صغيرتى الاخير

أنت موافقة يا صبا 
موافقة ايه ! اصبروا استوعب الجنان دا !!
شهاب صبا لسه بتستوعب الصدمة اصلا 
سبتهم ودخلت اوضتي ... انا حقيقي متضايقة منه
صبا عايز اتكلم معاك 
وانا مش عايزة 
صبا قبل ما نتجوز أو اي خطوة لازم تعرفي عني حاجة 
مش عايزة اسمع حاجة 
صبا كفاية عناد واسمعي.....صبا ... شهاب وعز مش اخواتي..... انا ...انا جوز اختهم نجمة
انت بتتكلم جد ! 
إنا كنت فاكر انك عارفة ...بس انا حابب اقولك كل حاجة
الحقيقة اټصدمت أنه مش اخوهم ...مش عارفة ليه زعلت فعلا .... بس انا متقبلة انس... ونجمة أتوفت ايه مزعلني دلوقتي ...
هتفضلي ساكتة كتير !
ابعدي عن وشي دلوقتي انا مش طايقاك اصلا
واضح اني اتقبلت الموضوع ولا أوضح اكتر
فايزة احنا هننتظر اهلك ينزلوا عشان الخطوبة 
انا كلمتهم هما هينزلوا الاسبوع الجاي 
عز صبا ..مالك ساكتة ! في حاجة مضايقاك !
لا والله مفيش 
فايزة تعالي معايا نتمشي في الجنينة شوية
طلعت معاها والحقيقة تيتا فايزة هي اكتر حد بيفهمني هنا وبتحاول دايما تساعدني.....
قوليلي بقي ايه اللي مزعلك !
مفيش حاجة يا تيتا بجد!
يعني مش مضايقك أن انس كان جوز نجمة 
سكت وهي فهمت دا وابتسمت
أنس شخص كويس جدا يا صبا واغلي واحد علي قلبي
عارفة والله بس حاسة اني باخد مكان نجمة و... دا هيضايقكم 
مين قال كدا ! بالعكس أنا مبسوطة اوي أن انس بعد السنين دي فكر تاني في الجواز وأنه يختارك أنت بالذات دي حاجة حلوة ومريحني انت بنتي يا صبا وغالية عليا اوي كمان... متفكريش كتير و افرحي ومتخليش اي حاجة تأثر عليكم افرحوا وسيبوا الماضي ....عيشوا الايام دي وافرحوا بيها
اوقات كتير بنكون محتاجين حد يقولنا كلام محتاجين نسمعه يكون فاهم فعلا خوفنا..... وتيتا كانت هي الشخص دا في حياتي
هنروح فين بقي ياانس !
انت دلوقتي بقيتي خطيبتي وعايز اعرفك علي فردين مهمين جدا جدا في حياتي اغلي ناس في حياتي وبحبهم جدا
مين دول 
عمر وخالتي دولت عمر دا اخويا الصغير و خالتي دولت دي مرات ابويا وعمر ابنها....ليه هما اغلي ناس عندي عشان بعد ماامي وابويا اتطلقوا ...وقتها ابويا اتجوزها وهي اهتمت بيا فعلا وحبتني وربتني علي اني ابنها وبعد ٤سنين ربنا كرمها باخويا عمر وبعد ۏفاة ابويا هي خلتني معاها وشالت مسؤوليتي لحد ما بقيت راجل كدا .... انا ناجح بفضل ربنا ثم تعبها هي وفضلها عليا .... ومستعد عشانها اعمل اي حاجة يا صبا
ربنا يباركلك فيها 
عمر النهاردة كمل ١٨ سنة ...وطنط دولت اتجوزت من فترة بس واحد قريبها يعني وعمر عايش معاهم انا بتواصل دايما معاهم وبزورهم كل فترة
الحقيقة انس بدأت اخاڤ منه ...حاسة أنه إنسان غامض جدا ...حاسة اني خاېفة فعلا
ودي صبا ...خطيبتي 
دولت واخيرا شوفتك.... انس كلمني عنك كتير ....تعالي احضنك
واضح أن دولت فعلا ست كويسة وتستحق ان انس يحبها كدا
عمر يا برو...وحشتني يا جدع
ايه اللي عامله في شعرك دا ! تقصه سامع
عمر يا برو بقي ... خليك جدع
دولت اتكلم معاه ياانس عشان بقي عنيد ومش بيسمع الكلام
قال الكلام دا !
عمر لا طبعا دا كل كلام الست دولت حبيبتنا أوامر
وقتها ابتسمت ...واضح أن انس هنا واخد دور الاب والاخ برضوا.... الحقيقة راجل زي انس هو نعمة كبيرة راجل بيت كامل يتسند عليه وميخافش بيعرف امتي يشد وامتي يرخي ...امتي يتعصب وأمتي يتغافل ....
واضح انك بتحب عمر جدا 
عمر دا ابني يا صبا زي شهاب كدا بس عمر لما اتولد شلته علطول انا اللي كنت بهتم بيه واقعد معاه .... مش عارف اقولك انا فعلا بخاف عليه ازاي
ربنا يباركلك فيه ويحفظه يارب ....بس هو لطيف فعلا
جدا ...المهم أنت مسافرة بكرا !
اه عشان مينفعش انا وانت نكون في نفس البيت واحنا مخطوبين ....وبابا مشدد في الأمور دي 
هانت كلها ٤ شهور ونتجوز
٤ شهور قليلين علفكرة المفروض نتخطب سنة
وماله....
اهم حاجة أنه بيحترم رايي جدا جدا ..... ٣ شهور مروا وكل