صغيرتى ج2

الجزء التاني 
صبا شغالة ايه مؤكد غلطانة
فايزة بتحدي لا انا عارفة بقول ايه !
كنا كلنا الحقيقة بس البنت دي واضح انها مش هادية زي ما واضح
طيب وانا همشي 
شوفي مين اللي هيسمحلك
أنت فاكرة هتحبسيني هنا ولا ايه ! انا همشي ودلوقتي !
براحتك بس ياريت تنجزي عشان الغدا محتاج يتحضر
كنت حاسة اني هنفجر من الغيظ ومن الست دي واضح انها مش سهلة وقوية ...بس لو هي عنيدة انا العند نفسه هي مرات عم بابا وبابا شايف انها الوحيدة اللي هتقدر تسيطر علي أعصابي وتتحكم فيا .... بس ماشي ...

بابا يعني انت عارف 
اه
طيب انا همشي ودلوقتي ومش هنفذ اللي انتوا عايزينه ...كمان انا مش غلط يابابا...ومش حاسة اني غلط ولا عملت حاجة حرام يابابا انا مش مجبرة اخدمهم....ولو حصل ايه مش هغير رايي وهمشي من عند الست دي ومش هقعد دقيقة واحدة 
لو قعدت معاها الفترة دي وعد هسفرك برا مصر واخليك تشتغلي برا 
وعد !
وعد
ولأن بابا عارف اني الأوامر والعناد مش هينفع معايا استخدم اسلوب المحايلة انا نفسي اعيش برا مصر ودي أمنية حياتي والحقيقة بعد الطلاق انا شايفة أنها فرصة كويسة اني ابدا حياتي من جديد
شهاب تعالي
فايزة اعملي الغدا علطول
اتعصبت وكنت لسه هرد عليها بس حفيدها التاني اتكلم
عز هعمله انا النهاردة وبالمرة نستقبل ضيفتنا
عز واضح أن البنت دي عنيدة جدا وكمان كنت هترد علي جدتنا بس ...في حاجة غريبة مع البنت دي مؤكد وراها حاجة 
فايزة اوضتك فوق مرتبة وبعد ما تتغدي البيت عايز يتنضف وكمان ....
انا مش خدامة عندك 
فايزة بهدوء تتكلمي بصوت واطي
انا اتكلم براحتي ومحدش ليه عندي حاجة ...وانا مش خدامة هنا ومش هنفذ أوامر حد ...
دا جوزك عنده حق يقتلك مش يطلقك بس 
ملكيش دعوة دا شي خاص بحياتي 
شهاب پصدمة صبا ... تعالي اوريك اوضتك
عز كلنا من جرأة البنت دي ....كمان اخونا انس كان جاي ولو كان سمعها كان ممكن مكانها خصوصا أنه مش بيتحمل كلمة علي جدتنا
انس كان صوتكم عالي يعني ! ومين البنت الصغيرة اللي مع شهاب دي !
دي صبا بنت واحد قريب هي من نفس عيلة جدكم علفكرة ونفس والعناد كمان هي مش صغيرة دي عندها ٢٣ سنة 
عز انا فكرتها بنت صغيرة بس جدتي أنت قولتي أنها اتطلقت صح !
اه ...اتجوزت ٤ شهور بس هي عنيدة ولسانها طويل اوي وبترد ومش بتحترم حد ومحدش قادر عليها وعشان كدا ابوها بعتها هنا عشان احاول اغير طبعها دا هي مش خدامة بس هي أطلقت بسبب أنها مش حابة تخدم جوزها وبتصر أنه بعد ما ييجي من الشغل يساعدها.. ... ازاي بنت محترمة تعمل كدا
انس البنت دي مش هتتغير وواضح انها عنيدة
عز جدا بس حاسس انها طيبة فعلا
بكره الأوامر وبكره نظرة التحدي واللي يحاول يستفزني عارف اني عصبية ولساني طويل منكرش بس هي اللي استفزتني .... يارب انا بكون عايزة اتغير وأبطل عصبية بس هما اللي ببستفزوني وبعدين الست دي إنسانة مستفزة حقيقي
أنت كويسة !
انتبهت علي صوت حد افتكرت أن شهاب دا طلع معايا ...ابتسم ووقتها عصبيتي هديت وابتسمت
انا اسفة حقيقي انا نسيت انك موجود 
ولا يهمك...المهم عايز اقولك أن لو احتجتي حاجة نادي عليا ومتزعليش من جدتي هي أسلوبها كدا ...انا هنزل بقي عايزة حاجة !
ابتسمت لا