صغيرتى ج4

بيعتبرها موجودة وعارفة كمان دا مش مبرر ليها بس والله حاولت كتير معاها أنصحها بس هي اتخانقت معايا ووقتها هددتها أنها لو مبطلتش تكلم الشخص دا وقتها هقول لجوزها بس اقسم بالله كنت بقول كدا عشان اخليها تبعد بس انا عمري ما فكرت اني افضح حد والله فهي خدتها تحدي وعند بقي وزودت المشاكل بيني وبين وائل لحد ما وائل مرة مد ايده عليا وطردني من البيت ووقتها طلقني وانا حمدت ربنا اني اتطلقت وطلعت من البيت دا انا عارفة الكل فاكر اني تافهة وقليلة الادب ومنفعش خالص اني ادخل بيت حد واني طايشة وانا كنت بسمع كل دا واسكت عشان مقولش السبب الحقيقي ورا طلاقي علي عرف كل حاجة وبدل ما يتكلم مع أخته بدأ يهددني انا بعتلي رسايل ټهديد كتير كمان هو مسك الشخص دا اللي كان بيكلم اخته وضربه واټخانق مع أخته 
عشان طبيعي يعمل كدا دي أخته وبيحبها 
لا علي دا اناني ومش بيحب هو يهمه شكله ورجولته قدام الكل بس علي دا اناني جدا وفعلا انسان حقود جدا علي بيحب نفسه بس 
طيب وايه اللي حصل بعد كدا وهو نفس الشخص اللي شوفته قبل كدا 
اه هو هو وقتها كان حد بيبعت لأخته رسايل وعايز فلوس والا هيفضحهم هو فكر أن دا انا 
وليه مسكتيني وقتها ! ليه خلتيه يهرب !
عشان حقيقي خۏفت عليك بجد علي دا مچنون والله العظيم انا عارفة جنانه دا وكمان لو كان حصل خناقة بينكم كان الموضوع هيكبر 
طيب 
هو قالي أن أخته اتطلقت وجوزها عرف ومؤكد اللي بعت الرسايل دي الشخص اللي كانت بتكلمه أو حد وقع في ايده الرسايل دي بس انا والله عمري ماافضح حد 
عارف دا تاني مرة متخبيش عني حاجة يلا روحي نامي الوقت اتاخر 
تصبح على خير
وأنت من أهله
الحمد لله على نعمة الاسلام وأنه اتكلم في كل حاجة وأن الزوج مش يبعد عن زوجته بالسنين ويهملها فمن حق الزوجة على زوجها ألا يغيب عنها أكثر من ستة أشهر إلا بإذنها فقد روى مالك في الموطأ عن عبد الله بن دينار قال خرج عمر بن الخطاب من الليل فسمع امرأة بتشتكي بعد جوزها
فسأل عمر ابنته حفصة كم أكثر ما تصبر المرأة عن زوجها فقالت ستة أشهر أو أربعة أشهر فقال عمر لا أحبس أحدا من الجيوش أكثر من ذلك
وعليه فلا يجوز لك الغياب عن امرأتك أكثر من المدة المحددة في حديث عمر إلا بإذن الزوجة 
وأما تحديد المدة بأربعين يوما فغير صحيح
 
صباح الخير
زيد ايه الصباح الحلو دا أنت كويسة النهاردة 
ابتسمت اه بخير الحمد لله شكرا انك كنت موجود امبارح وساعدتني 
لازم تردي المساعدة 
ازاي 
تتجوزيني ونبقي خالصين
وقتها خۏفت بس لما ابتسم ضحكت والكل ضحك بس انس كان ساكت
فايزة انس يا حبيبي انت كويس !
ايوا يا جدتي انا عندي مشاكل في الشغل
زيد ايوا يا جدتي بس مشاكل حلوة الحقيقة
عز صبا تعالي اقعدي جنبي
شهاب لا دي حبيبتي انا وبس وهتقعد جنبي
هو في ايه مالكم النهاردة كلكم بتدلعوني 
شهاب عشان عرفنا غلاوتك بس
وقف شهاب ووقتها أصر اني اقعد جنبه
شهاب كفاية تبصلي بجد عشان بتوتر
شهاب تعرفي حقيقي امبارح عرفت انك غالية عليا اوي أنت اختي وصديقتي وحنينة عليا اوي يا صبا انا بحبك