الذئب كامله

وكمان بتقولي ان النور قطع عليكي في الحمام وهو مقطعش اصلا وانك فضلتي تندهي عليا وانا مسمعتكيش
ياسمين .. وفي حاجة كمان
هند .. ايه هي 
ياسمين .. سمعت صوت غريب جوا الحمام وزي ما يكون واحد بينادي علي اسمي
هند .. لا .. يبقي كدا فعلا البيت مسكون
وفجأة يدخل فريد عليهم الغرفة قائلا
فريد .. يعني هتفضلوا ترغوا كتير وسايبني قاعد في الصالة مع نفسي !
ياسمين .. ايه ده !! انت دخلت هنا ازاي !!
السادسة 
فريد .. ههههه .. لا بقي !! مش انا بس اللي طلع مسطول وبيشرب !! 
مش انا يا بنتي يقصد هند
خبطت علي باب الشقة من نص ساعة وانتي فتحتيلي .. 
حتي بالامارة قلت سلاموا عليكم وانتي مردتيش وعينك ما اترفعتش من الكراسة اللي في ايدك دي
هند متعجبة .. محصلش .. مفيش حد خبط علي باب الشقة من نص ساعة !!
فريد .. طب عدم لا مؤاخذة هكون دخلت ازاي يعني !! م تحت عقب الباب مثلا !!! لا انتي ضايعة خالص يا هند
ياسمين .. جايز تكوني فتحتيله ومش فاكره عشان مخك مشغول بالكراسة اللي في ايدك
فريد .. هي فيها ايه الكراسة دي !!
هند .. وانت مالك !!
فريد .. لا .. انا لازم اعرف الكراسة دي فيها ايه بالظبط
ياسمين .. فيها مذكرات رباب الله يرحمها .. ارتحت !!
فريد .. اها .. الف رحمة ونور عليها .. عقبال مذكراتنا انا وانت يا جميل يقصد ياسمين 
هند .. تصدق انك بارد ومعندكش ډم !!
فريد .. ليه الغلط اللي مالوش حدود ده !
هند .. لأنك مش مقدر الظروف اللي احنا فيها وعمال تستخف في دمك .. مع ان دمك يلطش بصراحة
فريد .. وانا قلت ايه يعني عشان تقولي اني بستخف دمي !!
هند .. مذكرات ايه اللي هتكتبها انت وياسمين !!
فريد .. مذكرات جوازنا باعتبار ما سيكون بإذن الله
ياسمين .. يعني ان شايف ان دا وقت مناسب لكلام زي دا !
فريد .. دا عزه كمان .. ان مكنتش اتجوز بنت عمي اللي طول عمري بحبها واقف جمبكم في وقت زي ده وخصوصا ان عمي في السچن ولسة قدامه سنين طويلة لحد ما يخرج . .وبالمرة نخرص الالسنة اللي عمالة تتكلم في الفاضي والمليان وخصوصا لما يعرفوا ان البيت بقي فيه راجل
هند .. عندك حق وخصوصا انت مش اي راجل .. دا انت سيد الرجالة
فريد .. بتتريقي يا هند .. حاضر .. وحيات امي هدفعك تمن تريقتك دي غالي
هند .. طب يلا بقي ورينا عرض كتافك سيبنا في الويل اللي احنا عايشين فيه ..
فريد .. حاضر .. من غير سلام
ياسمين .. انتي علطول صداه كدا !!
هند .. عشان دا انسان فاشل وانتهازي وجاي يستغل الظروف اللي احنا فيها لصالحة ويعمل فيها المنقذ من الضياع
ياسمين .. مش جايز يكون فعلا منقذ لينا
هند .. معني كلامك دا انك موافقة تتجوزي الحشاش دا اللي بابا رفضه من خمس سنين!
ياسمين .. يعني لو متجوزتوش .. تظني ان في حد تاني ممكن يتقدم بعد ما ڤضيحتنا بقت علي الملأ!!
هند لا تجيب ويأتي المساء وتذهب ياسمين للعمل في عيادة الدكتورة ابتسام والتي عرضت عليها العمل معها حتي تحصل علي دخل يساعدها علي اعباء المعيشة في ظل تلك الظروف الصعبة التي تمر بها وتركت هند بمفردها في الشقة والتي عكفت علي مذكرات رباب تقرأها لعلها تصل الي حل لكل تلك الالغاز وفجأة تسمع هند صوت باب الشقة