صغيرتى ج1
دخلت وراها الاوضة وقعدت جنبها وقتها هي ابتسمت
فايزة بابتسامة: طيب بصي يا حبيتي انا واحدة عندي ٦٠ سنة وربيت رجالة واتعاملت مع ناس كتير وقابلت المحترم وقليل والأدب والعنيد والذوق وكل اللي يخطر علي بالك.... وانا عايزة اتكلم معاكِ ، ليه مش عايزة تخدم جوزك ؟ هو انتِ مش بتحبيه ؟ عارفة حتي لو بتكرهيه ، انت مطلوب منك حاجات كتير تعمليها ، زي ما هو مش بيقصر في حقك وبيصرف عليكِ
دلوقتي أنتِ وشهاب يومكم في التنضيف النهاردة بما انك بقيتي عايشة معانا يبقي لازم تساعدي زينا والا مش هتاخدي تليفونك
" لا تليفوني لا "
الست دي خبيثة فعلا زيي ....
فايزة' طلع ابوها مفهني الحوار غلط ....انا برضوا هحاول اعدل سلوكها من ناحية عصبيتها الشديدة دي وعنادها ....لازم تكون اهدا شوية وكمان هي مش هينفع ترجع بيتها خصوصا أن أهلها مسافرين مدة طويلة '
" وكدا خلصنا اخيرا ... بتضحك ليه ؟؟"
- احنا لسه علينا تنضيف المطبخ والجنينة وكمان نمسح قدام البيت ونرش الجنينة ونطبخ و....
" كل دا ؟! ليه مفيش حد بيساعدكم ...هو مين اللي كان بيعمل كدا دا "
- كلنا هنا ... جدتنا ربتنا أن الراجل يكون مسؤول عن نفسه ...ازاي يقدر يدير شغل وحياته وهو مش عارف يهتم بأوضته حته ..... هو هنا مش بنتعب اوي عشان في احدث الأجهزة ... الغسيل بيترمي في الغسالة وخلص علي كدا ...والبيت نضيف عشان كل واحد مش بيحاول يوسخ المكان لأننا اتربينا اللي بيهدل حاجة ينضفها....هما بس حاجتين صعبين....لا الحقيقة ٣.... الطبخ... غسل الاطباق والحلل ....وكمان تنضيف ازاز الباب ....بكره دا الحقيقة....
" غريبة ...اول مرة اشوف بيت في رجالة بتساعد "
- جدنا الحقيقة كان كدا ، لانه هو برضوا اتربي علي كدا وشاف أبوه ببساعد في البيت ...
" اه حلو ....طيب بص انت هتطبخ وانا هعمل الباقي "
- اطبخ بس ؟!
" اه وانا ههتم بالباقي"
- اشطا اتفقنا ....
طلعت الأمور من غير العند حلوة اوي .... يعني دلوقتي البيت نضيف وشهاب بيعمل الاكل وانا خلصت كل حاجة باقي بس غسيل المواعين ودا بعد الاكل .... دخلت الجنينة ارتاح شوية ... عرفت اني دي بتاعت اخوهم الكبير اللي اسمه انس ...هو مش بيظهر خالص علطول في شغله أو في أوضته .. شهاب قالي أنه مش بيحب يقعد مع حد غير جدتهم وأنه بيحب يكون لوحده دايما...انا مش بحب الناس دي ، بس بحب مكانه ... المكان دا حلو اوي ... كمان في مرجوحة الواحد ممكن ينام عليها ....اه حلوة بشكل....كمان يا بخته يقعد عليها ويشوف النجوم بالليل .... الجنينة دي بحس أنه عالم تاني بعيد عن كل البيت .... كلها مليانة ز هور ورود وشكلها حلوة اوي ...فيها كل حاجة منظمة.....هو شهاب اتاخر ليه ومخلصش الاكل ....انا هقعد شوية هنا لحد ما ينادي عليا .....
انس : انا متاكد من الحسابات.... دقيقة وهبعتلك فايل اخر التحديثات و......
هي بتعمل ايه هنا ؟! ونايمة ليه هنا ؟! ... كنت فاكر اني بتخيل بس هي طلعت نايمة فعلا علي المرجوحة....هي البت دي بتاعة مشاكل ومتطفلة ليه..... انتبهت علي صوت العميل وهو بيكلمني ....سبت المكان كله وطلعت اخلص المكالمة عشان اجي اخلص عليها وارتاح من التطفل دا
شهاب : اخيرا لقيتك أنتِ كنتِ فين ؟!
" كنت في الجنينة قاعدة فيها "
شهاب : اوعي تدخليها تاني ....انس مش بيحب حد يقرب من حاجاته ابدا ...وكمان هو رغم هدوءه بس عصبي اوي
" عصبي علي نفسه ميقدرش يقرب مني ولا يقدر يعمل حاجة"
انس بهدوء: متأكدة ؟! انا مش من عادتي اتعامل مع ناس عقلها صغير بس متدخليش الجنينة تاني
" لا هدخلها براحتي كمان ،هي كانت باسمك؟!!"
رفع حاجبه ' لا والله ؟!'
ما هي بتاعته فعلا وباسمه ، ايه اللي بقوله دا ...هو اي عند وخلاص
- طيب اتمني مشوفش وشك هناك تاني
" علي أساس اني ھموت وادخلها يعني ...عمري ما هدخل المكان دا ، علي أساس من حلاوته يعني "
شهاب : طيب الاكل هيبرد .... يلا يا صبا
مشيت معاه فعلا واكلنا وبعدها غسلت الاطباق
"انت مش عندك مذاكرة ؟!"
- عندي الصراحة بس دلوقتي شغال
" انت بتعرف في الجرافيك "
-اه دي حاجة سهلة
" دقيقة....هو مين مصورك الصورة التحفة دي ؟!"
- تصويري وانا اللي عامل الدمج دا
" انت موهوب يا بني تحفة بجد"
ابتسم ' بجد حلوة ؟؟'
" انت بتهزر ؟ دي تحفة والله ....ما تعمل اكونت علي الإنستا وتنزل الصور دي ،"
- لا يا ستي دي حاجات تافهة
" اسمع مني بس....هات تليفونك كدا "
عز : انتوا واضح بقيتوا أصحاب جامد ، قاعدين مع بعض من ٤ ساعات
" شايف تصوير شهاب حلو ازاي"
استغربت أن شهاب سحب التليفون من ايدي .... شهاب الحقيقة شاب لطيف جدا بس واضح أنه مش بيحب يشارك حد حاجة ....هي ايه العيلة اللي كل واحد فيهم لوحده دا
" هو شهاب زعل من حاجة ؟؟"
عز ' لا دي طبيعة شهاب مش بيحب يشارك حد حاجة والغريب أنه شاركك بس دي حاجة حلوة .... شهاب اتعود أنه يكون لوحده خصوصا أنه هو الوحيد اللي عمره ما شاف ماما ... يعني ماما ماټت لما هو اتولد ، بس احنا معاه وبنحبه طبعا وجدتنا بتحبنا اوي وكمان نجمة........
انس 'بتحذير': عز ....
انتبهت لوجود انس وقتها لاحظت عند وتحدي في نظراته....كمل كلامه بنفس النبرة
- حياتنا وامورنا الشخصية واللي بيتعلق بالناس اللي بنحبهم ....مش بنحكيه للغريب يا عز
رغم اني لو حد غيره كان قال الكلام دا كنت اتعصبت بس هو عنده حق ...وعشان كدا ابتسمت بهدوء.... هدوء حقيقي
مع الوقت اسلوبي بدأ يتغير ، تيتا فوفا ، الحقيقة كلمة فوفا بتضايقها وانا بحب احړق ډمها ، مش دا موضوعنا ....المهم هي ساعدتني كتير ، علمتني ان مش كل الامور بتيجي بالعند... وأنه بيضر اكتر ما بينفع واني لازم اصبر شوية ....كمان يعني الي حد ما بدأت أرحب بأمور كانت بټحرق دمي في الاول بس ...دي خطوة حلوة .... هنا شهاب مشغول في امتحاناته وكمان عز برضوا....ومستحيل طبعا اقعد مع اخوهم الكبير علي أساس أنه هو هيوافق اصلا ....وهنا تيتا لسه واخدة مني التليفون ....انا حاسة بملل اعمل ايه طيب ؟! هي الساعة ١١ ومستحيل انس يكون هنا ، هنزل اقعد في الجنينة حبة صغيرة ....مش هيحصل حاجة يعني
" بالله انا عمري ما حبيت ولا عشقت بالشكل دا ...."
كنت قاعد بكلم ٣ اصحابي في الشغل وفي ماتيتج اونلاين وسمعت صوتها العالي دا .... هي البت دي بجد عايزة ايه ؟! هي ازاي مش شايفة اني قاعد هنا....انتبهت علي ضحكة اصحابي
زين : طيب هنقفل احنا ونكمل بكرا
-دقيقة بس ....
صبااااااا .... ياربي طول عمري بكره الازعاج....فين هي
- أنتِ بتعملي ايه هنا ؟!
"يامامااااااا"
هو طلع منين دا .... ياربي شكلي وحش اوي ...
- مش انتِ قولتي مش هتدخلي المكان دا تاني....غيرتي ليه كلامك ؟!
" عادي يعني ....خليني اقعد شوية صغيرين "
- لا اطلعي برا
" شوية صغيرين بس ...طيب لما تكون أنت مش موجود انا هاجي اقعد شوية"
- أنتِ متقعديش خالص في المكان دا ولاتحطي رجلك حتي
نصبر شوية ومفتحش دماغه عشان المكان حلو فعلا
" بالله عايزة اقعد شوية صغيرين"
-ولا.......
نسمة هوا جت غيرت كل حاجة ... خلتها تغمض عينيها وتضحك بجد ....وخلتني انا اسكت ... هي كل حاجة هديت كدا ليه ؟!
" بالله سيبني شوية "
سبتها ومشيت ....انا مش حابب فعلا وجودها
" هو ماله دا ؟! مش مهم ... اخيرا هقعد براحتي "
