صغيرتى ج2

شكرا
أسلوبها دا علي نفسها انا بأمن بشي واحد لو حد أسلوبه وحش قدامي طريقين عشان اتعامل معاه يااما احاول اتاقلم علي أسلوبه أو أغير الشخص نفسه.....وفي حالتي انا ....هغير الشخص نفسه هو مش ماسك عليا ذلة عشان اتحمل أسلوبه دا ....انا هنام بقي عشان حقيقي تعبانة ولما اصحي هشوف اخرتها مع الست دي
فايزة اطلع يا شهاب صحي البت دي العصر اذن ...وبعدين هي مش جاية تنام 
عز جدتي... هو أنت بجد ناوية تعمليها بالاسلوب دا !
ايوا ...هي مغرورة ولازم غرورها دا يتكسر وتتعلم تحترم العلاقات كويس وتعرف أن الجواز مش لعبة
شهاب دي هي اللي هتكسر غروركم ومش بعيد تكسر الدنيا كلها علي دماغكم ....انا هروح اصحيها عشان اشوف الاكشن بينها وبين جدتي واخيرا جه الوقت اللي اشوف حد واقف في وش جدتي 
شهاب ...انت عايز حاجة 
انا كنت بس بخبط عشان اصحيك جدتي عايزاك تحت 
خمس دقايق وهنزل 
خمس دقايق وفعلا نزلت كانت ماسكة الموبيل بتلعب فيه ولما واقفت قدام جدتي نظراته كانت مستفزة الحقيقة ...وباردة
فايزة الصالة محتاجة تت.....
وانا مالي 
فايزة اسمعي يا صبا اللي بقوله يتنفذ والا هتزعلي 
انا عايزة ازعل 
فايزة طيب لو لقيت الصالة مش متنضفة يا صبا مش هخليك تدوقي الاكل 
اشبعي بيه ...عن أذنك يا تيتا 
عز كتمت ضحكتي بالعافية الحقيقة هي جدتي بتستخدم مع البنت دي اسلوب وحش بس الحقيقة صبا مترددتش لحظة أنها ترد بنفس الأسلوب....هي الحقيقة ....بس حلوة منها 
انا ليه عاندت ...مني لله انا جعانة اوي دلوقتي انا مأكلتش من امبارح اصلا .... ياربي كنت طولت لساني بعد ماااكلت حتي ....انا عايزة امسك راسي دي ادغدغها من كتر العناد دا ....بالله انا جعانة اوي يامامااااااااااا عايزة اكل
فايزة تعالي كلي وبطلي عند وتسمعي الكلام سامعة !
لا مش هسمع الكلام ومش عايزة اكل 
حد يقطع لساني دا ....بطني وجعتني من الجوع بجد.... انا كل مااحس اني جعانة اشرب مية ...بس حقيقي انا جعانة انا نمت وصحيت من الجوع.... الفجر أذن.... وبرضوا لسه مصرة علي عنادي....انا عارفة أنها واخدة الموضوع تحدي وانا مش هسيبها تنفذ اللي عايزاه
عز جدتي مش هنادي علي صبا هي من امبارح مأكلتش حاجة
فايزة لا ...لما تتعلم تحترم الأكبر منها تبقي تاكل معانا
شهاب بس يا جدتي...
فايزة الكلام خلص ...كل واحد ياكل ويغسل طبقه ويشوف اموره
انس مالها جدتي هي متعصبة ليه !
شهاب انا هقولك علي كل حاجة
كنت قاعد بسمع ومستغرب ازاي البنت دي لسانها طويل كدا حقيقي كتر خيرها جوزها معاها .... تستاهل أنها تتحرم من الاكل وتتكسر رأسها كمان علي عنادها دا ....
انس تستاهل ومحدش يتعاطف معاها...اللي زي دي مينفعش معاه غير الأسلوب دا
شهاب أنت كويسة !
ايوا طبعا يا بني 
شهاب ممكن تبطلي عند علفكرة انا مستعد انضف المكان واقول أنت اللي عملتي دا وكمان والله المكان نضيف و....
الحوار مش تنضيف ولا صعوبته انا مبحبش حد يقلل مني ولا يحاول بكل طرقه أنه يهيني وجدتك وبابا غرضهم يكسروا راسي ويعلموني الادب عشان ارجع لجوزي بس انا مستحيل اعمل كدا ...انا كويسة كدا ومرتاحة كمان 
سبتها ومشيت كانت متضايقة بجد انا عارف انها مش غلط وعندها حق في نفس الوقت ...بس الفكرة أنها بعنادها دا هي بتضر نفسها بس ...
شهاب مشي وانا قعدت اعيط...انا راسي وجعني اوي وحاسة ببطني فاضي وسامعة نبضات قلبي ....انا جعانة اوي