اسكريبات كامل

ايه اللي عاملاه في شعر البت ده!
ماله شعرها ماهو متسرح اهو!
متسرح ايه ده متسرح ده!
حرام عليك شوفي حاجة للبت تخلى شعرها ناعم و يتسلك بسهولة.
كرمة شعرها كيرلي دي طبيعته مهما استعملت حاجات مش هيتحول لناعم مافيش كريم شعر هيعمل المعجزة دي!
ردت رباب
امال يعني بشوفك على كل الجروبات بتاعت الفيسبوك بكام بكام 

و بتسألي ليل نهار على أسعار المنتجات معقول ماشوفتيش حاجة تنعم شعر بنتك!
رديت عليها بلساني عشان للأسف ماينفعش أرد ب إيدي.
أنا بشتري الحاجات اللي تفيدني و تفيد البيت و أكيد لو لقيت حاجة هتفيد كرمة و هتخلى شعرها سهل التسريح هجيبها.
كملت كلامها بس كانت بتوجه الكلام لوالدتها.
و الله يا ماما امبارح لقيت اعلان عن زيت شعر البنت في الصورة بعد ما استعملته شعرها بقى أنعم من الحرير.
اعلانات اعلانات مش حقيقية عشان الناس تشتري و خلاص عن اذنكم أنا هنزل.. يلا يا كرمة.
أخدت بنتي و نزلت على السلم و أنا نفسي أرمي نفسي من عليه يمكن أموت و أخلص.
دخلت شقتي و قفلت الباب
بيت العيلة و بيت الزفت على دماغي
ما قالولي قالولي أنا اللي ماسمعتش الكلام
قالولي مش هتتحملي لكن ماسمعتش الكلام.
بصيت لبنتي و هي بتلعب و كلمتها بصوت عالى رغم إني عارفة إنها مش هتفهمني بس مش معايا غيرها اتكلم معاه دلوقتي.
حقك عليا سامحيني أنا و الله بحب شعرك شعرك جميل و شكلك كله جميل كان نفسي أجيبك وسط ناس يحببوك في نفسك عشان تطلعي بنت قوية عينها مليانة و مش مهزوزة بس للأسف أنت لو كبرتي و سمعتي كلامهم عنك و عن شعرك هتكبري و أنت كارهه شعرك و حياتك و هتكرهيني أنا شخصيا عشان مش عارفة أدافع عنك خدي بالك أنا ممكن أرد عليهم و أهزقهم يعني رباب عمتك اللي بتتكلم دي ابنها مابيعرفش ينطق كلمتين على بعض ما أنا ممكن أتريق عليه و أذلها بيه بس مايهونش عليا حرام..
و لو عملت كده هتقلب خناقة كبيرة و هقاطعهم و أبوك هيزعل و هيتخانق معايا و برضو أنت لو كبرتي في الوضع ده مش هتبقى مبسوطة!!
طب أعمل ايه!
أعملك ايه عشان أحميك منهم!
ليا تلات سنين متجوزة في التلات سنين دول مش عارفة أنبسط!
مش عارفة استمتع ب أي حاجة أي حاجة بتحصل لازم يعننكوا عليا و يسمعوني كلام يسد النفس.
كرمة نامت
أيوه أكلت و نامت.
صح يا حورية كنت عايز أقولك حاجة.
خير
ابقى شوفى حاجة لشعر كرمة و اهتمي بشكلها شوية.
اهتم بيها شوية!!
أنت كنت عند أهلك قبل ما تطلع هنا
اه اشمعنا
هو قال كده و أنا ماقدرتش أتمالك اعصابي.
طيب بص يا إبراهيم عشان أنا فاض بيا و الله و مش قادرة أتحمل أكتر من كده عشان كده كتير على أي بني آدم بجد.
هو ايه اللي كتير أنا مش فاهم حاجة!
تدخلات أهلك في حياتي أنا تعبت و الله مش عاوزين يسبوني في حالي ليه
قولتلي في البداية حبيهم و وديهم و عامليهم حلو بقيت أعمل كده و كل ما أعمل أكل و لا حاجة حلوة لازم أنزلهم يدوقوا منها و كنت ببقى مبسوطة لكن هما و لا مره قالولي شكرا بلاش شكرا.. كل مره كنت أنزل بالحاجة و أقولهم اتفضلوا ألاقي والدتك بتقولي لأ أنت حاجتك مليانة سكر و أنا أخاف على نفسي شكلك عايزة تجبيلي السكر!
أنا عايزة اجبلها السكر!
أبوك الراجل الغلبان يجبر بخاطري و يقولي هاتي يا حورية تقوم اختك تغمزه و تقوله بلاش يا بابا احنا نخاف عليك
ليه يعني!
هحط لهم سم في الأكل!!
و دلوقتي قايمين على بنتي و أكل بنتي و شكل بنتي و شعر بنتي
كل ما أعملها حاجة ماتعجبهمش 
اللبس ده وحش الأكل ده مش كويس ليها شعرها وحش شعرها خشن شكلها مش عارفة ماله
ماله شكلها و شعرها!
اعملها ايه يعني!
واحده مخلوقة بشعرها كيرلي أغيرها إزاي!!
قرفوني في عيشتي.
كل ده من اهلي!
ده أنت مش طايقاهم بقى!
أهلي أنا قرفوك!
دول بيحبوك أكتر مني ده يوم ما أبويا بيجيب حاجة لبيته أمي بتصمم يجيب زيها لينا.
ده عشان هي مقتنعة إني لو شوفت الحاجة هبص لها فيها و هحسدها فبتخليه يجيب زيها لينا على أساس بتخذي العين.
ليه أمي الساحرة الشريرة 
أنت إزاي شايفه أمي