الحب كامله

مع بعض برا يعني عارفها وعرفاني وكمان عشان اقدر اخرج معاها براحتي 
اصل يعني
ولا اصل ولا فصل ي ابو حنان يوسف عنده حق عشان يبقو علي راحتهم خلاص نخليها كتب كتاب 
اي رأيك ي حنان
اللي تشوفه ي بابا
يبقي علي بركة الله نقرأ الفاتحه 
يقروا الفاتحه ويتفقوا علي كل حاجه ويمشي يوسف وقبل كتب الكتاب بيومين حنان واقفه ف المحل 
ممكن تعمليلي احلي بوكيه ورد لاحلي وردايه ف حياتي 
يوسف بتعمل اي هنا
جاي اخد ورد لمراتي
وطي صوتك الله يخربيتك انت ومراتك بجد جاي ليه
وحشتيني
تضحك انت كمان وحشتني اوي بس امشي بقا قبل بابا م يشوفك
انتي ليه محسساني اني شاقطك ي بنتي كتب كتابنا بعد يومين والله 
وهيتكتب كتابنا ازاي واحنا متجوزين اصلا
احم مهو احنا اللي بينا دا مجرد عقد متسجلش لسه يعني زي عرفي كدا 
نهارك اسود متجوزني عرفي 
وطي صوتك ي مجنونه اومال كنت هجيبلك مأذون ف روسيا منين
وانا اقول الواد جاب مأذون منين اتاريني متجوزه عرفي علي اخر الزمن 
عشان تبقي تبطلي تنمر
صح دا اخرة التنم... اي دا انت عرفت منين
هو انا ببيع بليله قدامك ظابط ي ماما ها ظابط 
ماشي ي عم الجامد
والله انت اللي جامد م تجيبي  
اتلم 
اهلا ي يوسف ي بني
احم اهلا ي عمي ازي حضرتك
بخير خير اي اللي جابك
ابدا كنت معدي قولت اجي اسلم علي حضرتك استأذن انا بقي 
مع السلامه ي بني
يوطي علي حنان يوشوشها 
سلام ي جامد
يمشي وابو يبصلها بعين ضيقه ويبتسم تتكسف وتوطي وشها 
ييجي يوم كتب الكتاب وتلبس فستان بيبي بلو وتحط ميكب خفيف
ييجي يوسف ويكتبو الكتاب 
مبروك ي جامد
اي جامد دي هو انت شاقطني 
احلي شقوطه ف الدنيا 
يوسف 
عيون يوسف
يوووه
يضحك خلاص خلاص قولي عاوزه اي 
هو اي علاقة ماتيدا دي باللي حصل وازاي ليو كان واثق فيك كدا
دا وقته ي بومه
اه وقته منا مكنتش بقعد معاك 
خلاص هاخدك الوقتي ونخرج واحكيلك اللي انتي عاوزاه
يروح يقول لباباها ويوافق ياخذها ويروح يقعدوا ف مطعم
بصي ي ستي الحكايه كلها بدأت من سنتين
Flash back
ف مكتب اللوا مختار
ف مهمه محدش هيقدر يقوم بيها غيرك ي يوسف 
انا تحت امرك ي افندم
في ماڤيا روسيه جايه مصر بكره الزعيم بتاعها وابنه هينزلو ف شرم الشيخ بيجهزو لعمليه تفجير كبيره ف المؤتمر اللي هيتعمل هناك وطبعا هيحضروا ناس مهمهين جدا ف البلد المطلوب منك انك تصفي الزعيم دا والماڤيا اللي معاه ف سريه تامه ومن غير م حد ياخد باله
اوامرك ي افندم 
يلا ي بطل ربنا معاك
يطلع يوسف يجمع فريقه ويطلعو علي شرم 
يفضلو يومين يراقبو الماڤيا لحد م تيجي ساعة الصفر ويخلصو عليهم كلهم وتخلص المهمه 
ويرجع
برافوا ي يوسف انا كنت عارف ان محدش هينجز المهمه دي غيرك دايما عند حسن ظني 
دا شرف ليا ي افندم 
بس ف مشكله صغيره ان زعيم الماڤيا اوليكساندر كان مشترك ف عمليه تانيه مع زعيم ماڤيا تاني اسمه ابو ودا عن طريق ابنه ارسلان انت ملاحظتش حاجه ف ارسلان دا 
كلنا لاحظنا ي افندم طبعا ان ارسلان نسخه مني لدرجه ان محمد كان هيموتني انا بداله
يضحك وهو دا المطلوب 
مش فاهم المطلوب مني اي بالظبط
انت هتسافر روسيا علي انك ارسلان وهربت من هنا ولحسن الحظ ان مامت ارسلان كانت مصريه وارسلان كان بيتكلم هناك عربي كتير ودا سهلنا مهمتنا 
تمام ي افندم 
Back 
وبس ي ستي وبقيت انا ارسلان 
طب وماتيلدا 
ماتيلدا دي بقا كانت بتحب ارسلان وف نفس الوقت اخت ليو بس محدش يعرف ولما شكو فيا كانت هي بتراقبني 
حاسه اننا وسط روايه ومش اي روايه لا دا اكشن وړعب واثاره ورومانسي 
مش حارمك من حاجه اهو
تضحك ربنا ميحرمنيش منك 
يبوس ايديها
ولا منك ي حبيبتي 
يقوم يروحها وبعدها بشويه يتفقوا ع الفرح 
قبل الفرح بيومين يوسف قاعد ف مكتبه بيكلم حنان 
ي بت اتهدي بقا مرمطيني معاكي
الله مش جوزي يعني اطلب من حد غريب بيجي معايا