تروح اليومين دول عند أهلها عشان ترتاح شوية بس الحقيقة كانت العكس أن أنا اللي محتاج أرتاح شوية وعشان أعرف هي عملت كده مع مين وليه وأنا قصرت معاها في أي .
عمر عملتي أي 
نوران _ ممكن تهدى! 
عمر ده ليه أن شاء الله 
نوران _ عشان لما عملت التحاليل وسمعت أني حامل أتخضيت مكنتش أعرف أن منى هي اللي قالت ل محمد كده
عمر وأتخضيتي ليه! 
نوران _ أنت مش فاكر أخر مرة اللي حصل 
عمر بس ده كان من زمان أربع أو خمس شهور تقريبا 
نوران _ ماهو ده اللي خوفني 
عمر هتتطلقوا أمته أنا مش قادر أصبر أكتر من كده 
نوران _ خلاص قربنا نخلص من الحوار وقريب هنتطلق
عمر هو عرف ولا لسه 
نوران _ عرف أي!
عدى شهر على الحوار اللي حصل ونوران رجعت البيت من تاني بس العلاقة مبقتش زي الأول الكلام بقي قليل الإهتمام مبقاش موجود كل حاجة بقيت مش أحسن حاجة وكل ده وأنا مش عارف أوصل ل أي حاجة وهي في الشهر الرابع وبطنها قربت تكبر وأنا مش عارف أعمل أي وفجاة لقيتها من كام يوم بتقولي أنا عايزة أروح عند أمي أقعد عندها قولتلها روحي لقيت محمد بيكلمني عشان يعزمني على فرحه قولتله أخيرا الواحد سمع خبر حلو ياخي كنت مبسوطله حرفيا وهو ابن ناس ويستاهل كل خير قبل الفرح بيوم كنت مشتري بدلة وكنت مظبط نفسي وخلاص بقا هنخرج من المود شوية .
إزيك يا رحمه 
_ بخير يا منى عاملة إيه 
أنا كويسة الحمدلله كويس أنك جيتي أنا هدخل الحمام وهرجع بسرعة 
كنت جيت ل منى قبل البنات عشان الحق أقعد معاها شوية وعشان أساعدها ده غير أنها رفضت تروح الكوافير لأننا إحنا اللي هنعملها كل حاجة كنت قاعدة ماسكة التليفون لقيت الفون بتاع منى بيدي صوت أشعارات كتير جدا بدون مقدمات روحت مسكته لقيته مفتوح على شات نوران نوران دي صحبتنا بس ده مش شات نوران ده جروب أصلا بس لمحت مسدج غريبة من حفصة مكتوب فيها جبت المادة يا نوران أهي بس خلي بالك زي ما قولتلك عشان ريحتها تقيلة لازم تحطيهاله في حاجة ليها ريحة عشان ميعرفش حاجة وميشمش ريحتها وابقي سلميلنا عليه لما تتخلعي منه وتروحي ل حبيب القلب لوهلة كده مش فاهمة في أي المادة دي هتحطها لمين بسرعة روحت جبت QR code بتاع الواتس بتاع منى وصورته على الفون بتاعي بحيث أن كل الشاتات بتاعت منى تبقى على الفون عندي ودي حاجة كنت عرفتها من فترة وجربتها وجه الوقت أني أجربها بس اخدت معايا وقت لحد ما الشاتات كلها حملت واللي ساعدني أنها أخدت وقت كبير في الحمام .
روحت الفرح وأنا حرفيا مبسوط جدا وكمان كل صحابنا اللي في الكلية كانوا موجودين هناك بس العروسة طلعت منى! 
فضلت كام ثانية بستوعب اللي شايفه مكنتش مصدق بس عملت نفسي عادي مش فارق سواء هي اللي هيتجوزها ولا لا روحت سلمت عليهم وباركت ليهم وأنا وراجع لمحت نوران! 
نوران بتعمل أي هنا وازاي مقالتليش أنها جاية أصلا وجاية تبع مين هنا لسه هقرب منها لقيت في واحد راح نحيتها وبيرقصوا سلو مع بعض ده أي الحنية والرقة اللي هي فيها دي روحت طلعت تليفوني الجميل وصورتهم الحلو في الموضوع أنها طلعت بتعرف ترقص سلوو وكمان حاطة دماغها على كتفه اللي مش حلو بقا أنها عمرها ما عملت كده معايا بس تمام الأيام بتبين الناس على حقيقتها خلينا بس نستمتع وهما بيرقصوا مع بعض .
_ مالك حاسس أنك مش مبسوطة
لا أنا كويسة بس عايزة أمشي
_ مالك يا نوران فيكي أي! 
تعبانة يا عمر وعايزة أمشي
_ حاضر طيب أهدي هروحك
يلا طيب 
حسيت بۏجع في