هطلقني امتي
المحتويات
شغل
_هروح انا وصاحبتي ثم اني بيتي قريب من هنا
اتنهد بضيق_طيب يلا امشوا جنبي هوصلكم
_لا انا همشي انا وچنى بس روح شوف شغلك !
اتعصب _انتي عنيده كده ليه ما قولت اوصلكم
چنى شدتني من ايدي وهمست _هو مين ده وبعدين اسمعي الكلام ده شكله هيتحول ولا ايه
_ميقدرش يعمل حاجه على فكره
_والله !
_يلا تعالى ورايا على فكره انا مخوفتش منك هه يلا
نفخ بضيق ومشي قصادنا شويه وبعدها وصلت چنى بيتها لان بيتها قبل بيتي سلمت عليا وبعدها دخلت وهو جه مشي جنبي وهو ساكت وانا كمان كنت ساكته تماما مع إن مش عادتي اني امشي وانا ساكته كده !
وصلنا عند البيت وجيت اطلع مسك ايدي سحبتها بسرعه فبصلي بتوتر وبعدها وقف بثبات
_رايحه فين
_هطلع فوق فيه حاجه
بصلي شويه وبعدها هز راسه _لا مفيش حاجه بس
_فيه ايه عايز تقول حاجه يا نائل
_لا اه قصدي يعني اتفضلي
لقيته طلع من جيبه شيكولاته وعطهالي بصتله بتعجب
_ايه ده
_لمين يعني
رفع حاجبه_هيكون ل مين يعني
رديت بعند _ايوه ل مين
اتكلم بضيق _ل محمد اخوكي يلا اطلعي فوق بقى
زق ايدي وانا بصتله وكشرت
_انت بتزقني !
_اعملك ايه انت مبتفهميش
_انا مبفهمش !
_اه ويلا اطلعي
بصتله من فوق ل تحت وقولت وانا بطلع اجري على فوق _والله انت اللي مش بتفهم
_اتأخرتي ليه يا وفاء
_لحد ما خلصت شغل يا بابا
_هو نائل راح لك
_اه وانت عرفت ازاي
_عشان كلمني وقولتله انك لسه مجتيش البيت
_طيب انت كلت
_اه امك اكلتني ونامت
_ماشي يا حبيبي
دخلت اوضتي وقفلت الباب ولقيته بيتصل مردتش عليه اول مره لحد ما بدلت هدومي وبعدها لقيته بيتصل تاني رديت عليه
_انتي مبترديش عليا ليه يا وفاء
_مش عايزه ارد عليك
_والله طيب بعد كده لو رنيت تردي على طول
_لا مش هرد عليك ها
_طيب لو مردتيش عليا شوفي هعمل ايه
_متقدرش تعمل حاجه على فكره !
_لا هقدر وهتشوفي
_طيب انت متصل
بيا ليه
_بكلم مراتي انتي مالك
_فين مراتك دي
_اهو بكلمها اهو
_اقفلي وانتي حره بقى
اتكلمت پحده _انت بتهددني يا نائل
_انا مبهددش انا بنفذ على طول
اتكلمت بغيظ _والله طيب انت هتطلقني امتى
_مين قالك اني هطلقك مفيش طلاق يا حبيبتي
_ايه ده احنا كنا متفقين على ايه مش انك تخلص شغلك وبعدها تطلقني
_طيب مش لما شغلي يخلص بقى
_طيب عايز حاجه سلام بقى
_تاني مره متأخريش في شغل بعد كده
_هي كانت مره عشان روحت متأخر و ثم اني بحكيلك ليه أتأخر براحتي سلام
ضحك _سلام يا روحي
إيمان_صالح
قفلت معاه اصلا هو بني ادم بارد المفروض في الشغل عنده لازم يروح مكان يكون متجوز عشان يخلص الشغل ده عرضوا عليا اتجوزوا ويبقى قالي اول ما الشغل يخلص هطلقك منه ليه بيرجع في كلامه دلوقتي بس انا لازم أطلق منه انا مش بتاعت جواز اصلا ليه الاقي اللي يتحكم فيا
_يعني عايزه تقنعيني انا ده ابن عمتك اللي كاتب كتابه عليكي
اتكلمت بضيق _اه شوفتي عشان كده مش عايزه اكمل معاه بني ادم بارد
_بارد ! هو اللي جبلك الشيكولاته اللي باكل منها دي
_اه قولت انتي بتحبيها زي فقولت اجيبلك
_وتقوليلي بارد! ده زي القمر لا و كمان چينتل
_ما احترمي نفسك بقى وبعدين والله انتي ما فاهمه حاجه
_لا انتي اللي فاهمه اوي يلا قومي نشوف شغلنا كتك نيله مش فاهمه حاجه.
قومت كملت شغل انا بشتغل في الورد لاني بحب الورد
جدا يعني الورد
متابعة القراءة
