بحبك ي لؤي

البارت التاني
قصه أحببتك لأنك اخترتني
انا لما اكلمك متمشيش وتسيبيني 
_ابعد ايدك عني يا لؤي 
ودا من امتى يا وعد من امتى وانتي بتصديني في كل حاجه كدا 
لؤي سيب ايدها 
هه انت اهبل يا لؤي هو انت لسه مصدق نفسك ولا مصدق كلمه بابا اللي كانت بتقولهالك وانتوا صغيرين عشان مفتقده باباها انت مش ابوها يا لؤي ولا في حاجه تثبت دا ومش معنى أن الفرق بينكم عشر سنين يبقى انت كدا كبير أو في مقام ابوها الله يرحمه.

ا بحزن تمام يا أدهم بس هي عارفه كويس هي بالنسبالي ايه وان انا بعتبرها بنتي بجد صح يا وعد
_كان واقف باصصلي ومستني مني الرد..
وعشان كدا عشان عارفه اني بالنسبالك مجرد اخت او بنتك فا انا مش حابه اني اكون قريبه منك تاني مش حابه انك تفضل تعاملني زي الطفله مش حابه انك تستهون بمشاعري اللي اعترفتلك بيها بدل المره الف وانت شايفها لعب عيال انا تعبت يا لؤي ومبقتش قادره ولا حابه دا مبقتش عايزه اب انا بقيت عايزه حد يحبني انا عايزه زوج انا كبرت يا لؤي ودا اللي انت مش قادر تفهمه انا كبرت وبقي عندي قلب وبحب بيه وانا حبيتك بس انت مشوفتش دا مشوفتنيش انا اصلا خلصت كلامي وانا مڼهاره من العياط وسكت وهو فضل مصډوم وباصصلي وكان واقف جمبي أدهم وساكت وحسيت اني في صحرا من السكوت اللي هب علينا فجأه احنا التلاته.. 
تمام عن اذنكوا 
_سابني ونزل وانا فضلت واقفه على السلم بعيط 
اهدي يا وعد اهدي وتعالي يلا ننزل عشان الشغل يلا
_نزلت معاه وانا ساكته وبعيط بس انا خاېفه اكون زعلته مني خاېفه فعلا ميكلمنيش تاني مش عارفه انا ليه قولتله كدا انا مش عيزاه يبعد عني حتى لو هيعاملني بنته بس.. كل دي كانت افكار في دماغي بفكر فيها وانا مكمله عياط 
وعد ممكن تهدي وبطلي عياط ولو في حاجه عايزه تحكيها او بتفكري فيها قولي ومتفكريش فيها لوحدك 
_.... انا مش عارفه 
ايه! مش عارفه ايه
_حاسه اني متلغبطه كل حاجه متلغبطه وقلبي واجعني واجعني اوي بجد وحاسه ان كل حاجه بحبها بتبعد عني حاسه ان انا السبب هو انا وحشه هو ليه محبنيش ليه مخترنيش انا اشمعنا هي ليه حبها هي واتجوزها هي ليه شافني انا طفله وهي كبيره هو انا طفله يا أدهم هو انا ممكن اكون وحشه.. 
وقفت بالعربيه على جنب وبصتلها وهي بټعيط وعيونها بصالي وكأنها بتترجاني اني اقول الحقيقه ومكدبش اكيد لا يا وعد انتي مش وحشه ابدا انتي جميله جدا وطيبه وتتحبي بس هو اللي غبي ومحبكيش ودي مشكلته هو مش انتي ويمكن دا مكنش نصيبك وربنا مكنش رايد انكم تبقوا لبعض ولو لسه في فرصه انكم تبقوا لبعض فا اكيد هتبقوا لبعض بس المهم متفكريش خالص كدا ومتقوليش ابدا انك وحشه انتي اجمل بنت انا عرفتها في حياتي كلها يا وعد وهتفضلي أجمل بنت طول عمرك 
_ابتسمت بكسوف شكرا يا أدهم شكرا انك جمبي انا بحبك اوي والله 
ايه 
_استوعبت اللي قولته لا لا مش دا قصدي قصدي يعني اني ان انت صاحب بحب اخ انت فاهم حاجه 
خلاص خلاص كفايه لغبطه انا فاهمك 
_انت ادايقت 
اكيد لاء ويلا هنعمل ايه هتروحي الشغل اللي اتاخرتي عليه 3 ساعات دا 
_يالهوي دا انا لو روحت دلوقتي هطرد بص احنا نرجع البيت وانا هكلم استاذ شريف اقوله اني تعبت ومعرفتش اروح واه انت كمان مش لازم تروح الوقت اتأخر اصلا 
اتأخر ايه يا بت الساعه 11 وانا لازم ارجع المنصوره فا هروحك وارجع 
_بصتلوا جامد وببرائه وعنيه المدمعه يعني عايز تسيبني انت كمان حتى وانت شايف اني مدايقه وتعبانه تمام براحتك. 
بت انتي متبصليش كدا ها مش هضعف مش هضعف ومش هقعد مش هينفع بقولك مش هضعف بقى حرام عليكي.. ماشي هقعد وامشي بليل 
_هيييييه اخويا حبيبي يلا نخرج بقى 
ايوه يلا استغلي الفرصه بقى يلا بينا ياختي
انا اكيد مش جبله لا انا زعلت زعلت لما لقيتها بتقوله كل الكلام دا ادايقت لما لقيتها بټعيط عشانه وبسببه ادايقت لما لقيتها مستنيه انا اللي اواسيها في حبها لشخص تاني وانا اكتر شخص