تكملت الاسكريبت

بحسه مهزوز ودايما خاېف ومعندوش راي خاص بيه لوحده اقسملك بالله لو حسيته أنه مناسب ليك وهيقدرك كنت روحت طلبت منه يتجوزك بس دا عيل 
عيطت بس انا بحبه
اتنهد بضيق طيب عايزة ايه دلوقتي !
تكون جنبي وبس وتخليني بعيدة عنه امجد انا عايزة اقولك حاجة 
امجد قولي ...
فاكر من سنين لما كنت انا في الثانوية وكنت بعيط وقت سفرك فاكر وقتها قولتلك هقولك السبب بعدين 
نفس السبب اللي خلاك تعيشي برا البيت السنين دي !
اه .... انا عايزة اقولك كل حاجة بس وعد متعملش حاجة ولا تتخانق  
وعد ... قوليلي بقي حصل ايه 
هقولك
فلاش باك ...
حنان شكرا يا حبيبتي تعرفي يا ماسة كان نفسي يكون عندي بنت 
ابتسمت اعتبريني بنتك 
اه طبعا وماله بس عارفة انا اللي هعتبرها بنتي... مرات ابني بس ودي انا هختارها بنفسي واحدة من عيلة اتربت بين امها وأبوها تحترم الأكبر منها واحدة تليق بابني 
اتوترت اه ... ربنا يكرمه ويرزقه بيها 
اصلي ابني لسه صغير وفي بنات كدا تحب تلف حوالين الشباب وانت فاهمة قصدي يا بنتي لحد ما يتعلق بيها وبعدها تخليه يخطبها بس انا حابة اقولك حاجة ابني مش هيتجوز واحدة غير اختياري انا وبس ومن الاخر انت عمر ما هتكوني مرات ابني 
قصدك ايه 
قصدي اني بلاش لف ودوران كتير ابعدي عن ابني أنت حتة عيلة اخلاقها مش مناسبة لابني وكمان اتربيت من غير اب وامك مطلقة والله اعلم بقي امك اتطلقتي ليه اصلي بيقولوا بسبب سمعتها والواحد مش عايز يتكلم اكتر من كدا وأنت شبه امك واللي زيك متعرفش يعني ايه عيلة ويعني ايه تربية واحترام دا اانت مش بتحترمي خالك وبتناديه باسمه وبتعملي اللي عايزاه وكمان اجوز ابني لواحدة زيك ازاي وعيلتك شايفينك بتتدلعي علي واحد وكلهم ساكتين بس العيب مش عليك....ماانت تربية امك بقي دا حتي جوازة اخواتك كانت شفقة ...كل واحد هنا خد واحدة من اخواتك عشان يتجوزها وأنت بقي مش عارفين يلبسوك لمين .... بس أقسم بالله يا ماسة لو فكرتي تقلبي ابني عليا أو تقربي منه لاوريك وش مش هيعجبك خالص .... اه صح لو نزلتي قولتي حاجة لأمك هتخليها تزعل اكتر تخيلي صحبتها الأولي اتجوزت جوزها والتانية .... بتعايرها متكونيش فاكرة اني عايشة هنا عشان بحبكم لا دا عشان جوزي مفكر اني دول عيلته قال وأننا مرتاحين.... وانا لقيت اننا هنا يعتبر عايشين مرتاحين واهو بالمرة اكون جنب صحبة عمري ...
ودا اللي حصل وقتها ياامجد سبتها ومشيت كنت بنت صغيرة مكنتش عارفة ارد ازاي ولا حتي اقول ايه ووقتها كنت ردة فعلي غريبة اني عيطت كتير بس مكنتش عارفة اعمل ايه كانت فاكرة أنها خالتي بجد وأنها بتحب ماما وعشان كدا كنت بحبها بس من وقتها وانا بعيدة عنها وحتي ماما بعدتها عنها بس الفكرة اني ماما شايفها صحبة عمرها تفتكر ماما لو عرفت نوايا صحبتها هتعمل ايه انا بتصعب عليا ماما اوي يا خالي ! هي طيبة متستحقش دا كله ماما نصيبها في كل حاجة وحش انتوا بس اللي وقفتوا جنبها انا مش بزعل من ماما لما تتخانق معايا وتشد عليا بعرف أنه ڠصب عنها بس .... انا صعبانة عليا نفسي وماما والله انا قولتلك عشان متتعصبش بس عشان تمنعني لو فكرت احن ليه واقرب منه انا مش عارفة انا بحبه بجد ولا دا احتياج ليه ....انا مش فاهمة نفسي ياامجد 
وعد اني مش هسمح للست دي وابنها يقربوا منك .... وهفضل دايما معاك بس اعرفي حاجة امك اتطلقت عشان ابوك كان متجوز عليها وكمان مراته التانية هي اللي طلعت السمعة الۏحشة علي امك والولد اللي ماټ دا ماټ بعد ولادته بساعات ووقتها امك زعلت اوي عليه بس قالت وجودكم بالدنيا عندها هو ماټ بسبب تعب لانه اتولد بدري امك سابت كمان شغلها عشان ابوكم كان موجود معاها فيه وكمان مراته التانية برضوا هي مهربتش هي بس حاولت تنقذكم من ابوكم وشيطانه ريم شديدة لان الزمن