صغيرتى ج1
" ايه الصوت دا ؟!"
كنت في المطبخ بنضف وسمعت صوت حد پنتخانق ومتعصب ....طلعت وكان عز بيتكلم في التليفون
- وانا قولت لا يا نور ودا اخر كلام عندي ....طيب ماشي وانا كلامي خلص
طلعت لقيت متعصب فعلا ورمي التليفون بتاعه....
" أنت كويس ؟!"
- انتوا ليه مش بتفهموا ؟! ليه انتوا مستفزين بجد ؟! الواحدة فيكم تبقي عارفة ان شي هيضايق وتروح تعمله .... ماشي يا نور ، والله لو مسكتك لاكسر راسك..... يارب اتجوزها ووقتها هربيها علي اللي بتعمله فيا دا دلوقتي .... الو يا نور ....يارب ترد
ضحكت عليه ...الحقيقة عز شخصيته خليط ...يعني بيضحك ويهزر وفي نفس الوقت بيكشر مع الغريب ، لطيف بس مستفز ، بيحب نفسه بس اخواته اكتر ... شغله ودراسته مهمين بس .... واضح أن نور اهم .... استغربت أنه كل عصبيته دي عشان اللي بيحبها ....
- صبا ...انا اسف
ابتسمت " ولا يهمك"
لقيته واقف قدامي...حسيته عايز يتكلم
" اعمل شاي ونقعد نتكلم ؟!"
- ياريت
" وادي الشاي اتفضل"
- شكرا صبا ....هو مش عارف اقول ايه الحقيقة ...
" انا سمعاك ...قول اللي عايزاه"
- هي نور ... جارتنا وأعرفها من زمان .... هي في كلية تجارة وخلصت السنادي ، احنا قد بعض وكنا بندرس مع بعض ...وسبب خناقي النهاردة أنها احتمال توافق علي الشخص اللي متقدملها .... صبا انا بحبها بجد ... بحبها من ٨ سنين ... والله عايز اتجوزها بس جدتي بترفض اي ارتباط خلال الدراسة.... ومش عارف اعمل ايه ك
" طيب ما تكلم اخوك الكبير ؟؟"
-انس بيشوف اني مفيش ست تستحق اني اخاطر بمستقبلي وطموحي عشانها ، وهما عارفين اني بعد ما اخلص دراستي هسافر اعمل ماجستير برا ، بس بجوازي كدا كل حاجة هتختلف ...مش عارف اعمل ايه ؟؟
"اقولك تعمل ايه ؟؟"
- ياريت
" قولها توافق علي اللي متقدملها وتتجوز"
اتعصب ووقف ' نعم ...ازاي ؟؟'
- عايز اتجوزها
" يبقي خلاص إتجوزها "
- هو الموضوع مش بسيط كدا
" لا بسيط....انت بس كلم اهلك واتقدملها "
- جدتي هترفض الموضوع اصلا....
" أصر علي رأيك يا عز ...انت الراجل اصلا ، وبعدين اللي بيحب حاجة بياخدها ويصر عليها ....وفي حاجة عايزة الفت انتباهك ليها ...اني كلامك معاها دا حرام وهتتحاسبوا عليه .... وانك كبير كافية عشان تعرف أمور ديننا ونواهيه ....خد وقتك وفكر براحتك يا عز ، بس قدامك حلين بس ....انك تكلم اهلك وتتقدملها أو ....تسيبها تشوف حياتها مع واحد يقدرها "
والله يا جماعة حب الاكل هو احلي حاجة في الكون ، وفككم من الارتباطات والحوارات دي
شهاب: صبا ...انزلي بسرعة عز پيتخانق تحت
انا قولتله يتكلم معاهم مش يتخانقوا.... نزلت بسرعة وكان عز متعصب جدا وانس اخوه التاني لاول مرة اشوف شعره متبهدل يبقي معني كدا متعصب جدا
عز : انا عايز اتجوزها انا مش عيل صغير
عز : بس انا بحبها يا انس افهمني بقي
فايزة: سيبه ياانس....انت بتحبها صح ... اتجوزها خلاص...بس شوف هتتجوزها ازاي
عز : قصدك ايه يا جدتي ؟!
فايزة: شوف هتجيب فلوس منين للجواز والشبكة والبيت اللي هتتجوزوا فيه ....
عز : قصدك ايه ؟!
فايزة: يعني جوز نفسك بنفسك يا عز
ساب البيت ومشي وهو متعصب وشهاب طلع وراه ، وتيتا دخلت أوضتها ....انما انس .....
- أنتِ السبب صح ؟!
" انا ؟! انا بس.....
- انا شوفتك قاعدة معاه امبارح وبتتكلموا ، أنتِ اللي سخنتيه ....ابعدي عني وعن اخواتي وعن حياتنا ومشكلانا سامعة ؟! ، عز دكتور وليه مستقبل كويس ولازم يسافر برا يكمل دراسته ويحقق أحلامه انما لو اتجوز دلوقتي كل دا هيبقي مجرد حلم بس ...ابعدي عنه واياكِ تتكلمي معاه تاني سامعة ؟!"
" انا معملتش حاجة غلط ..
انتوا اللي غلط ، وانت بدل ما تساعد اخوك بتقف قصاده ، كمان هو هيخطبها بس ويسافر وهناك يشتغل ويكمل دراسته وانت ممكن تساعده"
- اساعده في ايه ؟! يسيب مستقبله وحياته عشان شوية هبل
" الهبل دا هو اللي بيحركنا ويخلينا نشوف الدنيا بنظرة افضل ، انت لو ساعدته يتجوز اللي بيحبه ، هتكون بتساعده يحقق مستقبله ، ومين قالك أن الجواز هيعطل مستقبله.... انت لازم تقف مع اخوك "
- ابعدي عن وشي دلوقتي
متحركتش خطوة واحدة ولا هو كمان .... بس في الاخير اتضايقت من بروده ومشيت....هو فاكر نفسه ايه ، عايز الكون كله علي مزاجه
" انت مچنون يا عز ؟!"
- هما اللي رفضوا يساعدوني ...
" تقوم تسرق دهب جدتك ، انت اهبل ، الأمور مش بتمشي بالعند ... هات الدهب دا ، وارجع لعقلك "
عز :في صوت حد جاي
" اطلع انت بسرعة وانا هتصرف "
يالله دي تيتا فايزة ، لو شافت الدهب معايا هتفكر سرقته....
-انس :تعالي معايا ....
فايزة: انس ...صبا بتعملوا ايه ورا الكنبة ؟!
