صغيرتى ج4

اوي
وقتها بس ابتسمت هو المفروض ارد اقول ايه مرت ايام كتير مكنتش بعمل حاجة الكل مشغول في حياته والحقيقة انا حاسة بملل كبير
الحلوة بتاعتنا بتعمل ايه ! اي دا يعني بټعيطي يا تيتا !
فايزة پبكاء مفيش يا بنتي 
مفيش ازاي حد زعلك ! أنت تعبانة طيب ! اكلم الدكتور في حاجة حصلت طيب !
قلبي وجعني اوي يا صبا
طيب هروح اتصل بالدكتور و 
لا مش من التعب من الندم الندم بينهش في قلبي كان نفسي تفضل عايشة كان نفسي تكون موجودة معانا دلوقتي كان هيكون معاها طفلين دلوقتي وبتلعب معاهم كانت حنينة اوي وكانت هتكون ام حنينة زي ما هي بنت حنينة
طيب كفاية عياط عشان متتعبيش 
نجمة وحشتني اوي يا صبا انا السبب في مۏتها انا السبب
ليه بتقولي كدا يا تيتا 
هي حفيدتي وكانت الكبيرة وبنت ابني الوحيد كانت حبيبتي فعلا وحبة قلبي من جوا كانت كل طلباتها مجابة عارفة مكنتش بخليها ټعيط حتي لو كانت محتاجة ايه كنت بجيبه علطول لما دخلت المدرسة كانت عايزة يكون عندها أصحاب كنت بجيب أصحابها البيت واديهم فلوس والعاب عشان يلعبوا معاها كان الكل ببحسدها علي الحياة اللي هي عايشاها كانت حرفيا كل طلباتها مجابة حتي لما حبت راجل معين روحت بيته وطلبت من أمه أنه يتقدملها وفعلا اتجوزها انا كنت فاكرة كدا اني كل بحميها بس انا كنت بدمرها نجمة كبرت وهي عندها هشاشة نفسية كبيرة اوي لدرجة أن لما حملها اتاخر اڼتحرت
اټصدمت معقول اڼتحرت!!! 
انا لو كنت خليتها تواجه الدنيا مكنتش اڼتحرت لو جربت أن حد يزعلها أو صديق يسببها أو قلبها يتوجع من كلمة حد أو اذي حد ليها كانت هتكون اقوي وقتها وكانت هتعرف تتعامل مع الدنيا انا طلعت غلطانة اوي يا صبا كان لازم اسيبها تواجه الدنيا واقف في ضهرها ادعمها مش اقف قدامها اسهلها الطريق واخليها تمر بكل بساطة عشان كدا انا كنت قاسېة عليك لما جيتي كنت خاېفة بعد طلاقك تعملي حاجة في نفسك بس بعدها عرفت انك صبا مش نجمة صبا البنت اللي عارفة ربنا كويس وپتخاف منه صبا العنيدة اللي هتعاند الدنيا وتاخد اللي عايزاه ومش هتقعد ټعيط خليك موجودة يا صبا وجودك بيهون عليا مۏت نجمة
انا هفضل موجودة عشانك يا تيتا نامي وارتاحي دلوقتي بس 
فضلت موجودة جنبها ماسكة أيدها لحد ما نامت انا طول عمري بسمع اسم نجمة وعارفة أنهم اختهم بس عمري ما فكرت اسال الحقيقة عنها زعلت اوي الحقيقة ودموع جدتي وجعت قلبي اوي ربنا يصبرها بس وقتها عرفت أن دلال الطفل والشخص وتلبية كل طلباته بيضره اكتر ما بيفيده
شهاب صبا كنت فين كنا بندور عليك ! 
موجودة اهو 
شهاب مالك زعلانة !
لا مش زعلانة هو في حاجة 
شهاب نور وعز وزيد تحت متجمعين تعالي اقعدي معانا الجو حلو 
حاضر 
كان الكل متجمع وبيتكلموا الحقيقة مكنتش قادرة اتكلم كنت بس سرحانة في دموع تيتا هو الواحد ازاي يقدر يتأقلم علي ۏجع قلبه وأنه شايف نفسه السبب في مۏت حد ازاي الواحد يعيش مع ندم عايش في قلبه مش هيفارقه !!!!
عز صباااااا انت سرحانة في ايه مالك !
نور صبا أنت كويسة !
اه كويسة والله 
انتبهت أن انس كان قاعد قدامي هو امتي اصلا كان موجود 
زيد اسمك حلو جدا يا صبا 
شكرا