قصه كوميدي كامله

سوكة اتغاظت اكتر وجريت وراه ومسكته من دراعه وقالت 
هو انا مش بكلمك ! اظن من الزوق انك تقف وتكلمنى ..ااا اده انت اټجننت
سوكة مكملتش كلامها لانه مسك كوباية ماية ودلقها عليها وسابها ومشي ..
جريت وراه عشان تضربه الا ان امن المطعم اخدوها وطلعوها برا ..
بعد وقت كانت سوكة وافقة هى وسندس قدام المطعم ومستنيين الشاب ده يخرج

سوكة قالت اه يا مين يناولنى زمارة رقبته الواد ده بقى انا سوكة الى محدش بيقدر عليها يتعمل فيها كده
سندس هييييح بس الواد حليوه ولا عينيه الى شبه الممثل التركى بوراك اوزجيفيت .. 
قاطعتها سوكة وقالت يا اختى اتلمى ده وقته عنيه ورجليه بدال ما كنتى تيجى تضربيه معايا بس وربنا منا سيباه .. يطلع بس وربنا لانفخه ..
بعد شويه الشاب طلع ووقف يتكلم مع واحد وركب عربيته ومشى سوكة وسندس ركبوا اول تاكسي ومشيوا وراه لغاية ما العربية وقفت تحت عمارة وهو ركن العربية ونزل طلع بيته ..
سوكة قربت من العربية وابتسمت بشړ سندس جت تجرى عليها وقالت 
هتعملى ايه يا مچنونة يا بنت المجانين
ده انا ناوية احسره على الرنج روفر الى فرحان بيها تلاقى ابوه ولا امه الى جايبنهاله يلا يستاهل الى هعمله فيها ..
سوكة مسكت عصاية وكسرت بيها العربية سندس حاولت تمنعها وقالت 
يا خربيتك انتى عارفة العربية دى بكام
انشالله حتى ب٥٠٠ مليون جنيه خليه يندم على قلة ادبه
طب تعالى نجرى بسرعة يا بت العبيطة البواب شكله شافنا وجى يجرى علينا ..

سوكة اخدت سندس وركبوا واول تاكسي وخلعوا بعد ما سوكة كسرت العربية ..
سوكة ابتسمت وقالت 
ياااه اهو انا كده فشيت غليلى منه واخدت حقى عشان يبقى يدلق عليه المية كويس قدام الناس ..
بت يا سوكة انا مش مرتاحة افردى يا اختى بلغ البوليس
ما يبلغ هو حد يعرفنا ولا شافنا فكك الى زى دول بيغيروا العربيات زى ما بيغيروا الهدوم .... مش بعيدة تكون عنده بدال العربية تلاته واربعة ..
فى مكان تانى
كان فى واحد واقف متعصب وبيقول 
الله يخربيتك يا معتز ازاى تركن العربية فى الشارع كده مركنتهاش فى الكراج ليه !
انا كنت طالع اخد حاجة من الشقة ونازل بسرعة قلت مش مستهلة جراج وبعدين البواب كان قاعد بس هو الى حمار
اهى العربية اتكسرت هتعمل ايه بقى بالحمار ... انت عارف تصليح العربية دى يسوى كام !
مش عارف بقى يا عماد متفكرنيش منها لله البت الى شبه السلطعون ..... اه لو اعرف هى فين ده انا كنت قرقشتها بسنانى
البت دى لازم تجبها من تحت الارض ابو نواس لو رجع من السفر وشاف العربية كده هيخلص علينا
لا انا مش هرتاح غير لما اجبها وساعتها هخليها تصلحها على حسابها ومش كده وبس لا ده انا هلحسها تراب الأسفلت كمان ..
سوكة دخلت الحارة وكانت رايحة ناحية بيتهم بس لقيت المعلم حسنى واقف قصادها نفخت بضيق وقالت 
ايه يا معلم هو مش لسه اول الشهر مجاش وبعدين قولتلك كذه مرة متوقفنيش تقولى على الايجار
محسن انا مقصدش والله يا ست البنات انا من هنا ورايح مش هاخد منكم ايجار واعتبروا البيت بيتكم ..
طيب توشكر يا معلم عن اذنك بقى
استنى بس يا سوكة انا كنت عاوزك فى موضوع
امم موضوع ايه يا معلم
انا بالصلاة عالنبى كده معجب بيكى وكنت عاوز اكلم ابوكى عليكى
تكلم ابويا عليه ليه هى اى نميمة وخلاص
لا مش القصد انا معجب يعنى وعاوز اتقدم واتجوزك ومش هاخدك غير بشنطة هدومك
خدك ربنا .. اه والنعمة انت راجل عرة أصلا وانا كنت مستنية اللحظة دى من زمان
ليه كده بس يا ست سوكة ده انا رايدك بالحلال
ستك قرعة يا راجل يا الى هربان من الحانوتى بكفالة ده انت رجلك والقپر جى تتجوزنى انا يا خويا روح ربى بنتك نوال الى دايرة على حل شعرها ..
متشكرين منك يا بنت الاصول بس انا مغلطش لما دخلت البيت من بابه وكنت مستنى ابوكى عشان اكلمه
كلك سبع يا خويا روح شوف مرتاتك الى هيرقعوك علقة لو عرفوا انك هتتجوز عليهم صحيح راجل عينه فارغة ...
سوكة مشيت وسابته ..
سوكة كانت قاعدة قدام التليفزيون وقالت 
احم بصراحة كده احنا هنمشي من هنا قريب قلبى حاسس مش متاكد ..
ردت حنان وقالت 
قلبك حاسس عملتى ايه يا مصېبة انطقى
معملتش حاجة وربنا بس انا مقدرتش امسك لسانى هو اول ما طلب ايدى للجواز رقعته كام كلمه ولسوعته فى قرعته
هو مين ده الى طلبك للجواز
احم المعلم حسنى صاحب البيت
يعنى هو طلبك للجواز وانتى طبعا متتوصيش علمتى عليه قدام الناس ..
ده انا خليته شبه الكورة الشراب ..
حنان مسكت الشبشب وحدفته فى وشها وقالت 
انا خلاص