صغيرتى ج1

- اتفضلي

انا بطبعي مش بخاف من حد ولا بيفرق معايا تغيير الاماكن أو التعامل مع ناس غريبة ....بس الحقيقة أنا متوترة جدا المرادي. ...بابا وصلني بيت قريبته دي ومشي علطول ، كان بيت منعزل يعتبر مفيش بيوت حوليه غير واحد أو اتنين وكمان علي مسافات بعيدة ، والحلو أن دا بيت كبير زي بتوع زمان مش شقة ، الواحد افتقد أنه يعيش في بيت فعلا مش مجرد شقة ، ... بحس البيوت القديمة دي عبارة عن قصور وواسعة وحلوة ...... دخلت ومكنش في حد منتظرني .... بداية مبشرة

شهاب: أنتِ عايزة حد معين ؟!
" اه ...انا جاية البيت دا"
عز : البيت دا ؟! أنتِ جاية عندنا احنا ؟! 
" هو دا مش بيت الاستاذ كمال "
شهاب : اه دا جدنا الله يرحمه ومفيش حد في المنطقة اسمه كمال غيره ...طيب عايزة مين ؟! مؤكدة غلطانة في العنوان يا بنتي

فايزة: ادخلي يا صبا

سمعت صوت جدتنا بتنادي البنت باسمها... دخلنا كلنا...بس كلنا كنا مستغربين بنت صغيرة زي دي هتعمل ايه عندنا ، دي مؤكد طالبة في ثانوي

فايزة: اعرفك دول احفادي ..دا عز...والصغير دا شهاب ، ودي صبا ....البنت اللي هتهتم بالبيت من النهاردة....الشغالة الجديدة

صبا : نعم؟!!!!!!!!!!!

الجزء التاني ♥️

صبا : شغالة ايه ؟؛ مؤكد غلطانة
فايزة بتحدي : لا انا عارفة بقول ايه ؟!

كنا كلنا مصډومين الحقيقة بس البنت دي واضح انها مش هادية زي ما واضح

" طيب وانا همشي "
- شوفي مين اللي هيسمحلك
" أنتِ فاكرة هتحبسيني هنا ولا ايه ؟! انا همشي ودلوقتي ؟!"
- براحتك بس ياريت تنجزي عشان الغدا محتاج يتحضر

كنت حاسة اني هنفجر من الغيظ ومن الست دي ، واضح انها مش سهلة وقوية ...بس لو هي عنيدة انا العند نفسه ، هي مرات عم بابا ، وبابا شايف انها الوحيدة اللي هتقدر تسيطر علي أعصابي وتتحكم فيا .... بس ماشي ...

" بابا يعني انت عارف ؟؟"
- اه
" طيب انا همشي ودلوقتي ومش هنفذ اللي انتوا عايزينه ...كمان انا مش غلط يابابا...ومش حاسة اني غلط ، ولا عملت حاجة حرام ، يابابا انا مش مجبرة اخدمهم....ولو حصل ايه مش هغير رايي وهمشي من عند الست دي ومش هقعد دقيقة واحدة 
- لو قعدتِ معاها الفترة دي وعد هسفرك برا مصر واخليكِ تشتغلي برا 

ولأن بابا عارف اني الأوامر والعناد مش هينفع معايا استخدم اسلوب المحايلة ، انا نفسي اعيش برا مصر ودي أمنية حياتي ، والحقيقة بعد الطلاق انا شايفة أنها فرصة كويسة اني ابدا حياتي من جديد

شهاب : تعالي
فايزة: اعملي الغدا علطول

اتعصبت وكنت لسه هرد عليها بس حفيدها التاني اتكلم

عز : هعمله انا النهاردة وبالمرة نستقبل ضيفتنا

عز ' واضح أن البنت دي عنيدة جدا وكمان كنت هترد علي جدتنا بس ...في حاجة غريبة مع البنت دي مؤكد وراها حاجة  '

فايزة : اوضتك فوق مرتبة وبعد ما تتغدي البيت عايز يتنضف وكمان ....
" انا مش خدامة عندك "
فايزة بهدوء : تتكلمي بصوت واطي
" انا اتكلم براحتي ومحدش ليه عندي حاجة ...وانا مش خدامة هنا ومش هنفذ أوامر حد ..."
- دا جوزك عنده حق يقتلك مش يطلقك بس 
" ملكيش دعوة دا شي خاص بحياتي "

شهاب پصدمة: صبا ... تعالي اوريكِ اوضتك

عز ' كلنا اټصدمنا من جرأة البنت دي ....كمان اخونا انس كان جاي ولو كان سمعها كان ممكن يدفنها مكانها خصوصا أنه مش بيتحمل كلمة علي جدتنا'

انس : كان صوتكم عالي يعني ؟! ومين البنت الصغيرة اللي مع شهاب دي ؟!
- دي صبا بنت واحد قريب هي من نفس عيلة جدكم علفكرة ونفس الډم والعناد ، كمان هي مش صغيرة دي عندها ٢٣ سنة 
عز : انا فكرتها بنت صغيرة بس جدتي أنتِ قولتي أنها اتطلقت صح ؟!
- اه ...اتجوزت ٤ شهور بس ، هي عنيدة ولسانها طويل اوي وبترد ومش بتحترم حد ومحدش قادر عليها وعشان كدا ابوها بعتها هنا عشان احاول اغير طبعها دا ، هي مش خدامة بس هي أطلقت بسبب أنها مش حابة تخدم جوزها وبتصر أنه بعد ما ييجي من الشغل يساعدها.. ... ازاي بنت محترمة تعمل كدا

انس :  البنت دي مش هتتغير وواضح انها عنيدة
عز : جدا، بس حاسس انها طيبة فعلا